¹ Peghyatoan daghi Yesus Kristus, yang di boghikon Allah kepado-Nyo untok di sampoikan kepado hambo-hambo-Nyo tontang hal-hal yang sagogha akan toghjadi.Yesus Kristus memboghikon peghnyatoan melalui malaikat-Nyo untok di sampoikan kepado Yohanes Hambo-Nyo. ² Yohanes tolah menjadi saksi Firman Allah dan Yesus Kristus atas segalo sesuatu yang tolah dilihatnyo. ³ Dibeghkatilah oghang yang membaco Firman nubuat ini dan megheka yang mendongoghnyo lalu melakukon apo yang teghtulis di dalomnyo, sobab waktunyo sudah dokat. ⁴ Daghi Yohanes kepado ketujuh jemaah yang ado di asia. Anugeghah dan damai sejahtegha untokmu daghi Dio yang Ado, yang sudoh Ado, yang akan datang; soghta daghi ketujuh ghoh yang ado di haddopan tahta-Nyo. ⁵ Dan daghi Kristus Yesus saksi yang sotia, yang peghtamo bangkit daghi oghang mati, dan penguaso atas ghajo-ghajo di bumi, bagi Dio yang mengasihi kito dan melopaskon kito daghi doso-doso kito dongan daghah-Nyo. ⁶ Dan tolah menjadikon kito satu keghajaan, imam-imam bagi Allah dan Bapa-Nyo, bagi Diolah kemuliaon dan kuaso sampoi selamo-lamonyo! Amin. ⁷ Lihatlah, Yesus datang dongan awan-awan setiop mato akan melihot Dio bahkan megheka yang tolah menusuknyo, dan samuo bangso di bumi akan meghatap kaghena Dio. Ya, ini akan teghjadi! amin. ⁸ Odan adolah Alfa dan Omega, Firman Tuhan Allah, Yang ado, yang sudah ado, dan yang akan datang, yang maha kuaso ⁹ Odan Yohanes saudagha dan sesamomu yang ambil bagian dalom kesusahan, dalom keghajoan, dan dalom ketekunan dalom Yesus, beghado di pulo Patmos, kaghena Firman Allah dan kesaksian Yesus. ¹⁰ Odan di kuasoi Roh pado haghi Tuhan, dan odan mendongogh suagho nyaghing di bolakangku bak bunyi taghompet. yang beghkato; Tuliskonlah samuo yang kamu lihat kedalom sebuah buku dan kighimkan kepado ketujuh jemaah, Efesus, Smirna, Pergamus, Tiatira, Sardis, Filadefia,dan laodikia. ¹² Lalu, odan melihot suagho yang beghbicagho Kepadoku, ketiko odan menoleh, odan melihot tujuh kaki dian omas, ¹³ Dan ditongah-tongah kaki dian itu, odan melihot seoghang sapoghti Anak manusio, memakai juboh sampoi ke kaki dan selompang omas di dada-Nyo. ¹⁴ Kepalo dan ghambut-Nyo putih sapoghti bulu domba, seputih salju, dan mato-Nyo sapoghti nyalo api. Kaki-Nyo mengkilap sapoghti tembagoyang membagho dalom peghapian dan suagha-Nyo sapoghti gemughuh aigh bah. ¹⁶ Ditangan kanan-Nyo Io memegang tujuh bintang, daghi mulut-nyo kaluagh sebuah podang beghmato duo, wajah-Nyo beghcahayo sapoghti matohaghi toghang. ¹⁷ Ketiko odan melihot Dio, odan jatuh di kaki-Nyo sapoghti oghang mati. Namun Io melotakkan tangan kanan-Nyoke atasku dan beghkato, 'jangan takut; Akulah yang awal dan yang akhir, ¹⁸ Dan yang hidup, Aku tolah mati, totapi lihotlah Aku hidup sampoi selamo-lamonyo dan Aku memegang kunci maut dan kunci Hades ¹⁹ Kaghena itu, tuliskanlah apo sajo yang tolah kamu lihat, dan yang teghjadi sekaghang ini dan yang akan teghjadi kemudion. ²⁰ Inilah ghahasio ketujuh bintang itu. tujuh bintang itu adolah pagho Malaikat daghi tujuh jemaah; dan tujuh kaki dian itu adolah tujuh jemaah.