¹ Kerno iok, kito arus lebih teliti mantau apo te udah kito penin agar kito ndo tesiret arus. ² Sebab, bilo pelajar te de padahngau balo malaekat tebukti ndo tauk de ubah, tiap aturan te dah de pulah ndo di lakukan akan merimok ukoman te adil, ³ keti kito kok lolos antik kito ndo irau ngau keselamatan te besai iok? Yok lah, Keselamatan te petamo-tamo dipadah Tuhan, bisik bukti kebenarannya ngau kito ura-ura te menin berito iok ⁴ Selaen iok, Allah ugok merik kesaksian ngelalu tano-tano dan hal-hal te ajaib, macam-macam mujizat te debagi nurut kehendak Tuhan. ⁵ Allah ndo menaklukan dunio te akan datai, iok lah dunio te kok kito umung, ngau balo malaikat ⁶ Namun, bisik sikuk ura te udah besaksi dalam sutik nas: "sapo teh mensio sehinggo Tuhan mikir neh? Sapo teh anak mensio sehinggo Tuhan peduli ngau neh? ⁷ Ngau saat tuk, Tuhan mulah neh lebih renah daripada malaikat; Tuhan memahkotainya ngau kemuliaan tamai hormat. ⁸ Tuhan menaklukan balo utan debaroh kaki neh.'' Sebab, ngau menaklukan balo utan dibaroh kaki neh, lalu Allah ndo miar segalo ura ndo takluk ngau Neh. Tapi iok, pituk kito pan mantau balo utan takluk ngau Neh. ⁹ Namun, kito udah mantau yesus te sementaro depulah lebeh renah dari balo malaikat, iok lah Yesus te de mahkotai ngau kemuliaan dan hormat kerno udah menderito kematian supayo ngau anugrah Allah , Neh tauk ngeraso kematian ngau semuo ura. ¹⁰ Udah sepatut Neh - - te bagi Neh dan ngelalui Neh balo utan bisik -- menyempurnakan perintis keselamatan nebiak-nebiak-Neh ngelalu penderito, ngau ngemaik sidok nguso kemuliaan. ¹¹ Sebab, baek Neh te menyucikan atau pun sidok te de sucikan, semuo nyok berasal dari sutik Bapa; iok lah sebab neh Yesus ndo malu menyebut sidok sebagai menyadik-menyadik- Neh ¹² Ngau nyebut: ''Aku kok madah namo Neh ngau balo menyadik-Ku. De tengah-tengah seluroh umat-Mu,Aku kok nyanyi pujian ngau-Neh.'' ¹³ Dan lagi ''Aku kok naroh keyakinan Ku ngau Allah.'' Dan lagik, ''tuklah Aku, beserto nebiak-nebiak te udah deberik Allah ngau aku.'' ¹⁴ kerno nebiak-nebiak iok adalah mensio te mpuk darah tamai daging, lalu Yesus ngamik bagian dalam keadaan sidok agar ngelalu kematian-Neh, Neh tau membinasakan Neh te mpuk kuaso ngau kematian, ioklah iblis. ¹⁵ Dan, membebaskan sidok te seumur hidup neh deperbudak uleh ketakutan akan kematian. ¹⁶ Jadi, jelaslah neh ndo merik pertolongan ngau balo malaikat, tapi ngau keturunan Abraham. ¹⁷ kerno iok, dalam segalo hal Yesus arus nyadi macam balo nyadik-Neh, supayo Neh tau nyadi Imam Besar te penuh belas kaseh dan setia dalam pelayanan ngau Allah. Dengan demikian, Neh tauk ngemaik penebusan ngau dosa-dosa umat. ¹⁸ Sebab, Yesus kedirik menderito waktu de cobai, iok lah Neh tauk nulo sidok te de cobo