¹ Nyen no' keto' daau pala' tu'a ira' mukon, aken tiga noo' pisiu ye ku' kebaan pala' tua o'. Pekatuk ira' muat iti seleket senganako', ² Ledo-ledo ira' mukon seleket sineno', ngan ledo-ledo ira' muat lekiit seleket sarin no' ngan sangan pengelesau. ³ Menyelima' na pala' baleu-baleu, ira' atek lan baleu. ⁴ Aken buk se baleu un anak ngan seu, tiga tira menaring pekalai menyelum pengelamin ra tengen. ngan menyua' tiga kimet tua ngan sepun ra, ye ufan na puyan ira' mengiti siu' neng ata penaat Tuhan Allah. ⁵ . Aken un baleu ya' atek lan baleu murip tengen lu' a. Ya' pesente pengelan na pala' Allah. Ye lemuto ngan tudep dalem pengenyat ta ngan sebayang tiga pa ngelayan dau mengiri pa maau. ⁶ . Aken, un baleu ya' murip kaya' ngan sui' ire pekio' matay nia, na' pia sa' un murip. ⁷ . Bara' na puyan ira' ini pa kume baleu-baleu biti apan ra murip ngan nce un penyala'. ⁸ . Aken buk un se kelunan ya' nce petubo senganak ka tengen, ineu lee dalem pengelamin na tengen, kelunan iti ngebaka' pengelan na, ngan unco jaat neng o kelunan ira' nce un pengelan. ⁹ . Ineu pia se ledo ya' siu' usap seleket se baleu ya' base enta urip pa nem pulu' uman, ya' bang se luwai lu' un lakey. ¹⁰ . Ngan lepek dulu dite uyai puyan ya' tiga, kebaan petubo anak, ngan lepek petubo dulu ira' maring, mui' taket senganak-senganak ira' se pengelan, mebo kelunan ira' taru murip, bu'eta ire ira' lepek kanan mung awang uyai puyan ya' tiga. ¹² Dalem puyan ini ire tisen tegen sala' ra neng ufan ra ala' ngeluet isiu ra ya' umet penaring. ¹³ ngan le'e eng tai kawang ngan ku' dalem lamin dulu, ire ngelayan use ra kelongan ufan nce kelo lu', aken ire pa tangen pejaat ngan ufa' pekelet dalem puyan dulu ngan pisiu ineu-ineu ya' nce sepuun. ¹⁴ Iti tuman Ne' ufa' apan ledo baleu ira muat ini tai un ngan, un anak, peteneng pengelamin ra, apan na iri nce un ukan kume ira' ngefaau iti pekio' ngenja'at ngaran lu ¹⁵ Ye ufan na un baleu ira'lepek tay sala' baya' baley jaat. ¹⁶ Buk ke un lakei nengaang ledo ira' mengelan un ira' baleu, tiga tia mebo ire, apan nce uyai se kebaat kume sidang, ngana mengiti sidang sinteng kemebo ire ira' atek lan baleu. ¹⁷ penatua-penatua ira' tiga engkin dulu tekep tilu nyelima' ye un co due luway, ineu pelee ire ya' tangen nebara' isiu Tuhan ngan pekatuk dulu. ¹⁸ Bun kitab bue' ti tia' bara' a: "Nyen no' mekep ba' siau neng daleu wa menebah parai, ngan kelunan ira' pegayeng tekep tia ala' tunang nga. ¹⁹ . Nyen no' ala' pesudu usun se kelunan (penatua) iri lu' a buk ke un ira' mebo due kebaan teleu ra pa kelunan ira' sinteng ke saksi. ²⁰ . Ira' uyai penyala' tiga noo' pisiu ire nengata jume kelunan kadu' apan na ira' se iti tay takut. ²¹ neng ata jume Allah, Kristus Yesus ngan malaikat penyile' A,aki' bara' ngan atek lan kume iku' : pekimet tuso' ini ngan nce un kekimet ngan tei se ineu ya nce un selepi apan no' jaga perintah-perintah ini ngan nce tay . ²² Nyen no peden-peden (menumpangkan) usu' kume sekelunan. Nyen no' tay kalok ku' dalem dosa/penyala kelunan ira' se. Iku' muto jaga kebue' use o'. ²³ Nyen no' sa' medu' sungai. Aken tiga ta medu' telang anggur kedoot da, keme batek ko' na ngan use o' na tipan tay lema'. ²⁴ Penyala'-penyala' balai kelunan lepek nai dura' mata na, ngan ire tay engkin ira' un penyala' ku' dalem penghakiman. Aken kura' kadu penyala' nay dura' neng kura dau o it. ²⁵ Mengiri ta puyan ira' tiga nai dura' ngan mata, mengiri pa ineu-ineu ira' se mpei sinteng ketay suuk un.