¹ Kerno kito mpuk bangat saksi te ngelilin kito macam awan, bohlah kito nudi semuo pempulah dan dosa te medeh kito dan be jalai dengan taat pado perlombaan te bisik de depan kito. ² Biarlah mato kito tertuju ngau Yesus, sang pencipto dan penyerpurno iman kito, te demi sukacito te udah de tetapkan bagi-Neh, Relo ngato salib dan mengabaikan kehinaan salib iok. Dan, pituk, Neh duduk de sepiak kanan takhta Allah. ³ Ingatlah akan Yesus, te tabah ngadap musuh dari ura-ura be dosa sehinggo jiwomu ndo njadi leteh dan putus aso ⁴ Dalam pejuanganmu ngelawan dosa, kitak pan sampai mumpahkan darah kitak. ⁵ Dan, apakah kitak udah kelupo pemadah te de berik ngau kitak sabagai nebiak-nebiak? ''Hai anakku, nang angap enteng pemadah Tuhan, dan nang renyai ati kitak ketika kitak de tegur uleh Tuhan. ⁶ Sebab, Tuhan ngajar ura te de kaseh-Neh, dan mencambuk ura te de terimok-Neh sebagai anak.'' ⁷ Kitak arus be tan dami didikan iok kerno iok bearti Allah pituk mulah kitak sebagai se ura anak; lagi pula, anak macam apo te ndo suah de didik uleh apai neh? ⁸ Antik kitak ndo suah nerimok pemadah ura tuo te searusnya de terimok uleh semuo anak, kitak adalah anak kampa, bukan anak te sah. ⁹ Selain iok, kito mpuk apai-apai de dinio tuk te madah kito, dan te kito hormati; Antik piok, bukan kah kito arus lebeh agik tunok dirik ngau Bapa atas segalo roh dan atas idop? ¹⁰ Sebab, Antik apai kito te bisik de dunio tuk ngajar kito ngau waktu te sekejap be dasarkan caro te angap sidok te palin baek, Bapa te bisik de surga ngajar kito demi kebaikan kito kedirik sehinggo kito be uleh bagian dalam kekudusan-Neh. ¹¹ Semuo pengajar, pado saat de berik, memang ndo menyenangkan dan menyakitkan. Tapi iok akan menghasilkan buah te benar te merik damai sejahterangau sidok te udah de latih uleh pengajaran iok. ¹² Sebab iok, kuatkanlah jari kitak te lemah dan peletut kitak te goyah, ¹³ Pulah jalai te bujur ngau kaki kitak ¹⁴ Kejarlah semuo perdamaian ngau semuo ura, dan kejarlah kekudusan sebab antik nisik kekudusan, ndo se ura pun te tauk merati Tuhan. ¹⁵ Pastikan agar nang bisik se ura pun te linyau anugrah Allah; pastikan ugok nang bisik akar paet te tumuh dan nimul masalah sehinggo mencemari bangat ura. ¹⁶ Pastikanlah supayo nang nang bisik ura te mpulah cabul atau ndo suci macam Esau te njual hak kesulungannya demi semangkok pemakai. ¹⁷ Sebab kitak tetauk bahwa de kemudian ari, ketiko Esau ingin berkat iok, Esau de tulak dan ndo sik agik kesempatan ngau betobat sekalikpun Esau ngok ngau encucurkan aik mato. ¹⁸ Sebab kitak ndo datai ngau gunung te tauk de sentuh, ngau api te menyalo-nyalo, atau ngau keleman, kekelaman, dan badai. ¹⁹ Kitak pun ndo datai ngau suaro terompet, dan ngau suaro te umung neh te mulah penin te menin mohon ngau sangat agar umung neh ndo de umung agik ngau sidok. ²⁰ Sebab sidok ndo tan menin perintah te de berik, ''Bahkan antik seikuk binata sekalipun te nyentuh gunung iok, binata iok arusde tikam ngau batu sampai mati.'' ²¹ Dan, sangat ngerikmerati iok sampai-sampai Musa pun ngumung, ''Aku gemetar ketakutan.'' ²² Namun, kitak udah datai ke Gunung Sion, dan ke kota Allah te idop, Yerusalem Surgawi, ngau malaikat te ndo te ito pemangat neh, ²³ Kitak udah datai ngau perkumpulan basai jemaat te be diri dari anak-anak sulung Allah te udah te daftar de surga, ngau Allah, Akim atas semuo ura, ngau roh ura-ura benar te udah de sempurnokan. ²⁴ Kitak dah datai ngau Yesus, perentaro perjanjian te ngumung lebeh baek dari darah Habel. ²⁵ Pasti ke ugok nang sampai kitak nulak Neh te ngumung. Kerno antik kitak te nulak Neh te madah dari bumi ndo tauk ngelepas dirik, mako kito pun ndo tauk ngelepas dirik dari Neh te merik pemadah dari surga. ²⁶ Subok, suaro neh mengunca bumi, tapi pituk Neh be janji, ''Namun, sekalik agik Aku ndo hanyo mengunca bumi, tapi surga ugok.'' ²⁷ Ungkapan ''sekalik agik'' nunjok tentang pemusnahan hal-hal te tauk de goyah, ioklah semuo te dah de cipto, agar hal-hal te ndo degoyahkan tauk nugau tetap diok. ²⁸ Kerno iok, seudah kito nerimok kerajaan te ndo tauk de goyahkan, boh kito nujuk raso syukur ngau mempersembahkan ibadah te layak ngau Allah, te desertai raso hormat dan penuh kekaguman, ²⁹ Sebab Allah kito adalah api te ngangus.