¹ Ado ura Farisi te namo neh Nikodemus. Neh nyok pemimpin bangso Yahudi. ² Satu malam ari, neh datai ke yesus lalu ngumung, "Guru, kami ketau'k nuan nyok Guru te datai dari Allah empadai nyok ndo bisik sura pun te numut mulah tando- tando ajaib te nuan pulah, selaen ado Allah teh namai neh.'' ³ Jawab Yesus ke neh, " Aku benar-benar tuk ngumung ke ikam, kalau ado sura te nado di lahir keh agik, neh ndo tau'k mantau Kerajaan Allah." ⁴ Nikodemus betanyo, "Tipo sura tau'k di lahir agik kalau neh udah tuo? Tau'k kah neh namok lagik kekanung inai neh lalu dilahir keh lagik?" ⁵ Jawab Yesus ke neh, "sunguh, Aku ngumung ke ikam, kalau ado ura te nado dilahir dari aik ngau Roh, neh nado tauk namok ke Kerajaan Allah. ⁶ Apo te dilahir dari dagin. ⁷ Nusah iran Aku ngumung ke ikam piok, ' Ikam arus dilahir keh agik.' ⁸ Angin betiup kini neh kok, lalu ikam menin ingan neh, tapi nado ketau'k dari ni asal neh tamai kini neh kok angkat. Piok mek semuo ura te dilahir dari Roh." ⁹ Nikodemus betayok, ''Tipo semuo utai nyok tau'k tejadi?" ¹⁰ Yesus nyawab neh "bukankah ikam nyok guru ura Israel, tapi ngapo ikam ndo ngrti tenta semuo utai nyok? ¹¹ Benar-benar tuk, Aku madah ke ikam kalau kalau kami tuk ngumung tenta apo te kami ketau'k lalu merik ksasi'an tenta apo te kami pantau, tapi ikam ndo nerimok kesasi'an kami. ¹² Aku madah ikam tenta hal-hal duniowi jak ikam nado pecayok, tipo ikam kok pecayok kalau Aku madah tenta hal-hal surgawi? ¹³ Nado bisik sura pun te suah naek ke surga, kalau ndo Neh te udah turun dari surga, nyok mek Anak Allah ¹⁴ Samo upo Musa naek ke ular tembago dipadang belantara, upo nyok ugok Anak Mensio arus ditingi keh, ¹⁵ isok semuo ura te pecayok ke-Neh bulih idup te kekal. ¹⁶ kerno sangat besai kasih Allah kedunio tuk, sehinggo neh ngerunia keh Anak-Neh te tungal, isok semuo ura te pecayok ke-Neh nado binasa, tapi bulih idup te kekal. ¹⁷ Kerno Allah nyuruh Anak-Neh ke dunio tuk bukai ngau ngakim keh dunio tuk, tapi isok dunio tuk diselamatkeh ngelalu Anak-Neh. ¹⁸ Ura te pecayok ke-Neh nado diukum, tapi ura te nado pecayok uda pasti ado dibawah ukuman empadai neh nado pecayok ke namo Anak Tungal Allah. ¹⁹ Tuk me ukuman nyok: Tera udah datai ke dalam dunio, tapi mensio lebih nyuko keh te keleman dari te tera empadai apo te dipulah sidok nyok te jai'k. ²⁰ kerno semuo ura mulah te jai'k menci'k te Tera lalu nado datai ugok ke tera nyok isok pempulah neh nado di ungkit-ungkit. ²¹ Tapi, ura te mulah kebenaran datai ke Tera isok bala pempulah nyata neh nyok dipulah dalam Allah. ²² Seudah nyok, Yesus tamai balo murid-Neh angkat ke tanah Yudea. Din, neh ngabis keh watu besamo sidok namai ngebaptis ²³ Yohanes ugok ngebaptis di Ainon semak Salim empadai bangat aik din. Ura-ura datai-menatai kiok lalu dibaptis. ²⁴ Watu nyok, Yohanes apan ditamok kepenjaro ²⁶ Lalu, timul mek adu mulut ntaro be'brapo murid Yohanes namai sura Yahudi tenta peyucian. ²⁶ Sidok ngusung Yohanes lalu ngumung, "Guru, ura te namai nuan disebeha Yordan, te tenta Neh nuan dah besasi, pantau mek, Neh ugok ngebaptis lalu semuo ura datai ke-Neh. ²⁷ Yohanes nyawab neh, "mensio nado tau nerimok apo-apo,kecuali hal nyok diberik keneh dari surga. ²⁸ ikam tauk merik kesasi'an kalau aku uda suah ngumung, 'Aku bukan Mesias, ' tapi aku diutus ngau nulu ke-Neh. ²⁹ Ura te mpu mepelai betinok ura nyok mepelai te laki; tapi kawan mempelai te laki, te bediri lalu mening neh,ngau raso sukacito mening suaro mepelai te laki. Jadi, sukocito nyok udah dijadi keh pnuh. ³⁰ Neh arus makin besai lalu aku ahur semakin senik. ³¹ "Neh te datai dari atau nyok mek te diatau semuo nyok, Neh te ado dari bumi dan ngumung tenta hal-hal te ado di bumi. Neh te datai dari surga ado diatau segalo sesuatu. ³² Neh merik kesasi'an tenta apo te Neh pantau ngau apo te Neh penin, tapi ura-ura ndok nerimok kesasi'an-Neh. ³³ Ura te nerimok kesasi'an-Neh ngakuk ngau sunguh kalau Allah nyok benar. ³⁴ Empadai, ura te di utus Allah kok madah ke apo te diumung Allah kerno Allah teh merik Roh te nado bebatas. ³⁵ Apai ngaseh Anak dan udah nyerah kekebalo sesuatu ke dalam jari-Neh. ³⁶ Ura te pecayok ke Anak mpu idup te kekal, tapi te nado nurut Anak ndo mantau kehidupan, tapi keluat Allah te ado dineh."