¹ Lanta daau isiu ini: "Kelunan ira' ufa' un ngaran penilik (petubo) jemaat ufa' pegayeng ira' tiga". ² Nga iti penilik jemaat haruslah se' kelunan ira' nce'un un pengapa,lakei met se' lu' ledo, sinteng penceng use a, tiga tawai, sebelang, ufa' mencai pengelesau, tisen pekatuk kelunan. ³ Mpei medu', mpei a buteng aken jelah, peniga, mpei ula' ligit. ⁴ Se' kelunan ngkin pengelamin ira' tiga, see' ngan anak-anakka tunuk ra neng iye'. ⁵ Buke' se' kelunan nce'un tisen ngking pengelaminna tengen, ka mengempei-a petubo sidang Allah? ⁶ nyenna se kelunan ira' loo nai mengelan, apan nyenna mpau kimet ngan siyu' hukum balei jaat. Pengufa' lu iye' un ngaran ia' tiga ⁷ mase' awang sidang, apan nyenna dulu puke ngan labu' ko dalem lafek iblis. ⁸ Mengiripa diaken-diaken haruslah kelunan ileu se'e, nyen kadu' tira', nyen ufa' jakan, nyen tukeng, ⁹ aken kelunan ira' petubo melip pengelan dalem atai ia' buwe'. ¹⁰ Ire' den tisen ra aring, ngalu' metep dalem gayeng iti lepek ufana ire' nce'uin apa (bercacat). ¹¹ Mengiti pa ledo-ledo tiga na kelunan ileu se'e, nyen pejaat, tiga sinteng petubo use' ngan ileu mengelan dalem ketu' puyan. ¹² Diaken bang lakei umet se' ledo ngan petubo anak-anak ngan pengelaminna ngan tiga. ¹³ Ufana ire'ira' pengayeng ngan tiga un uku' ira' tiga apan dalem pengelan pala' Kristus Yesus ire' sinteng penco isiu ngan tadan (leluasa). ¹⁴ Munga iti aki menyurat pala' ikam, na'pia tebelom palet sinteng nai menu' iku'. ¹⁵ Buke' aki' tapa, iku' tengen tisen mengempei kelunan ka murip seleket pengelamin Allah, yaiti sidang umet Allah ira' murip, suka' pengencai ngan janan ia' lan. ¹⁶ Ngan atek lanna agunglah rahasia ibadah kita:(ileu). "Iye', ira' lepek bara' use'-A dalem kebaan kelunan, dibenarkan dalem sio; ira' petula' use'-A pala' malaiket-malaikat, bara' nengaang bangsa-bangsa ira' nce'un tisen Allah; ira' mengelan ko usun tana', menco' dalem peniga (atek tiga).