¹ Pado masa tu, Raja Herodes mangangkat tangannyo ate babarapo urang dari jemaat untuk manganiayo sidak. ² nyo mambunuh Yakobus, saudaro Yohanes, jongon pedang. ³ Katiko Herodes maliek bahwa tindakannyo tu manyanangkan hati urang-urang Yahudi, inyo malanjutkannyo jongon manangkap Pertrus juo. Hal tu tajadi salamo Hari Rayo Roti Indak Baragi. ⁴ Satalah inyo manangkap Petrus, inyo mamasukkannyo ka dalam panjara samo manyarakannyo kapado ampek pasukan prajurit untukmangawasinyo, sarta barmaksud, satalah Paskah, mambawonyo ka hadapan urang banyak. ⁵ Makko, Petrus ditahan di dalam panjara, tatapi doa bagi Petrus tarus-manarus dipanjatkan kapado Allah oleh jemaat. Malaikat Tuhan Melepaskan Petrus dari Penjara ⁶ Pado suatu malam, katiko Herodes akan mambawo Petrus ka luar, Petrus sadang tidu di antaro duo urang prajurit, diikkek jongon duo rantai, samo para panjago di dapan pintu sadang mangawasi panjara. ⁷ Samo,liek, saurang malaikat Tuhan badiri di dakke Petrus samo cahayo basinar di sel panjara tu, lalu malaikat tu manapuk rusuk Petrus samo mambangunkannyo, jongon mangeccek, "lakke bangun!" Samo, rantai-rantai tu jatuh talapas dari kaduo tangannyo. ⁸ Lalu, malaikat tu mangeccek kapadonyo, "ikkeklah pinggang munak samo pakkelah sendal munak." Samo, inyo malakkukan damikian. Kamudian, inyo mangeccek kapadonyo, "kanakanlah jubah munak samo ikkuk ambo!" ⁹ Lalu, Petrus kaluar samo mangikkuti malaikat tu. Inyo indak tau bahwa apo na sadang tajadi malalui malaikat tu nyata, tatapi mangiro bahwa inyo sadang maliek suatu panglihatan. ¹⁰ Katiko sidak talah malewati panjaga partamo samo kaduo, sidak sampai di pintu gerbang besi na manuju ka kota. Pintu gerbang tu tarbukka jongon sandirinyo bagi sidak, lalu sidak kaluar samo bajalan sampai di sabuah lorong, samo tibo-tibo malaikat tu maninggalkan Petrus. ¹¹ Katiko Petrus sadar jongon apo na tarjadi ate dirinyo, inyo mangeccek, "kiniko,ambo tau bana bahwa Tuhan mangutus malaikat-nyo samo manyalamatkan ambo dari tangan Herodes samo dari samua hal na diharokkan oleh urang-urang Yahudi." ¹² Satalah Petrus manyadarinyo, inyo pai ka rumoh maria, umak Yohanes na juo disabut Markus, di mano banyak urang sadang bakumpul basamo samo badoa. ¹³ Katiko Petrus mangatuk pintu gerbang, saurang palayan padusi banamo Rode datang untuk mambukkonyo. ¹⁴ Satalah inyo manganali suara Petrus, karana sangat basukacita inyo indak mambukko pintu, tatapi balari ka dalam samo mambaritahukan bahwa Petrus sedang badiri di dapan pintu gerbang . ¹⁵ Sidak mangeccek kaoado Rode, " munak indak waras!" Akan tatapi, Rode tarus mangatokan bahwa memang damikian, samo sidak tatapi mangeccek, " tu adolah malaikatnyo." ¹⁶ Akan tatapi,Petrus tarus-manarus mangatuk, samo katiko sidak mambukka pintu,lalu maliek Petrus, sidak takajut. ¹⁷ Namun, satalah Petrus mambari isyarat jongon tangannyo agar sidak tanang, inyo manjalaskan kapado sidak bagaimano Tuhan talah mambawanyo ka luar panjara. samo, inyo mangeccek, "Sampaikan hal ikko kapado Yakobus samo kapado saudaro-saudaro saiman." Lalu, inyo barangkek samo pai ka tampek na lain. ¹⁸ Katiko siang hari tibo, tarjadilah kakacauan na indak ketek si antaro para prajurit tantang apo na talah tajadi kapado Petrus. Kematian Herodes ¹⁹ Katiko Herodes mancari Petrus samo indak manamukannyo, inyo mamariksa para penjaga samo mambari parintah supayo sidak dibunuh. Lalu, Herodes turun dari Yudea ka Kaisarea samo tinggal di sano. ²⁰ Saat tu, Herodes sangat marah tarhadap urang-urang Tirus samo Sidon, Lalu jongon sapakt, sidak datang manghadap Herodes, samo satalah mambujuk Blastus, pangurus rumoh tangga raja, sidak mamohon untuk pardamaian karano wilayah sidak mandapek pasokan makkanan dari wilayah Herodes. ²¹ Pado hari na talah sidak tantukan, Herodes manganakan pakaian karajaan, duduk di takhta pangadilan, samo manyampaikan pidato kapado sidak. ²² Rakyat tarus batariak, "ikko adolah suaro Allah, bukkan manusia!" ²³ Sakatiko tu juo, saurang malaikat Tuhan manamparnyo karano inyo indak mambarikan kamuliaan kapado Allah samo inyo dimakkan cacing-cacing, lalu mati. ²⁴ Akan tatapi, firman Tuhan samakin batumbuh samo balipek ganda. ²⁵ Lalu, Barnabas samo Saulus kambali dari Yerusalem satalah sidak manyalasaikan palayanan sidak, sambil mangajak juo Yohanes, na juo disabut Markus.