Samantaro tu,paro rasul jongon saudaro-saudaro saiman na ado di Yudea mandanga bahwa urang-urang bukkan Yahudi juo ala manarimo firman Allah. ² Karano tu,katiko Petrus naik ka Yerusalem,urang-urang na basunat basalisih pandapek jongon inyo, ³ jongon mangeccek,"Kau pai kapado urang-urang indak basunat jongon makkan basamo sidak." ⁴ Akan tatapi,Petrus mule manjalaskannyo sacaro urut kapado sidak,katonyo, ⁵ "Ambo sadang badoa di kota Yope,jongon dalam kaadaan indak sadar,ambo maliek sabuah pangaliekan,sasuatu sakiro salemba kain lebar turun,na tarulur jongon ka ampek sudutnyo dari langik,jongoon benda tu mandakke kapado ambo. ⁶ Satalah ambo manatapnyo,ambo mamparhatikan jongon maliek binatang-binatang bakakki ampek di bumi,binatang-binatang liar,binatang-binatang melata,jongon burung-burung di udaro. ⁷ Ambo juo mandanga ado suaro mangeccek kapado ambo,'Jago,Petrus,sambalih jongon makkanlah!' ⁸ Namun,ambo mangeccek,'Indak,Tuhan.Sabab,indak ado na haram ato najis pana masuk ka dala mulut ambo.' ⁹ Akan tatapi,suaro tu manjawab untuk kaduo kalinyo dari langik,'Apo na ala Allah tahirkan,jangan sakali-kali kau sabut haram!' ¹⁰ Hal ikko tajadi tigo kali,lalu sadonyo tu ditarik kambali ka langik. ¹¹ Lieklah,saat tu juo, ado tigo urang na diutus kadiambo datang ka rumoh tampek ambo barado,dari Kaisarea. ¹² Kamudian,Roh mangeccek kadiambo untuk pai basamo sidak jongon indak ragu-ragu. Kaanam saudaro saiman ikko juo pai basa moambo samo kami masuk ka rumoh urang tu. ¹³ Lalu, inyo manyampaikan kapado kami maccammano inyo talah maliek malaikat badiri di rumohnyo samo mangeccek, 'Suruhlah urang ka Yope samo mintaklah Simon na disabut Petrus datang kasikko, ¹⁴ samo inyo akan mangeccekkan pesan kapado munak na oleh pesan tu munak akan diselamatkan, munak samo samua urang na tinggal di rumoh munak.' ¹⁵ Samantara ambo mulai bakeccek-keccek, roh kudus turun ka ate sidak, samo sakiro na pado mulonyo tajadi ate kito. ¹⁶ Maka, ambo taringek pado pakkeccean Tuhan, katiko inyo bakeccek, 'Yohanes mambaptis jongon a'i, tatapi munak akan dibaptis jongon Roh Kudus.' ¹⁷ Jadi, jika Allah mangagikan karunia na samo kapado sidak sakiro na inyo agikan juo kapada kito satalah percaya di dalam Tuhan Yesus Kristus, siapokah ambo sahingga ambo dapek manghalangi Allah?" ¹⁸ Katiko sidak mandanga hal-hal tu, sidak manjadi tanang samo mamuji Allah jongon bakeccek," ko bagitu, Allah juo talah mangaruniakan kapado urang-urang bukkan Yahudi pertobatan na manuju kapado hidup." Injil Sampai Ke Antiokhia ¹⁹ Kamudian, urang-urang na bacerai-berai karena panganiayaan na tajadi tahadok Stefanus, menyebar sampek ka Fenisia,Siprus, samo Antiokhia, Jongon indak mambarikan firman Tuhan kapado siapo pun kacuali kapado urang-urang Yahudi. ²⁰ Namun, ado babarapo urang dari sidak, yaitu urang -urang Siprus samo Kirene, na datang ka Antiokhia samo juo mangeccek kapado urang-urang Helenis , sambi mangagikan tantang Tuhan Yesus. ²¹ Tangan Tuhan menyertai sidak, sajumlah banyak urang na manjadi percaya babalik kapado Tuhan. ²² Barita tantang sidak sampe ka talinga jemaat di Yerusalem, samo sidak mangutus Barnapas ka Antiokhia. ²³ Katikko Barnabas tibo samo maliek kasih karunia Allah, inyo basukacita samo manasihati sidak sadonyo untuk tatapi satio kapado Tuhan jongon hati na teguh. ²⁴ Karano Barnabas adolah urang na baik, panuh jongon Roh Kudus samo iman, sajumlah gadang urang dibawo kapado Tuhan. ²⁵ Kamudian, Barnabas pai ka Tarsus untuk mancari Saulus. ²⁶ Samo, satalah inyo manamukannyo, inyo mambawakan ka Antiokhia. Salamo satahun,sidak bajumpo jongon jemaat samo mangajar banyak urang. samo, di Antiokhia, murid-murid untuk patamo kalinyo disabut "urang kristen". ²⁷ Pado hari-hari tu, babarapo nabi turun dari Yerusalem datang ka Antiokhia. ²⁸ Salah saurang dari sidak banamo Agabus, badiri samo maramal jongon pertolongan Roh bahwa akan tajadi kalaparan na hebat di saluruh dunia. samo, kalaparan tu tajadi di masa pamarintahan Klaudius. ²⁹ Makko, para murid mamutuskan untuk mangirim sumbangan, sasuai jongon kamampuan sidak masing-masing, kapado saudaro-saudaro saiman na tinggal di Yudea. ³⁰ Samo, na juo sidak lakkukan, mangirimkan sumbangan tu kapado para penatuo malalui tangan Bernabas samo Saulus.