¹ watu kami udah manso'k yo'k ngau nisi'k ute ngala, kami ketauk bahwa pulau yo'k di sebut Malta. ² ura kampu dio'k antus smuo ati sido'k luar biaso bae'k.sbab,sido'k lalu ngidup prungun api nyamut kami smuo sbab watu yo'k musim pengujan cuaco meri'k celap. ³ watu paulus ngumpul kkebo rangau-rangau kayu lalu naruh dedarat rugu api, siku'k ular tedu pansut ari alam rugu api abab ndo tan angat lalu ngelilit samil manto'k jari Paulus. ⁴ watu ura kampu diok mantau benata bebiso yok begantu de jari Paulus, sidok ngumu samo dirik," ndo de ragu agik, ura tuk bnar sura pemunuh.walau neh slamat ari laut, keadilan ndo kok miar neh idup ," ⁵ ulih, Paulus ngisai benata yok kalam api lalu neh sikitpun ndo bisik lukok. ⁶ balo ura yok nyangko Paulus tauk selap atau tejatuk lalu mati watu yok gok. ulih udah lamah sidok nunguk ,ndo gok mantau ute tejadi ngusu neh, sidok lalu berubah pemikir lalu spekat madah bahwa Paulus tuk Dewa. ⁷ pado watu yok, sekitar aro yok, bisik Tanah mpu pemimpin de pulau yok ute benamo Publius, ute nyamut kami lalu nglayan kami ddengan pemaek yok slamo tigo ari. ⁸ watu yok, apai Publius tegurin de aro peniduk neh ulih sbsb neh kenok demam disentri. Paulus datai kiok kok masau lalu kok mendoakan neh, lalu numpa ke jari neh ke darat ura yok lalu nyemuh ke neh. ⁹ seudah kejadian yok ,ura laen de pulau yok ute tengah ngetat pemedihgok datai ngusu Paulus lalu di semuh ulih neh. ¹⁰ sidok gok makin segan ke kami lalu watu kami kok belayar agik, sido dah nyiap balo ute de keperlu kami. ¹¹ dah tigo bulan blalu, kami belayar dalam sebuah kapal ari alexanderia, ute singah de pulau yok slamah musin celap ngau nguno dioskuri sbagai tano neh. ¹² watu dah datai de sirakusa, kami diau din selamo tigo ari. ¹³ ari in, kami blayar ngenyisi pantai lalu datai de regium.ari pagi ribut slatan betiup ,lalu pado ari lusok , ¹⁴ din kami nemu beberapo ura menyadik se iman lalu de kumai sok nugau besamo sidok slama tujuh ari. lalu kami angkat agik ke Roma. ¹⁵ lalu, balo mnyadik se iman din,watu ningo hal kami datai ari in sampai ke Forum Afius tamai Tres Taberne sok nemu kami. watu Paulus mantau sidok , neh lalu besukur ngusung Tuhan Allah lalu ati neh di ndo brubah. ¹⁶ watu kami datai de roma, Paulus desuruh nugau kedirik,taami sura serdadu ute nyago neh. ¹⁷ tigo ari kemuo paulus ngero balo pemimpin Yahudi diok,lalu udah sidok bekero, neh madah ke sidok," balo mnyadik, meski aku ndo mulah bara ute tauk ngau nglaban banso kito atau adat istiadat inik muyang kito,ulih piok aku sik de serah sidok mpamo sura tahanan ari yerusalem ke kuaso ura Romawi. ¹⁸ watu sidok dah merso aku, sidok kok nglepas aku sbsb ndo bisik nemu penyalah sok tauk de ukum mati. ¹⁹ ulih yok, sbab balo ura yahudi ndo kok aku bibas, aku tepaso naek banding ke Kaisar, bukan berati aku tuk bisik penyalah nentang banso aku. ²⁰ jadi, yoklah penyebab aku udah mintok sok tau mantau kitok lalu ngumung tamai kitok sbab aku de kebat ngau rantai tuk demi pengarap Israel. ²¹ lalu, sidok madah ke Paulus," kami ndo nrimok surat sual dirik ari yudea ndo bisik sutikpun ari balo mnyadik seiman ute datai kituk kok merik kabar atau kedok kok madah kabar ute ndo baek sual dirik ²² .ulih kami tuk kak menin ari dirik. ulih kami kok menin ari dirik apo penapat dirik sual agama tuk, kami ketauk bahwa diok-diok ura-ura nentang neh. ²³ watu sidok udah nentu ke ari untuk paulus de aro neh bemalam, besamo rumu ura bangat. ari lelam sampai malam , Paulus nyelas ke sidok madah tentang krajaan Allah lalu beupayo ngeyakin sidok tentang Yesus, baek ari ukum Taurat Musa, baek gok ari kitab balo nabi. ²⁴ bebrapo ura nyadi pecayok nglalu ute udah de padah Paulus, ulih ute lain nolak ndo pecayok. ²⁵ watu sidok ndo stuju samo dirik,sidokpun lalu angkat Paulus madah piok ," mimang bnar apo ute de padah Roh kudus kepado inik muyang kito nglalu Nabi yesaya, ²⁶ angkat kin ngusu banso tuk lalu padah : kitok kok menin, tapi ndo kok paham, lalu kitok kok mantau, lalu ndo nyaruk-nyaruk. ²⁷ sbab, ati banso tuk udah tebal lalu penin sidok sangat brat untuk menin. sidok udah nutup mato neh. sok, nang sidok mantau ngau mato sidok,menin ngau penin sidok, maham ngau ati sidok lalu bebalek. lalu , aku kok nyemuh sidok. ²⁸ sbab yok, sok lah pekaro tuk kitok ketauk bahwa keslamatan ute ari Allah tuk udah de padah ngusu banso-banso laen lalu sidok kok ningo. ²⁹ dah Paulus madah pesan-pesan yok, ura-ura Yahudi lalu angkat serto bangat slisih penapat dentaro sidok. ³⁰ Paulus nugau slamo duo taun penuh de rumah ute desewa neh kedirik lalu nyamut smuo ura ute datai ngusu neh, samil nyebar brito krajaan Allah lalu ngajar sidok ³¹ tentang Tuhan Yesus Kristus ngau penuh brani gok nisik ute ngaral.