¹ Kini, mengenai karunia rohani, dusanak-dusanak, ambo indak ingin munakindak mengetahuinyo. ² Munak tau bahwa katiko munak masih manjadi urang na balum manando Allah, munak disasekkan kapado bahala bisu, sebagai mano munak di pimpin. ³ Karano inun, ambpo mambaritokan kapado kau bahwa indak saince pun, nan mangetce olweh Roh Allah, nan bakato, "Yesus takutuk", jongon indak ado saince pun nan dape bakato, "Yesus adolah Tuhan" selain oleh Roh Kudus. ⁴ Ado babagi rohani, tapi sumangeknyo samo. ⁵ Jongon ado babagi pelayan, tetapi Tuhannyo samo. ⁶ Ado babagi pakarajoan, tapi Allah nan samo mangarajokan sagalo sasuatunyo dalom sadonyo urang. ⁷ Kapado tiap-tiap urang di karuniakan panyatoan Roh nandak kebaikan basamo. ⁸ Kapado nan saince diagikan hikmat kato-kato hikmat malalui Roh dan kapado nan lain kato-kato pangetahuan oleh Roh nan samo. ⁹ Kapado na lain diagikan iman oleh sumangek na samo, kapado na lain karunia pancegaan oleh sumangek na saince tu. ¹⁰ Kapado nan lain diagikan pakarajoan-pakarajoan mujizat, kapado nan lain nubuatan. Kapado nalain diagikan kamampuan nandak mambedakan sumange-sumange, kapado na lain babagai matcam bahasa lidah, jongon na lain mangartikan bahasa-bahasa lidah tu. ¹¹ Sadonyo ikko dikarajokan oleh sumangek nan saince jongon nan samo, nan mambagi kapado masing-masing urang, sarupo nan Inyo kahendaki. Setiap Urang Pitcayo adolah Bagian dari Tubuh Kristus ¹² Samo sarupo tubuh adolah saince, tapi mampunyoi banyak anggota, jongon sadonyo anggota tubuh, walaupun banyak, jongon saince tubuh, baitu pulo Kristus. ¹³ Sabab, saince sumangek, kito sadonyo ala dibabtis ka dalom saince tubuh, munak urang Yahudi maupun urang Yunani, ranca budak maupun urang merdeka, jongon kito sadonyo diagi minum dari saince Roh. ¹⁴ Karano tubuh indak terdiri dari saurang anggota, tapi banyak anggota. ¹⁵ Jiko lakki bakato, "Karano ambo indak tangan, jadi ambo indak bagian dari tubuh," berarti inyo indak bagian dari Tuhan. ¹⁶ Jongon, jiko talingo bakato,"Karano ambo indak mato, ambo indak anggota tubuh," berarti inyo indak bagian tubuh. ¹⁷ Jiko sadonyo tubuh adolah mato, dimanokah pandangaan? Jiko sadonyo adolah talingo, dimanokah panciuman? ¹⁸ Namun, kini Allah ala manampekkan anggotatu, setiap urang dari sidak, di dalom tubuh, matcam mano na inyo kahendaki. ¹⁹ Jiko sadonyo adolah saince anggota, dimanokah Tubuh? ²⁰ Jadi, memang ado banyak Anggota, tetapi hanya saince tubuh. ²¹ Sabab inun, mato indak bisa bakato kapado tangan,"Ambo indak mambutuhkan kau!" Atau lai, kapalo kapado kakki, "Ambo indak mambutuhkan kau!" ²² Sabaliknyo, anggota tubuh nan tampaknyo labih lemah sebenarnyo nan paling dibutuhkan. ²³ Jongon, anggota tubuh nan kito pikki kurang tahormat, justru agikanlah panghormatan labih. Jongon, anggota tubuh, na kito anggap kurang layak tampil, harus dipuek nandak layak tampil, ²⁴ karano bagian-bagian nan ala layak tampil indak mampargunakannyo. Namun, Allah ala mangatur tubuh jongon mangagikan panghormatan labih gadang kapado anggota nan kakurangan, ²⁵ supayo indak ado papecahan dalom tubuh, malainkan supayo anggota tu dapek mamparhatikan saince jongon na lain. ²⁶ Jiko saurang anggota mandarito, sadonyo angota mandarito basamonyo. Jiko saurang anggota dimuliakan, sadonyo anggota basukko cito basamonyo. ²⁷ Kini munak adolah tubuh Kristus jongon munak masing-masing adolah anggotanyo. ²⁸ Allah ala manetapkan dalom jemaat, partamo adolah para rasul, kaduo adolah para nabi, katigo adolah para guru, kamudian mujizat-mujizat, karunia-karunia panyembuhan, patolongan,kepemimpinan, dan babagai-bagai bahaso. ²⁹ Apokah sadonyo rasul? Apokah sadonyo nabi? Apokah sadonyo guru? Apokah sadonyo adolah pambue mujizat? ³⁰ Apokah sadonyo mampunyoi karunia penyembuhan? Apokah sadonyo mangetce jongon bahaso-bahaso? Apokah sadonyo mangarti? ³¹ Namun, inginkanlah jongon sungguh-sungguh karunia-karunia nan paling gadang. Jongon, ambo akkan manunjukkan kapado kau jalan na jauh labih elok.