¹ Kini, mengenai hal nan kamu serekkan kapado ambo: adolah ranca bagi lakki-lakki nanda inda menyentuh padusi. ² Namun, karano adonyo pazinahan satio lakki-lakki sabaliknyo mampunyoi biniknyo saurang jongon satio padusi mampunyoi lakki saurang. ³ Lakki harus memenuhi kewajiban samo biniknyo, baitu juo bini tahadap lakkinyo. ⁴ Bini indak bakuaso ate tubuhnyo saurang, malainkan lakkinyo. Baitu pulo lakki indak bakuaso ate tubunyo saurang, malainkan bininyo. ⁵ Jangan lah munak saling manjauhi, kecuali jongon persetujuhan basamo nanda samantaro waktu agar muna leluaso mangagikan waktu kau nanda badoa. Kamudian, hiduplah basamo-samo supayo Iblis indak mancuboimu karano katidak mampuan kau dalom pengendalian badan. ⁶ Namun, ambo mangetcekkan ikko sabagai kalonggaran, indak sabagai parintoh. ⁷ Ambo baharap sadonyo urang sarupo badan ambo. Akkan tatapi, urang mampunyoi karunianyo saurang dari Allah, nan saurang dalom hal ikko, jongon nalain dalom hal inun. ⁸ Kapado nan indak manikkah jongon para janda, ambo mangetcekkan bahwa labih ranca samo indak jiko tetap dalom keadaan sarupo ambo. ⁹ Akkan tatapi, jiko sidak indak bisa mangendalikan diri, sabaliknyo sidak manikkah. Sabab, labih ranca manikkah dari pado tabakkar oleh hawa nafsu. ¹⁰ Kapado nan manikkah, ambo agikan parintoh ikko (indak dari ambo malainkan dari Tuhan), yaitu bini indak diagi maninggalkan lakkinyo. ¹¹ (Tatapi jiko inyo ala talanjur maninggakan lakkinyo, indak nanda tetap harus nikkah, atau babalik di damaikan jongon lakkinyo), jongon lakki indak bisa menceraikan biniknyo. ¹² Kapado nan salabihnyo, ambo mangetcekan (ambo, indak Tuhan) bahwa ado dusanak mampunyoi bini nan inda pitcayo, jongon padusitu mau hidup basamonyo, jangan lah inyo menceraikan binik nyotu. ¹³ Baitu pulo jiko saurang padusi mampunyoi lakki nan indak pitcayo, jongon lakki tu nanda hidup basamonyo, jangan lah inyo maninggakan lakinyo tu. ¹⁴ Karano lakki nan indak pitcayo tu di kuduskan samo biniknyo, dan bininyo nan indak pitcayo dikuduskan samo lakkinyo. Jiko indak baitu, anak-anak kau adolah anak-anak najis, tatapi kini sidak kudus. ¹⁵ Namun, jiko nan indak pitcayo tu ingin bapisah, padialah inyo bapisah. Dalom hal sarupo, Dusanak-dusanak indak lai takabek. Akkan tatapi, Allah ala mangimbo kito nandak hidup dalom damai sejahtra. ¹⁶ Karano hai bini, matcam mano munak tau kalau munak akkan menyelamatkan lakki munak? Atau matcam mano munak tau, hai lakki, kalau munak akkan menyelamatkan bini kau? Tetap dalom Keadaan Katiko Diimbo Allah ¹⁷ Namun, sarupo nan ala Tuhan tetapkan kasatiop urang, matcam mano Allah mangimbo sidak masing-masing, tatapi hidup dalom keadaan demikian, baitu pulo ambo mamarintohkan kapado sadonyo jemaat. ¹⁸ Apokah ado urang nan diimbo katiko inyo ala disunat? Jangan lah inyo manghilang tando-tando sunatnyo. Adokah urang nan katiko diimbo inyo balum disunat? Janganlah inyo disunat. ¹⁹ Sabab, basunat maupun indak basunat, indaklah penting. Namun, nan penting adolah ketaatan tahadap parintoh Allah ²⁰ Satiap urang harus tingga dalom keadaan sarupo katiko inyo diimbo. ²¹ Apokah munak saurang budak katiko diimbo? Janganlah munak menghatirkan hak inun. Namun, jiko munak dapek manjadi urang nan merdeka, labih ranca gunakan lah kasempatan tu. ²² Sabab, inyo nan katiko di imbo dalom Tuhan adolah budak, inyo adolah urang merdeka di imbo, inyo adolah budak Kristus. ²³ Munak ala di tabus jongon hargo lunas, karano inun jangan lah munak manjadi budak manusio. ²⁴ Dusanak-dusanak, hendaklah setiap urang tetap tingga basamo Allah, dalom keadaan katiko inyo diimbo. Nasihat Bagi Urang nan Balum Manikah ²⁵ Kini, tetap tentang urang nan balum nikah, ambo indak mamparintohkan dari Tuhan. Akkan tatapi, ambo mangagikan pandape ambo sebagai urang, oleh babalih kasih Tuhan, dapek dipitcayo. ²⁶ Ambo manggap hal ikko ranca dalom keadaan sulit saat ikko, yaitu labih ranca bagi saurang nandak tetap tingga sarupo apo adonyo. ²⁷ Apokah munak takabek jongon saurang bini? Jangan lah mangusahakan papisahan. Apokah munak balum takabek jongon bini? Janganlah munak mancari bini. ²⁸ Namun, jiko munak manikkah, munak indak badoso. Akkan tatapi, sidak nan manikah akan mangalami kasulitan hidup duniawi, jongon ambo ingin munak tahindar dari hal tu. ²⁹ Dusanak-dusanak, maksud ambo adolah waktunyo ala singkat. Jadi mulai kini, padialah sidak nan mampunyoi bini, hiduplah saolah-olah sidak indak mampunyoi. ³⁰ Sidak namanangi seolah-olah indak manangi, sidak nan basuka cito saolah-olah indak mampunyoi. ³¹ Jongon sidak manggunakan dalom hal duniako, saolah-olah indak manggukannyo. Sabab, keadaan duniako sadang lenyap. ³² Ambo ingin munak bebas dari katakkutan. Urang nan indak manikkah mamikkikan hal mengenai Tuhan, matcam mano inyo dapek menyenangkan Tuhan. ³³ Akkan tatapi, urang nan manikah mamikiri hal duniawi, matcam mano inyo dapek menyenangkan bininyo, ³⁴ jongon parhatiannyo tabagi-bagi. Padusi nan indak manikkah jongon para gadis katakkutan hal mengenai Tuhan supayo inyo manjadi kudus, ranca tubuh maupun sumangenyo. Namun, padusi nan manikkah katakkutan hal duniako, matcam mano inyo dapek manyanangkan lakkinyo. ³⁵ Ambo mangatokan hal ikko nanda kauntungan kau saurang, indak untuk manjauhi jerat aten kau, malainkan nanda hal naranca supayo pelayanan kau kapado Tuhan indak taganggu. ³⁶ Jiko ado urang namanganggap bahwa inyo ala malakkukan hal nan indak pantas tahadap gadinyo karano gadis nyotu ala lewat umur jongon sarupo itulah saharusnyo, padialah inyo malakkukan kainginannyo, inyo indak badoso; padialah sidak manikkah. ³⁷ Namun, inyo ala mantap dalom hatinyo, indak sadang di bawah paksaan, mampunyoi kuaso ate kainginannyo saurang. Jongon ala Mamutuskan dalom hatinyo nanda indak manikkahi gadis nyotu, maka inyopun batindak jongon ranca. ³⁸ Jadi, jiko inyo manikkahi padusi inyo babuek benar, tatapi jiko inyo indak manikkahi padusi tu, pabuetan nyotu pun ranca. ³⁹ Bini takabek salamo lakkinyo masih hidup. Namun, jiko lakkinyo maningga, inyo bebas nandak nikkah jongon siapo sajo nadisukkoinyo, asalkan urang tu dalom Tuhan. ⁴⁰ Akkan tatapi, manurut pandape ambo, inyo akkan labih bahagia jiko inyo tetap dalom keadaanyo, dan manurut ambo, ambo juo mampunyoi Roh Allah.