¹ Sementaro yok, balo rasul dan saudaro - saudaro seiman te bisik de yudea menin ura - ura bukan yahudi ugok bisik nerimok firman Allah. ² kerno yok, ketiko Petrus naek ke yerusalem, ura - ura te besunat beselisih umung ngau neh. ³ Sidok ngumung, turun ke ura - ura te ndo besunat lalu makai besamo sidok. ⁴ Tapi, Petrus mulai nyelas ke sidok secaro beurut gau sidok, bengi neh. ⁵ Aku agik berdoa de yope, neh ndo sadar, sidok mantau sutik pemantau, utan macam sutik kain luai turun, te deulur ke empat pitok dari langit, utan yok semak ke aku. ⁶ Waktu aku mantau neh, aku merati binata - binata bekaki empat de bumi, binata - binata liar, binata - binata melata, tamai buro - buro diudara. ⁷ Aku menin ugok bisik suaro te ngumung ngau aku, angkat, Petrus, semelih dan makailah. ⁸ Aku madah, tidak, Tuhan nisik te ndo tauk dimakai te udah tamok ke dalam mulutku. ⁹ Tapi suaro iyok nyaut ngau keduo kalik dari langit, apo te udah Allah tahirkan, nang sekalik - kalik kitak nyebut ndo tauk. ¹⁰ Hal iyok tejadi tigo kalik, lalu semuo iyok pulai agik ke langit. ¹¹ Pantaulah, waktu yok ugok bisik tigo ura te de utus gau aku datai kerumah dini aku bisik dari Kaisarea. ¹² Waktu yok, roh ngumung ngau aku turun besamo - samo sidik ndo sah ragu, ke enam menyadik seiman iyok gok turun besamo aku, kami semuo tamok kerumah ura yok. ¹³ Neh madah ngau kami keti neh udah mantau malaikat bediri de rumah neh dan ngumung, suruhlah ura yope mintoklah Simon te di sebut Petrus datai kituk. ¹⁴ Neh madah pesan ngau neh pesan keselamatan, sidok semuo te nugau de rumah neh. ¹⁵ Waktu aku mulai ngumung - ngumung roh kudus turun ke darat sidok, macam te awal tadik petamo te jadi gau kito. ¹⁶ Mako, aku ingat umung Tuhan, waktu neh ngumung, yohanes memanik ngau aik, tapi sidok de manik ngau roh kudus. ¹⁷ Jiko Allah merik karunio te samo ngau sidok macam te de berik ugok ngau semuo waktu pecayok ke Tuhan Yesus Kristus, sapokah aku sehingo neh tau ngalah Allah. ¹⁸ Waktu sidok menin hal - hal iyok, sidok tenang dan memuji Allah lalu ngumung, antik piok, Allah ugok udah mengaruniakan gau ura - ura bukan yahudi petobatan te menuju ngau idop. ¹⁹ Waktu iyok, ura - ura te cerai kerno te aniayo te ditemu Stepanus, nyebar sampai ke Fenisia, Siprus, dan Antiokhia,nod madah Firman Tuhan gau sapo pun kecuali ngau ura - ura Yahudi. ²⁰ Bisik beberapo ura dari sidok, ura - ura Siprus dan Kirene, te datai ke Antiokhia ugok ngumung ngau ura Helenis, samil madah tentang Tuhan Yesus. ²¹ Jari Tuhan nyertai sidok, jumlah ura te pecayok bebalek ngau Tuhan ²² Berito tentang sidok tepenin de penin jemaat de Yerusalem, sidok ngutus bernabas ke Antiokhia. Ketiko Barnabas ²³ datai neh mantau kaseh karunia Allah, neh besuko cito dan madah sidok semuo ngau tetap setia ngau neh ²⁴ Tuhan ngau ati te tegoh. kerno Barnabas ura te baek, penuh ngau Roh kudus dan iman, sejumlah besai ura de baik ngau Tuhan ²⁵ Udah yok,Barnabas turun ke Tarsus ngok Saulus. ²⁶ udah yok neh nemu dan ngemaik ke Antiokia. setaun sidok betemu ngau jemaat dan ngajar bangat ura. de Antiokhia, murid - murid petamo kalik dipadah ura kristen. ²⁷ Ari yok, beberapo nabi turun ke Yerusalem datai ke Antiokhia. ²⁸ Se ura dari sidok benamo Abagus, bediri dan ngeramal ngau pertolongan Roh bahwa kok tejadi kelaparan de semuo dunio. kelaparan iyo tejadi de maso pemerintah Klaudius. ²⁹ Mako, murid ngirim sumbangan, sesuai ngau penisik sidok, ngau balo menyanak seiman te nugau de yudea. ³⁰ Ute sidok kerjo, ngirim sumbangan yok ngau paro penatuo ngau jari Barnabas tamai Saulus.