¹ Pado suatu hari, Yesus badoa di suatu tampek. Katiko Innyo salase badoa, saurang dari murid-murid-Nyo mangecek kapado-Nyo, "Tuhan, ajarilah kami badoa samo maccam Yohanes mangajar murid-muridnyo." ² Kamudian Yesus mangecek kapado sidak, "Katiko kau badoa, dan badoalah maccam ikko: 'Ayah, dikuduskanlah namo-Kau. Dangakanlah karajaan-Kau. ³ Agikanlah kapado kami makkanan nan sacukkupnyo satiok hari, ⁴ dab ampunilah dosa-dosa kami sabab kami sandiri juo mangampuni satiok urang nan basalah kapado kami. Dan, janganlah mambawo janganlah mambawo kami ka dalom parcobaan."' MINTOLAH, CARILAH KETUKLAH ⁵ Kamudian Yesus mangecek kapado sidak, "Sandainyo salah satu dari kau mamilikki saurang kawan dan kau pai ka rumah kawan kau itu pado tangah malam jongon mangecek kapadonyo, 'Kawan, pinjamkanlah ambo tigo roti, ⁶ karano saurang kawan ambo nan sadang malakkukan parjalanan singgah di rumah ambo, tatapi tatapi indak punyo apo apo di rumah unntuk di tawarkan kapadonyo.' ⁷ Mungkinkah kawankau dari dalom rumah manjawab, ' Jangan ganggu ambo! Pintu ala takunci dan ambo baserta anak-anak ambo ala di tampek tidur. Ambo indak bisa bangun untuk mangagi apo pun kapado kau.' ⁸ Ambo mangatokan kapado kay bahwa maskipun kawan kau itu indak bangun dan mangagikan sasuatu kapado kau karano kau sahabatnyo, tatapi karano kau harus mamohon, innyo pasti akkan bangun san mangagi kau apo nan kau parlukan. ⁹ Jadi, Ambo mangatokan kapado kau mintalah, kau akkan manarimo. Carilah kau akkan mandapek. Ketuklah, pintu akkan bukkokan bagi kau. ¹⁰ Sabab siapo pun nan maminta akkan manarimo. Siapo pun na mancari akkan mandapek. Dan siapo pun nan mangetuk, pintu akkan di bukkokan baginyo. ¹¹ Adokah saurang ayah di antaro kau nan mangagikan ula kapado anak nyo jiko innyo maminta ikkan? ¹² Atau mamgaginyo kalajengking, jiko innyo minta talu? ¹³ Jiko kau nan jahek tau maccam mano mangagi pangagian nan baik kapado anak-anak kau, apolagi Ayah kau nan di surga. Innyo akkan mangagikan Roh Kudus kapado urang-urang nan maminta kapado-Nyo." YESIS MAMAKKE KUASO ALLAH ¹⁴ Pado suatu hari, Yesus mangusir setan dari saurang anak lakki-lakki nan bisu. Sasudah setan itu kalua, urang nan tadinyo bisu itu dapek babicaro dan urang banyak manjadi heran. ¹⁵ Akkan tatapi, babarapo urang mangecek, "Innyo mangusir setan jongon bakuaso Beelzebul pamimpin setan." ¹⁶ Babarapo urang lainnyo mau mamuji Yesus, sidak maminta Innyo manunjukkan sasuatu tando dari surga. ¹⁷ Akkab tatapi, Yesus tau apo nan sidak pikkikan dab mangecek kapado sidak, "Satiok karajaan nan tapecah-pecah dan saling mayerang akkan hancur. Dan, kaluargo nan anggota-anggotanyo saling bamusuhan akkan tacerai- berai. ¹⁸ Jadi, jiko Iblis juo tapecah-pecah dan malawan dirinyo sandiri maccam mano mungkin karajaannyo dapek batahan? Ambo mangatokan damikian karano kau mangatokan bahwa Ambo mamakke kuaso Beelzebul untuk mangusir setan-setan. ¹⁹ Jiko Ambo mangusir setan-setan jongon Beelzbul, jongon kuaso siapokah anak-anak kau mangusir sidak? Karano itu, sidaklah nan akkan manjadi hakkim kau. ²⁰ Akkan tatapi, jiko Ambo mamakke kuaso Allah untuk mangusir setan, Karajaan Allah ala datang kapado kau. ²¹ Jiko saurang nan kuek jongon basanjato lengkap manjago istananyo sandiri, harta bendanyo pasti dalom kaadaan aman. ²² Namun, jiko ado urang nan labih kuek darinyo hendak manyerang dan magalahkannyo, mako urang nan labih kuek itu harus marampas sanjato-sanjato nan di andalkan oleh urang itu dan mambagi-bagikan harto rampasannyo. ²³ Siapo pun nan indak barado di pihak-Ambo, innyo malawan Ambo. Dan siapo pun nan indak mangumpulkan basamo Ambo, innyo mancerai-beraikan." KAMBALINYO ROH NAJIS ²⁴ "Apobilo roh najis kalua dari tubuh sasaurang, roh itu akkan bakaliling malewati tampek- tampek nan karing untuk mancari tampek baristirahek, tatapi innyo indak manemukannyo. Karano itu, innyo mangecek, 'Ambo akkan kambali ka rumah nan ala ambo tinggakan.' ²⁵ Katiko innyo kambali, innyo manemukan rumah itu dalom kaadaan tasapu bersi dan taratur rapi. ²⁶ Kamudian, roh najis itu pai dan mangajak tujuh roh nan labih jahek darinyo untuk masuk dan tingga di rumah itu sahinggo kaadaan urang itu manjadi jauh labih buruk dari pado sabalumnyo." URANG-URANG NAN BARBAHAGIO ²⁷ Katiko Yesu mangatokan ikko, saurang parampuan nan barado di tanga-tanga urang banyak baseru, "Diberkatilah rahim nan ala malahirkan Kau dan buah dada nan manyusui Kau." ²⁸ Akkan tatapi, Yesus mangecek, "Barbahagialah urang-urang nan mandangakan firman Allah dan manaatinyo." TANDO YUNUS ²⁹ Katiko urang-urang nan bakumpul samakkin banyak, Yesus mangecek, "Generasi ikko adolah generasi nan jahek; sidak manuntut suatu tando, tatapi indak satu pun nan akkan di tunjukkan kapado sidak salain tando Yunus. ³⁰ Maccam Yunus nan manjadi tando bagi urang-urang Niniwe,damikianlah Anak Manusio akkan manjadi tando bagi generasi ikko. ³¹ "Pado hari kiamat, Ratu dari Selatan akkan bangkit basamo urang-urang dari generasi ikko dan innyo akkan manghukkum sidak karano innyo datang dari ujung bumi untuk mandangakan hikmat Salomo, sadangkan di dikko ado sasaurang nan labih gadang dari pado Salomo. ³² Pado hari kiamat, urang-urang niniwe akkan bangkit basamo generasi ikko dan manghukkumnyo, karanourang-urang Niniwe batobat karano Yunus bakhotbah di hadapan sidak, sadangkan di sikko ado sasaurang nan labih gadang dari pado Yunus." MATO ADOLAH PALITO TUBUH ³³ "Indak saurang pun nan sasudah manyalokan palito, akkan manaruh palito itu di tampek nan tasambunyi atau di bawah genteng. Sabaliknyo, sidak malatakkan palito itu di kakki palito sahinggo urang-urang nan masuk dapek maliek cahayonyo. ³⁴ Mato adolah palito tubuh kau. jiko mato kau akkan di panuhi jongon tarang. Akkan tatapi, jiko mato kau jahek, saluruh tubuh kau akkan di panuhi kagelapan. ³⁵ Karano itu, barhati-hatilah agar tarang di dalom diri kay akkan manjadi gelap. ³⁶ Jiko tubuh kau di panuhi jongon tarang dan indak ado bagiannyo nan gelap, tubuh kau itu akkan tarang saluruhyo samo maccam katiko sabuah palito manarangi kau jongonn cahayonyo." YESUS MANEGUR URANG FARISI DAN AHLI TAURAT ³⁷ Sasudah Yesus salase babicaro, urang Farisi mangundang-Nyo untuk makkan. Innyo pun datang, lalu duduk dan makkan. ³⁸ Akkan tatapi, urang Farisi itu heran katiko maliek Yesus indak mancuci tangan-Nyo talabih daulu sabalum makkan. ³⁹ Namun, Tuhan mangecek kapadonyo, "Urang-urang Farisi maccam kay mambersihkan bagian luar cangkir dan piring, tatapi di dalom diri kau panuh jongon kaserakahan dan kajahean. ⁴⁰ Hai urang-urang bodoh! Bukkankah Innyo nan mambuek bagian luar juo mambuek bagian dalom? ⁴¹ Karano itu, bangkitlah apo nan ado di dalom kau itu sabagai sadekah kau. Jongon damikian, kau akkan benar-benar bersih. ⁴² Akkan tatapi, cilakkolah kau, urang-urang Farisi! Sabab, kau mangagi paserpuluhan ate hasil salasih, inggu, dan sagalo maccam tanaman kabun kau, tatapi kau mangabaikan kaadilan dan kasih Allah. Saharusnyo, kau malakkukan sadonyo itu tanpo mangabaikan hal-hal nan lain. ⁴³ Cilakkolah kau, urang-urang Farisi karano kau sukko duduk di tampek nan tabaik di sinagoge dan juo sukko manarimo hormat pasar. ⁴⁴ Cilakkolah kau karano kau maccam kuburan nan indak batando, dan di pijak-pijak urang tanpo sidak sadari." ⁴⁵ Kamudian, salah saurang ahli Taurat mangecek kapado Yesus, "Guru, katiko Kau mangatokan hal-hal ikko, Kau juo manghino kami." ⁴⁶ Namun, Yesus manjawab, "Cilakkolah kau, hai ahli-ahli Taurat! Sabab, kau manaruh beban nan barek untuk di pikul urang lain, tatapi diri kau sandiri indak mau manyentuh beban itu jongon satu jari pun. ⁴⁷ Cilakkolah kau karano mambangun makam untuk nabi-nabi nan di bunuh oleh nenek moyang kau. ⁴⁸ Bahkan, kau manyatokan kapado sadonyo urang bahwa kau mangakkui pabuean nenek moyang kau; sidaklah nan mambunuh nabi-nabi itu, tatapi kau nan mambangun kuburannyo. ⁴⁹ Ikkolah sabab nyo, Allah dalom hikmat-Nyo magecek, 'Ambo akkan mangutus nabi-nabi dan rasul-rasul kapado sidak, tatapi babarapo dari urang- urang nan ambo utus itu akkan di bunuh dan di siksa,' ⁵⁰ supayo darah sadonyo nabi, nan batumpah sajak dunia di ciptokan, dapek di tuntut dari generasi ikko, ⁵¹ Mulai dari darah Habel dampe darah Zakharia, nan di bunih di antaro altar dan Bait Allah. Ya, Ambo mangecek kapado kau bahwa generasi ikko akkan batanggug jawab tahadap hal ikko. ⁵² Cilakkolah kau, hai ahli Taurat! Sabab kau ala mangambik kunci pangatahuan, tatapi kau sandiri indak mau masuk dan manghalang-halangi urang lain untuk masuk." ⁵³ Sasudah Yesus maninggalkan tampek itu, ahli-ahli Taurat dan urang-urang Farisi mulai mamusuhi-Nyo dan manekan-Nyo jongon babagai partanyaan. ⁵⁴ Sidak bakomplot untuk manangkap Yesus jongon parkatoan nan di ucapkan-Nyo.