¹ Akan tatapi,ado saurang lakki-lakki banamo Ananias, basamo,jongon bininyo,Safira,manjual harta miliknyo. ² Jongon,sapangatahuan bininyo,Ananias manahan sabagian hasil panjualannyo bagi dirinyo andiri,jongon hanyo mambaok na sabagian,lalu malatakkannyo di mukko kakki paro rasul. ³ Namun,petrus mangeccek,"Ananias,mangapo Iblis mamanuhi hati kau sahinggo kau badusto kapado Roh Kudus jongon manahan sabagian hasil panjualan itu? ⁴ katiko balum lai dijua,bukkankah tanah tu tetap tu tetap,milik kau?Jongon,satalah manjuanyo,bukankah tanah tu ado di bawah kausa kau?Mangapo kau mamikkikan pambuekan ikko di dalam hati kau?kau indak badusto kapado manusio,tatapi kapado Allah" ⁵ Lalu,katiko mandanga pangeccekan tu,Ananias jatuh jongon mangabuskan napas nyo na tarakhir.Maka,tajadi katakutan na gadang tahadok sadonyo urang na mandanga hal tu. ⁶ Babarapo urang muda datang,mankapaninyo,jongong manggotongnyo ka lua,lalu manguburnyo. ⁷ Kamudian,dalam waktu kiro-kiro tigo jam,istri Ananias datang,tatapi inyo indak tau apo na ala tajadi. ⁸ Jongon,Petrus mangeccek kapadonyo,"Katokan ka Ambo,apokah kau manjua tanah tu jongon harga sagadang ikko?" Jongon,Safira mangeccek,"Ya,sagadang itu." ⁹ Kamudia Petrus mangeccek kapadonyo,"Mangapo kau jongon suami kau basepakat basamo untuk mancuboi Roh Tuhan?Liek,jajak-jajak kakki urang na ala mangubur suami kau masih ado di mukko pintu jongon sidak juo akan mangusung kau ka lua." ¹⁰ Tibo-tibo,Safira jatuh di mukko kakki Petrus jongon mangambuskan napasnyo na tarakhir.Katiko urang-urang mudo masuk,sidak maaliek Safira ala maningga,lalu sidak mangusungnyo ka lua jongon manguburkannyo di samping suaminyo. ¹¹ Maka,tajadi katakutan na gadang di antaro sadonyo jemaat jongon urang-urang na mandanga hal ikko.Tando-tando Ajaib dari Allah ¹² Banyak tando ajaib jongon mukjizat tajadi di antaro urang banyak malalui tangan paro rasul samo sidak sadonyo jongon sahati barado di serambi Salomo. ¹³ Indak ado dari na lainnyo mambaranikan diri untuk bagabung jongon sidak,tatapi urang-urang mamuliakan sidak bana. ¹⁴ Jongon,ado samakkin banyak lai jumlah urang piccayo di dalam Tuhan,sajumlah gadang,elok lakki-lakki maupun padusi. ¹⁵ Karano tu,sidak bahkan manggusung urang-urang sakkik ka jalan-jalan jongon mambaringkan sidak di ate tandu jongo kasur jerami supayo katiko Petrus datang,satidaknyo bayangannyo dapek manganai babarapo dari sidak. ¹⁶ Juo,ado banyak urang dari kota-kota di sakitar Yerusalem datang basamo,mambaok urang-urang sakkik jongon sidak na dirasuki roh-roh jahek.Sidak sadonyo disambuhkan.Paro Rasul Ditangkok ¹⁷ Namun,paro imam gadang bangkik,basamo paro pangikkuknyo,yaitu golongan Saduki,*jongon sidak dipanuhi jongon iri hati. ¹⁸ Sidak manangkok paro rasul jongon mamasukkannyo ka dalam panjaro umum. ¹⁹ Akan tatapi,pado malam hari,saurang malaikat Tuhan mambukko panjaro,manuntun sidak kalua,jongon mangeccek, ²⁰ "pai,badiri,jongon baritokanlah kapado urang-urang di Bait Allah sadonyo friman tantang kahidupan ikko." ²¹ JOngon,satalah sidak mandanga nyo,pado waktu subuh,sidak masuk ka dalam Bait Allah jongon mulei mangajar.Katiko Imam Gadang jongon urang-urang na basamonyo tibo,sidak mangumpukan Sanhedrin jongon sadonyo majelis tuo-tuo Israel,lalu manyuruh ka panjaro untuk mambaok rasul-rasul tu manghadok sidak. ²² Namun,katiko urang-urang suruhan tu sampe indak manamukan kaduo rasul tu di panjaro.Kamudia,sidak kambali jongon mangagi laporan, ²³ jongon mangeccek,"Kami mandapati panjaro tu takunci jongon saluruh pangamanan samo paro panjago badiri di mukko pintu,tatapi katiko kami mambukkanyo,kami indak manamukan saurang pun di dalamnyo." ²⁴ Jongon,katiko kapalo panjago Bait Allah jongon paro imam kapalo mandanga pangeccekan tu,sidak bingung bana jongon paro rasul tu samo batanyo-tanyo maccam mano mungkin hal tu dapek tajadi. ²⁵ Kamudian,sasaurang datang jongon mangagi tau sidak,"Liek!Urang-urang na kau masukkan ka dalam pinjaro sadang badiri di Bait Allah jongon mangajar urang Banyak." Lalu,kapalo panjago Bait Allah baserta pangawal-nyo pai jongon mambaok rasul-rasul tu,tatapi indak jongon kakarasan karano sidak takkut dilantingi batu oleh urang banyak. ²⁷ Katiko sidak ala mambaok Petrus jongon Yohanes,sdiak mangahadokkannyo kapado Sanhedrin.Lalu,Imam Gadang mananyoi sidak, ²⁸ katonyo,"Kami ala malarang kau jongon kare ko indak lai mangajar di dalam namo tu,tatapi kau ala mamanuhi Yerusalem jongon ajaran kau jongon bamaksud untuk mananggungkan darah Urang ikko kapado kami." ²⁹ Namun,Petrus jongon paro rasul manjawab,"kami harus manaati Allah daripado manusio. ³⁰ Allah nenek moyang kito ala mambangkikkan Yesus,na ala kau bunuh jongon mangagantungkan-Nyo pado kayu salib. ³¹ Allah maninggikan Inyo di tangan kanan-Nyo sabagai Pamimpin jongon Juru selamat untuk mangagikan partobatan bagi Israel jongon pangampunan ate dosa-dosa. ³² Jongon,kami adolah saksi-saksi dari sadonyo juo Roh Kudus,na ala Allah agikan kapado urang-urang na manaati-Nyo." ³³ Katiko sidak mandanga tu,hati sidak tatusuk jongon bamaksud untuk mambunuh paro rasul tu, ³⁴ Akan tatapi,saurang Farisi banamo Gamaliel,saurang guru Taurat na dihormati sadonyo urang,badiri di mukko Sanhedrin jongon manyuruh agar paro rasul dibaok ka lua sabanta. ³⁵ Lalu,inyo mangeccek kapado sidak,"Hai urang-urang Israel,parhatikanlah jongon saksama apo na akan kau lakukan tahadop urang-urang ikko. ³⁶ Sabab,babarapo waktu na lalu,Teudas bangkik,mangakku dirinyo sabagai urang penting jongon kito-kiro ado ampek ratus urang na bagabung jongon inyo.Aakan tatapi,inyo dibunuh jongon sadonyo pangikuknyo tacerai-berai,sampe indak ado samo sakkali. ³⁷ Satalah Teudas,Yudas dari Galilea bangkik,pado hari-hari sensus,jongon manarik banyak urang untuk mangikutinyo.Inyo juo dibunuh jongon sadonyo urang na mangikutinyo tacerai-berai. ³⁸ Krano tu,dalam kasus ikko,ambo manesehati kau:Jauhi urang-urang ikko jongon padiakan sidak.Sabab,kok rencana jongon pambuekan ikko barasal dari manusio,hal tu indak akan bahasil. ³⁹ Namun,kok rancano ikko barasal dari Allah,kau indak akan mampu manghantikannyo.Bahkan,kau mungkin akan didapati sadang malawan Allah." ⁴⁰ Sidak manuruti nasihat Gamaliel.kamudian,satalah mangimbo kaduo rasul tu,sidak mamukkuli kaduanyo jongon malarang paro rasul untuk mangeccek dalam namo Yesus,lalu malapekannyo. ⁴¹ Karano tu,rasul-rasultu pai dari mukko Sanhedrin jongon pan Sanhedrin jongon basukacito sabab sidak dianggap layak mandarito panghinaan demi namo-Nyo. ⁴² Jongon,satiok hari,di Bait Allah jongon dari rumah ka rumah,sidak indak pana baranti mangajar jongon mambaritokan Injil bahwa Yesus adolah Kristus.