¹ Jongon,tajadilah,di Ikonium,paulus jongon Barnabas masuk basamo ka sinagoge urang Yahudi jongon mangeccek sadamikian rupo sahinggo sajumlah urang gadang,elok urang Yahudi mopun urang Yuanni,manjadi piccayo. ² Namun,urang-urang Yahudi na indak piccayo manghasut urang-urang bukkan Yahudi jongon maraccuni pikkiran sidak malawan urang-urang piccayo. ³ Mako,sidak tingga di sinun dalam waktu na lamo sambi mangeccek jongon barani bagi Tuhan,na mangagi kasaksian tantang barita anugerah-Nyo,serta mangaruniakan tando-tando ajaib jongon mukjizat-mukjizat na tajadi malalui tangan sidak. ⁴ Akan tatapi,urang-urang di kota tu tabagi-bagi,sabagian bapihak kapado urang-urang Yahudi jongon sabagian kapado parorasul. ⁵ Katiko suatu usaho dibuek,elok oleh urang-urang bukkan Yahudi mopun urang-urang Yahudi,Jongon paro pamimpin sidak,untuk manganiaya jongon malempari paro rasul jongon batu, ⁶ satalah Paulus samo Barnabas mangatahuinyo jongon malarikan diri ka Listra jongon Derbe,kota-kota di Likaonia,samo ka wilayah di sakitarnyo. ⁷ Jongon,di sinun,sidak tarus mambaritokan Injil.Paulus di kota Listra jongon Kota Derbe ⁸ Di Listra,ado sasaurang sadang duduk na lemah kakki-Nyo,lumpuh dari kandungan ibunyo jongon balun pana bajalan. ⁹ Urang tu sadang mandangakan Paulus katiko inyo sadang mangeccek,satalah Paulus manatapnyo jongon maliek bahwa urang tu mampunyoi iman untuk disambuhkan, ¹⁰ Paulus mangeccek jongon suaro kare,"Badirilah tagak jongon kakki kau."Lalu,urang tu malompek jongon mulei bajalan. ¹¹ Katiko urang banyak maliek apo na ala Paulus pabuek,sidak mangangkek suaro sidak jongon mangeccek dalam bahasa Likaonia,"Dewa-dewa ala turun ka tanga-tangah kito dan manjadi sarupo jongon manusio!" ¹² Urang-urang tu manaybut Barnabas sabage Zeus jongon Paulus sabage Hermes karano inyo na mamimpin pambicaroan. ¹³ Imam dewa Zeus,na kuilnyo barado di luar kota,mambaok lambu-lambu jantan jongon rangkaian bungo ka pintu gerbang kota.Inyo jongon urang banyak tu nandak mamparsembahkan kurban kapado Paulus jongon Barnabas. ¹⁴ Akan tatapi,katiko rasul Barnabas jongon rasul Paulus mandanga hal tu,sidak marobek pakkaian sidak jongon balari masuk ka tanga-tanga urang banyak tu,sambil baseru, ¹⁵ Jongon mangeccek,"Saudaro-saudaro,mangapo kau malakuka sadonyo hal ikko?Kami juo manusio biasa samo sakiro kau jongon mambaok Kabar Elok bagi kau supayo kau babalik dari hal-hal na sia-sia ikko kapado Allah na hidup,na manciptakan langik,jongon bumi,laut,jongon sagalo sasuatu na ado di dalamnyo. ¹⁶ Di ganarasi-ganarasi na lalu,Inyo mampadiakan sadonyo bangsa bajalan manurut jalan-jalannyo sandiri. ¹⁷ Namun,Inyo indak mampadiakan diri-Nyo tanpa saksi.Sabab,Inyo malakukan na elok jongon mangagikan kapado kau hujan dari langik jongon musim-musim babuah na mamuaskan hati kau jongon makkanan samo kagambiraan." ¹⁸ Sakalipun jongon mangatokan sadonyo hal tu,sidak susah manghantikan urang banyak tu kok indak mamparsembahkan kurban bagi sidak. ¹⁹ Akan tatapi,urang urang Yahudi datanf dari Antiokhia dan Ikonium,samo satalah mambujuk urang banyak tu,sidak malantingi Paulus jongon batu samo mangyeretnyo ka luar kota karano mangiro bahwa Paulus ala mati. ²⁰ Namun,katiko paro murid mangalilingi Paulus,inyo badiri jongon kambali masuk ka kota.Pado hari barikutnyo,inyo barangkek basamo jongon Barnabas ka Derbe.Kambali ka Kota Antiokhia di wilayah Siria ²¹ Satalah sidak mambaritokan Injil di kota tu ala mambuek banyak murid,sidak kambali ka Listra,jongon ka Ikonium,samo ka Antiokhia, ²² Sambi manguekkan jiwa paro murid,mandorong sidak untuk batekun di dalam iman,jongon mangatokan bahwa kito harus mamasuki Karajaan Allah malalui banyak pandaritaan. ²³ Katiko Paulus jongon Barnabas manunjuk panatuo-panatuo bagi sidak di satiok jemaat,satalah badoa jongon bapuaso,sidak manyerahkan paro panatuo tu kapado Tuhan,na kapado-Nyo sidak ala piccayo. ²⁴ Kamudian,sidak malewati Pisidia jongon sampe di Pamfilia. ²⁵ Lalu,katiko sidak ala manggambarkan firman di Perga,sidak turun ka Atalia. ²⁶ Dari sinun,sidak balayar ka Antiokhia,tampek sidak ala diserahkan kapado anugerah Allah untuk pakarejoan na ala sidak salasekan. ²⁷ Katiko sidak sampe jongon bakumpu basamo jongon jemaat,sidak malaporkan sadonyo hal na ala Allah pabuek basamo jongon sidak samo maccam mano Inyo ala mambukkakan pintu iman bagi bangsa-bangsa lain. ²⁸ Jongon,sidak tingga basamo paro murid untuk waktu na lamo.