¹ Hal ikko tajadi,samantaro Apolos barado di Korintus,Paulus malewati daerah padalaman jongon sampe di Efesus.Di sinun,inyo mandape i babarapo murid. ² Paulus mangeccek kapado sidak,"Apokah kau manarimo Roh Kudus katiko kau ala manjadi piccayo?"Sidak manjawab,"Indak,bahkan kami balum pana mandanga bahwa ado Roh Kudus." ³ Lalu,Paulus mangeccek,"Di dalam apo,kamudian,kau dibaptis?"Jawab sidak,"Di dalam baptisan Yohanes." ⁴ Paulus mangeccek,"Yohanes mambaptis jongon baptisan partobatan,sambi mangagi tau urang-urang untuk piccayo kapado Sasaurang na akan datang satalah inyo,yaitu kapado Yesus." ⁵ Satalah sidak mandanga hal ikko,sidak dibaptis didalam namo Tuhan Yesus. ⁶ Kamudian,katiko Paulus ala manumpangkan tangannyo ate sidak,Roh Kudus datang ka ate sidak,lalu sidak mulei mangeccek dalam babagei bahasa jongon banubuat. ⁷ Sidak sadonyo bajumlah kiro-kiro dua bale urang lakki-lakki. ⁸ Mako,Paulus masuk ka sinagoge jongon mangeccek jongon barani salamo tigo bulan,sambi batukka pikkiran jongon mayakinkan sidak tantang karajaan Allah. ⁹ Akan tatapi,katiko babarapo urang mangarekan hati jongon manulak piccayo,sambi mangatokan hal-hal na jahek tantang Jalan tu di mukko urang banyak,paulus maninggakan sidak jongon mangajak paro murid,sambi batukka pikkiran satiok hari di sikkola Tiranus. ¹⁰ Hal ikko balangsung salamo duo tahun sahinggo di Asia mandanga firman Tuhan,elok urang-urag Yahudi maopun urang-urang Yunani.Anak-Anak Skewa. ¹¹ Allah malakukan banyak mukjizat na luar biasa malalui tangan Paulus, ¹² sahingga sapu tangan ato celemek na pana manyantuh kulit Paulus dibaok kapado urang-urang sakkik,maka panyakkik sidak hilang jongon roh-roh jahek kallua daari sidak. ¹³ Namun,babarpo pangusir setan yahudi na bajalan bakaliling barusaho manyabut namo Tuhan Yesus ate urang-urang na karasukan roh-roh jahek sambi mangeeccek,"Ambo manyumpahi kau dalam namo Yesus na Paulus baritokan!" ¹⁴ Tujuh anak lakki-lakki Skewa,salah saurang imam gadang Yahudi, na malakkukannyo. ¹⁵ Akan tatapi,roh jahek tu manjawab jongon mangeccek kapado sidal,"Ambo tando Yesus jongon ambo tau tantang Paulus,tatapi siapo kau?" ¹⁶ Lalu,urang na karasukan roh jahek tu malompek ka raha sidak,jongon bakuasa ate sidak,serta mangalahkan sidak sadonyo sahinggo sidak malarikan diri dari rumah tu dalam kaadaan talanjang jongon talukka. ¹⁷ Hal ikko dikatahui oleh sadonyo warga Efesus,elok urang-urang Yahudi mopun urang-urang Yunani.Jongon,sidak sadonyo manjadi katakkutan samo namo Tuhan Yesus samakkin dimuliakan. ¹⁸ Banyak dari antaro sidak na ala manjadi piccayo tatap datang,sambi mangakkui jongon mambaritokan pabuekan-pabuekan sidak. ¹⁹ Lalu,banyak dari sidak na pana malakkukan sihir,mangumpukan bukku-bukku sidak jongon mambakkarnyo di mukko sadonyo urang.Jongon,sidak manghitung nilei bukku-bukku tu samo manamukan nilainyo mancapai 50.000 kaping perak. ²⁰ Jadi,firman Tuhan tarus batumbuh jongon bakuasa.Paulus Marancanokan Parjalanannyo ²¹ Satalah hal-hal tu salase,dalam Roh,Paulus bamaksud pai ka Yerusalem satalah inyo ala malewati Makedonia jongon Akhaya,samo mangeccek,"Satalah ambo barado di sinun,ambo juo harus maliek Roma." ²² Jongon,satalah mangutus duo urang na malayaninyo ka Makedonia,yaitu Timotius jongon ERastus,inyo sandiri tingga babarapo waktu di Asia. Demetrius Manimbulkan Kakacauan di Kota Efesus ²³ Sakitar waktu tu,di sinun tajadi karusuhan na indak ketek manganai Jalan tu. ²⁴ Sabab,ado urang banamo Demwtrius,saurang pangrajin perak,na mambuek kuil-kuil perak Dewi Artemis,mangagikan panghasilan na indak saketek bagi tukkang-tukkangnyo. ²⁵ Par tukkangnyo tu inyo kumpukan basamo jongon pakarejo-pakarejo di bidang sarupa samo mangeccek,"Saudaro-saudaro,kau tau bahwa kamakmuran kito barasal dari parusahaan ikko. ²⁶ Lalu,kau maliek jongon mandanga bahwa,bukkan hanya di efesus malainkan hampir di saluruh Asia,Paulus ala mayakkinkan jongon mambuek banyak urang babalik jongon mangatokan bahwa Allah na dibuek jongon tangan manusio bukkanlah Allah. ²⁷ Hal ikko babahayo bukkan hanyo bahwa usaho kito akan jatuh ka dalam kahinaan,tatapi juo kuil Dewi Artemis na agung tu indak akan saketek pun diparhitungkan,jongon inyo,na disembah di saluruh Asia jongon dunia,akan kahilangan kaagungannyo." ²⁸ Katiko sidak mandanga hal ikko,sidak manjadi berang bana jongon basorak-sorak,"Gadanglah Artemis,dewi urang Efesus!" ²⁹ Lalu,kota tu dipanuhi jongon kakacauan jongon sidak bagegas basamo-samo ka gedung kasanian sambi manyeret Gayus jongon Aristarkhus,urang Makedonia na adolah kawan saparjalanan Paulus. ³⁰ Namun,katiko Paulus nandak masuk di antaro urang banyak tu,paro murid indak mampadiakannyo. ³¹ Bahkan,babarapo pangagadang Asia na bakawan jongon inyo manguirim sabuah pesan kapadonyo jongon barulang kali mamohon kapadonyo untuk indak manyarahkan diri ka gedung kasenian tu. ³² Mako,sabagian manariakkan sasuatu jongon sabagian na lainnyo,karano kumpulan tu ado dalam kakacauan jongon sabagian gadang dari sidak indak tau apo alasan sidak ala datang bakumpu. ³³ Sabagian dari urang banyak tu manyimpulkan Aleksander karano urang-urang Yahudi ala mandorongnyo ka mukko,jongon satalah Alexander mangagikan isyarat jongon tangannyo,inyo bamaksud mambuek pambelaan di mukko urang banyak. ³⁴ Namun,katiko sidak manganal bahwa Aleksander adolah urang Yahudi,salamo kiro-kiro duo jam,sidak sadonyo basurak jongon satu suaro,"Gadanglah Artemis,dewi urang Efesus!" ³⁵ Satalah panitera kota mananangkan urang banyak tu,inyo mangeccek,"Hai urang-urang Efesus,siapo urang na indak tau bahwa kota Efesus adolah panjago kuil Dewi Artemis na agung jongon na turun dari langik? ³⁶ Jadi,karano hal-hal tu indak dapek dibantah,kau saharusnyo tatap tanang jongon indak batindak gagabah. ³⁷ Sabab,kau ala mambaok urang-urang ikko ka sikko,na indak maramp[ok kuil ato manghujat dewi kito. ³⁸ Oleh karano tu,kok Demetrius jongon tukkang-tukkang na basamo-samo jongonnyo mampunyoi keluhan tahadok sasaurang,pangadilan dibukka jongon ado prokonsul.Padialah sidak mangajukan tuntutan sabuah tahadok lainnyo. ³⁹ Nmaun,kok kau manghendaki sasuatu hal na lain,hal t dapek disalasekan dalam sidang rakyat manurut hukum. ⁴⁰ Sabab,kito barado dalam bahayo untuk dituduh ate karusuhan hari ikko karano indak ado alasan apo pun na dapek kito jalaskan tantang pertemuan na kacau ikko." ⁴¹ Satalah inyo mangatokan hal-hal ikko,inyo mambubarkan kumpulan urang tu.