¹ Pado suatu hari Sabat, Yesus datang ka rumah salah saurang pamimpin urang-urang Farisi untuk makkan roti basamonyo dan sidak sadonyo mangawasi Yesus. ² Pado waktu itu, ado saurang nan mandarito busung air di mukko-Nyo. ³ Yesus magecek kapado urang-urang Farisi dan ahli-ahli Taurat, "Apokah boleh manyambuhkan urang pado Hari Sabat?" ⁴ Akkan tatapi, sidak indak manjawab-Nyo. Kamudian, Yesus pun mamaccik urang sakkit itu dan manyambuhkannyo, lalu manyuruh urang itu pai. ⁵ Yesus mangecek kapado sidak, "Siapokah dari antaro munak nan jiko anaknyo atau sapi jantannyo jatuh ka dalom sumur pado hari Sabat, indak sagaro manariknyo ka lua?" ⁶ Mako, sidak pun indak mambantah parkatoan-Nyo. TAMPEK KAHORMATAN ⁷ Kamudian, Yesus mancaritokan sabuah parumpamaan kapado tamu-tamu undangan katiko Innyo maliek maccam mano sidak mamilih tampek-tampek duduk nan tahormat di samping meja makkan, kato-Nyo kapado sidak, ⁸ "Jiko kau di undang oleh sasaurang ka sabuah pesta parnikaha, janganlah kau duduk di tampek kahormatan karano tuan rumah itu mungkin ala mangundang urang nan labih takamukko dari kau. Lalu, tuan rumah itu akkan mandatangi kau dan mangecek, 'Agikanlah tampek kau kapado urang ikko!' Dan, kau pun harus pindah ka tampek nan paling randah jongon raso malu. ¹⁰ Namun, apobilo kau di undang, duduklah di tampek paling balakkang supao katiko nan mangundang kau datang, innyo akkan mangecek kapado kau, 'Sahabat, pindahlah ka tampek nan labih tahormat.' Jongon damikian, kau mandapekkan panghormatan di hadapan urang-urang nan duduk makkan basamo jongon kau. ¹¹ Sabab, sadonyo urang nan maninggikan dirinyo akkan dirandahkan, tatapi innyo nan marandahkan dirinyo akkan ditinggikan." UNDANGAN MAKKAN DAN BALASAN ¹² Lalu, Yesus mangecek kapado urang nan mangundang-Nyo itu, "Bilo jau mangadakan parjamuan makkan siang atau makkan malam, jangan mangundang kawan-kawan, saudaro-saudaro, kaum kaluargo atau tetangga kau nan kayo karano sidak akkan mambalas kau jongon mangundang kau untuk makkan basamo sidak. ¹³ Akkan tatapi, jiko kau mangadakan pesta, undanglah urang-urang miskin, urang-urang cacat, dan urang-urang lumpuh, dan urang-urang buto. ¹⁴ Dan, kau akkan diberkati karano urang-urang ikko indak dapek mambalas kau kambali; kau akkan mandapek balasannyo pado waktu kabangkitan urang-urang benar." PARUMPAMAAN TANTANG UNDANGAN JAMUAN MAKKAN ¹⁵ Katiko salah saurang nan makkan basamo-Nyo mandangakan parkatoan-parkatoan ikko, urang itu mangecek kapado-Nyo, "Diberkatilah urang nan akkan makkan roti di dalom Karajaan Allah." ¹⁶ Akkan tatapi, kato Yesus kapado urang itu, "Ado sasaurag nan mangadokan jamuan makkan malam nan gadang dan innyo mangundag banyak urang, ¹⁷ dan katiko waktu makkan malam ala tibo, urang itu manyuruh hambanyo untuk mangecek kapado paro tamu nan ala di undang itu, ' Datanglah karano sadonyo ala siap.' ¹⁸ Namun, sadonyo tamu undangan itu mulai mambuek alasan-alasan. Urang partamo mangecek, Ambo baru bali ladang dan ambo harus pai maliek nyo. Tarimola parmintaan maaf ambo, ¹⁹ Nan lain mangecek, 'Ambo baru mambali limo pasang sapi dan ambo harus pai untuk mamarikso sapi-sapi itu. Tarimolah parmintaan maaf ambo.' ²⁰ Samantaro nan lain mangecek, 'Ambo baru sajo manikkah. Karano itu, ambo indak bisa datang.' Lalu, palayan itu pun kambali dan malaporkan sadonyo ikapado tuannyo. Mako, majikannyo itu manjadi marah, lalu mangecek kapado palayannyo, 'Lakkelah pai ka jalan-jalan dan satiok gang di kota ikko. Bawolah kapado ambo urang-urang misakin, urang-urang lumpuh, urang-urang pincang, dan urang-urang buto.' ²² Kamudian, palayan itu mangecek kapadonyo, 'Tuan, ambo ala malakkukan apo nan kau parintahkan, tatapi masih ado tampek kosong.' ²³ Tuan itu mangecek kapado palayannyo, 'Pailah ka jalan-jalan rayo dan satiok gang. Ajaklah urang-urang di sano untu datang ka sikko supayo rumah ambo harus panuh. ²⁴ Ambo mangecek kapado kau, indak saurang pun dari sidak nan ambo undang sabalumnyo itu akkan manikmatinyo makkanan sajian ambo.''' TANTANG MANGIKKUT YESUS Banyak urang bajalan basamo-samo jongonn Yesus. Kamudian Yesus manoleh kapado sidak dan mangecek, ²⁶ "Jiko sasaurang datang kapado-Ambo tatapi indak mambanci ayah dan ibunyo, istri dan anak-anaknyo, saudaro lakki-lakki dan saudaro parampuannyo, bahkan hidupnyo sandiri, innyo indak bisa manjadi murid-Ambo. ²⁷ Siapo pun nan indak mamikul salibnyo dan mangikkuti Ambo, innyo indak bisa manjadi murid-Ambo. ²⁸ Siapokah di antaro kau nan ingin mandirikan sabuah manara, tatapi indak duduk talabih daulu dan manghitung biayo untuk mangataui apokah innyo mamilikki cukkup kepeng untuk manyalasekannyo? ²⁹ Jiko indak damikian, katiko innyo malatakkan fondasi dan indak sanggup manyalasekannyo, sadonyo urang nan malieknyo akkan manartawakan innyo. ³⁰ Urang-urang itu akkan mangecek, 'Urang ikko mulai mambagun tatapi innyo indak sanggup manyalasekannyo.' ³¹ Atau, raja manokah nan akkan pai, baparang malawan raja lain tatapi indak duduk talabih daulu dan mampartimbangkan apokah innyo basamo 10.000 tantaronyo dapek malawan musuhnyo nan mamilikki 20.000 tantaro? ³² Jiko innyo indak dapek mangalahkan raja lain itu, innyo akkan mangirim saurang utusan dan mananyokan syarat-syarat pardamaian katiko pasukan lawannyo itu masih jauh. ³³ Baitu lah juo jongon kay masung-masing, indak ado saurang pun di antaro kau nan dapek manjadi murid-Ambo jiko innyo indak manyerahkan saluruh kapunyaannyo." Garam nan tawar indak ado gunonyo ³⁴ "Garam itu baik, tatapi jiko garam itu ala kahilangan raso asinnyo, maccam mano kah mambueknyo asin kambali? ³⁵ Garam itu bahkan indak dapek digunokan untuk ladang atau pupuk sahinggo urang hanyo akkan mambuangnnyo. Satiok nan mampunyoi talinyo untuk mandanga, bialah innyo mandanga!"