¹ Uleh kerno yok, aku, ura te de penjaro kerno Tuhan, nyuruh sidok idop setepa ngau pangilan te tlah sidok terimok. ² Ngau segalo kerenah ati tamai lemah lembut ,ngau kesabar, samo-samo nango beban dalam kaseh, ³ Beusaholah sekuat tenago ngau miaro kesatuan Roh dalam ikatan damai sejahtro. ⁴ Bisik sutik tubuh tamai sutik Roh, samo hal ketiko sidok de kumai ngau sutik pengarap ngau pangilan neh, ⁵ Sutik Tuhan, sutik imam, sutik babtisan, ⁶ Sutik Allah bapa dari semuo, te de darat segalo Neh, ngalu segalo Neh, dalam segalo Neh. ⁷ Tapi yok, ngau kito semuo deberik anugrah sesuai ngau ukuran karunio Kristus. ⁸ Yoklah sebab neh, depadah ''ketiko Neh naek ke aro te tingik, neh nangkap ura-ura tedetawan, lalu merik kurnio ngau mensio''. ⁹ Ketiko depadah, ''Neh naek'', bukankah yok bereti Neh ugok udah turun ke bagian baroh bumi? ¹⁰ Neh te turun, Neh ugok te naek lebih tingik dari semuo langit supayo Neh menuh segalo sesuatu. ¹¹ Nehlah te merik, baek rasuk-rasul, nabi-nabi, pemberito-pemberito Injil, Gembalo-gembalo, maupun pengajar-pengajar, ¹² Ngau ngelengkap ura-ura kudus dalam pekerjok pelayanan bagi pembangunan tubuh Kristus, ¹³ Sampai kito semuo ncapai kesutik iman tamai pengetahuan akan Anak Allah, yoklah mensio dewaso. ¹⁴ Sehingo, kito bukan agik anak-anak te de ombang-ambingkan uleh umak te de baik kin kituk uleh bebagai angin pengajaran, uleh tipu dayo mensio, uleh kecerdikan dari penipuan te licik. ¹⁵ Sebalek neh, madah kebenaran dalam kaseh, kito akan betumoh dalam segalo hal ngau Neh, te adalah kepalo, yok lah Kristus. ¹⁶ Dari pado-Neh seluruh tubuh tesusun tamai de ikat besamo-samo nyadi sutik ngelalu topangan tiap sendi. Jiko kedirik-kedirik mulah bagian, tubuh akan tumoh sehingo mulah dirik neh kedirik dalam kaseh ¹⁷ Kerno yok, aku madah aku tegaskan dalam Tuhan, nang agik kitak idop macam ura-ura te ndo pecayok, te idop ngau pemikir te sio-sio. ¹⁸ Pemikir sidok njadi keleman tepisah dari kehidupan Allah kerno kebudu te bisik dalam dirik sidok te desebab uleh pengeras ati. ¹⁹ Peraso sidok udah njadi tumpul sidok nyerah ke dirik ngau hawa nafsu ngau mulah segalo macam kecemaran ngau keserakah. ²⁰ Tapi yok, bukan ngau caro yok sidok belajar ngau Kristus. ²¹ Umpamo neh sidok udah menin-Neh tamai de ajar dalam Neh, macam kebenar te bisik dalam Yesus, ²² Buailah mensio lamah neh te sidok buleh dari caro idop te lamah, te de rusak uleh hawa nafsu te nipu. ²³ Pulahlah roh pemikir neh. ²⁴ Kenokanlah mensio te baru, te de ciptokan dalam rupo Allah dalam keadilan tamai kekudusan te sejati. ²⁵ Uleh kerno yok, ngau muai kepalsuan, ayuklah tiap kitak ngumung ute benar ngau sesamo kerno kitak samo-samo anggota dari sutik tubuh. ²⁶ Ringatlah nang mulah dosa. nang miar matoari tebenam dalam peringat neh. ²⁷ Nang merik kesempatan ngau sitan. ²⁸ Ura te udah ncuri, nang ncuri agik. lebeh baek antik neh bekerjo kras tamai mulah pekerjo te baek ngau jari neh kedirik sehingo neh mpuk utan ngau deberik ngau ura te perlu. ²⁹ Nang mulah umung te kutor keluar dari nyao neh, tapi hanyo umung te baek te membangun ura te perlu sehingo umung neh yok merik berekat bagi sidok te menin neh. ³⁰ Nang mendukakan Roh kudus Allah ngau ari penebus. ³¹ Buailah segalo macam kepahitan, kegeraman, ringat, pertikaian, umung fitnah, ugok semuo kejai, jauhkanlah yok dari pado neh. ³² Besikap ramah sutik ngau te lain, mpuklah ati te lemah, salin ngampun, macam Allah dalam Kristus ugok ngampun sidok.