¹ Jadilah urang-urang nan manuruti teladan ambo, sarupo ambo juo tahadap Kristus. Tanda Kakuasaan ² Kini, ambo mamuji kau karano munak mangiekkan ambo dalom sagalo hal jongon bapegang tradisi seperti nan ambo sampaikan kapado kau. ³ Namun, ambo ingin munak mangarti bahwa kapalo setiap lakki-lakki adolah Kristus, kapalo padusi adolah lakki-lakki, jongon kapalo Kristus adolah Allah. ⁴ setiap lakki-lakki nan badoa jongon ba nubuek jongon kapalo nan batudung indak manghormati kapalonyo. ⁵ Namun, setiap padusi nan badoa atau banubuek jongon kapalo nan indak batudung, manghina kapalonyo, hal inun sarupo jiko kapalonyo dicukkur. ⁶ Sabab, jiko saurang padusi indak manudungi kapalonyo, padialah inyo mamotong sadonyo rambutnyo. Namun, jiko mamalukan bagi saurang padusi mamotong atau matcukkur kapalonyo, padialah inyo manudungi kapalonyo. ⁷ Lakki-lakki indak boleh manudungi kapalonyo karano inyo adolah gambaran jongon kamuliaan Allah. Namun, padusi adolah kamuliaan lakki-lakki. ⁸ Lakki-lakki indak berasal dari padusi, tetapi padusi berasal dari lakki-lakki. ⁹ Dan, lakki-lakki indak diciptakan nandak padusi, tetapi padusi nandak lakki-lakki. ¹⁰ Itulah sababnyo, padusi harus mampunyoi tando kakuasaan dikapalonyo karano para malaikat. ¹¹ Namun demikian, dalam Tuhan, indak ado padusi tanpa lakki-lakki, atau lakki-lakki tanpa padusi. ¹² Sabab, padusi berasal dari lakki-lakki, baitu juo lakki-lakki lahir malalui padusi. Jongon sagalo sasuatu berasal dari Allah. ¹³ Pertimbangkanlah saurang, apokah pantas bagi saurang nandak badoa kapado Allah jongon kapalo nan indak batudung? ¹⁴ Indakkah alam saurang mangajarkan kapado kau bahwa lakki-lakki mampunyoi rambut panjang, hal inun marupokan kehinaan baginyo? ¹⁵ Namun, jiko padusi mampunyoi rambut panjang, hal inun adolah kamuliaan baginyo: Sabab, rambut nyotu diagikan kapadonyo sebagai panudung. ¹⁶ Jiko ado urang na masih ingin mambantah, kami indak mampunyoi kebiasaan tu, baitu juo jemaat Tuhan. Hal-Hal nan Salah dalom Pajamuan Kudus ¹⁷ Dalom mangagi parintoh ko, ambo indak mamuji kau karano munak bakumpul indak nandak hal na ranca, tapi nandak hal nan labih buruk. ¹⁸ Partamo, katiko munak bakumpul sabagai jemaat, ambo mandanga bahwa ado papecahan diantaro munak. Dan, ambo pitcayo sebagian. ¹⁹ Sabab, harus ado papecahan diantaro munak supayo sidak na tabukti tahan di uji manjadi jelas diantaro munak. ²⁰ Katiko munak bakumpul di suatu tampek na samo, itu indaklah nandak makkan pajamuan Tuhan. ²¹ Karano katiko makkan, setiap urang mangambi talabih daulu makkanannyo saurang sahinggo ado na lapar jongon nalainnyo mabuk. ²² Apo munak indak punyo rumah nandak makkan jongon minum? Atau, apokah manghina jemaat Allah jongon mampamalukan sidak nan indak punyo apo-apo? Apo na harus ambo kecekkan kapado kau? Haruskah ambo mamuji kau? Tentu sajo indak! ²³ Karano, ambo manarimo dari Tuhan apo nan ambo serahkan kapdo kau, bahwa Tuhan Yesus, pado malam katiko Inyo dikhianati, mangambik roti, ²⁴ dan sasudah mangucap syukur, Inyo mamecah-mecahkannyo jongon mangetcek,"Ikkolah tubuh-Ambo, nan adolah samo kau; lakukkanlah manjadi peringatan akkan ambo." ²⁵ Baitu juo, Inyo mangambi cawan sasudah makkan lalu mangetcek, "Cawan ko adolah pajajian baru na dalom darah-Ambo. Pueklah, setiap kali munak maminumnyo, manjadi parintoh akkan ambo." ²⁶ Sabab, setiap kali munak makkan roti jongon minum cawan ko, munak mambaritokan kamatian Tuhan sampai Inyo datang. ²⁷ Karano inun, siapo nan makkan roti atau minum cawan Tuhan jongon caro nan indak layak, inyo basalah tahadop tubuh jongon darah Tuhan. ²⁸ Manusio harus manguji dirinyo saurang, jongon baitu padialah inyo makkan roti jongon minum dari cawan tu. ²⁹ Sabab, urang na makkan jongon minum tanpa mangakui diri Tuhan, inyo mandatangkan hukuman ateh dirinyo. ³⁰ Inunlah sababnyo, mangapo banyak di antaro munak na lemah jongon sakit, bahkan cukkup banyak na maningga. ³¹ Namun, jiko kito manilai diri kito saurang jongon ranca, kito indak akkan di hukum. ³² Namun, katiko kito di hukum, kito dididik oleh Tuhan supayo kito indak di hukum basamo-samo jongon dunio. ³³ Jadi, dusanak-dusanak ambo, katiko munak bakumpul nandak makkan, saling manungguh lah. ³⁴ Kalau ado urang na lapa, rancalah inyo makkan daulu dirumahnyo supayo jangan muna bakumpu nandak manghakimi. Jongon hal nan lain akkan ambo atur katiko ambo datang.