¹ Semuo ura te nango beban sebagai budak,kito endo bisi'k masalah. ² Seda balo budak te tuan neh ura pecayok, nusah ngura raso hormat ngau sidok. ute sidok yok balo menyanak kito suti'k iman. Piok gok, balo budak arus ngelayan tuan neh lebih bae'k lagik ute nerimok berkat pelayan yok ura-ura pecayok tamai sidok te di kasih.Ajar serto nasihat hal macam tuk ngau sidok. ³ Bilo bisi'k ura ngajar ajar te bukan, endo sesuai ngau pemadah te benar re Tuhan kito Yesus Kristus endo senunuh ngau ajar te saleh, ⁴ neh yok pengampour tamai endo ngerti apo-apo. neh yok mau'k ngau bebantah genno caro endo bae'k,kok mutar belit banai rajin nimul ngiri ati, mecah ura,ngutok, tamai ngemulik te jai, ⁵ Serto selampur mulah garo-garo di tengah ura-ura te pikiran udah rusak tamai nulak te benar,ute ngiro semaya(saleh) utan caro peruleh unto'u. ⁶ Bukan piok, semaya yok anti'k bereto raso cukup,malah merik unto'u besai. ⁷ Kebok, kito endo ngemaik utan tamok ke dunio piok gok endo ngemaik utan watu keluar re dunio tuk. ⁸ Anti'k bisi'k pemakai pengempok tamai selawar baju,kito udah ngeraso cukup. ⁹ Ura te mauk jadi kayo jatuk ke dalam pencuboan tamai jerat, serto bemacam nafsu te budu maik bahaya te kok nengelam mensio ke dalam keancuran tamai binaso. ¹⁰ Kebok, cinta ke duit yok akar re segalo macam te jai. mensio te muru duit udah nyimpa re Iman serto nyiso dirik neh ngau bemacam dukacita. ¹¹ Tapi, nuan mensio re Allah, nusah nyemak re semuo yok. Unya'ar te benar,te saleh,iman, kasih,te tabah,serto te lemah lemut. ¹² Belumboklah dalam pejua iman te bae'k serto bepegai ngau idup te kekal uleh neh nuan di kumai watu nuan merik pengakuk te bae'k de muo bangat saksi. ¹³ Di muo Allah te merik idup ngau semuo utan tamai di muo Yesus Kristus udah merik pengakuk te bae'k watu beradap ngau Pontinus Pilatus, aku merintah nuan, ¹⁴ kironeh nuan nyalai printah tuk secaro bae'k endo cacat serto endo bisi'k masalah sampai datai Tuhan kito Yesus Kristus. ¹⁵ Watu te di tentu-Neh, Neh mauk nampak dirik Neh sikuk-sikuk penguaso, Rajo atas segalo rajo,tamai Tuan de atas segalo tuan. ¹⁶ Neh yok sikuk-sikuk te kekal, te nugau dalam tera te endo tauk di semak,seura pun endo suah mantau atau tauk merati-Neh. Bagi Neh, segalo hormat serto kuaso te kekal! Amin. ¹⁷ Sementaro tuk, suruh ura kayo di jaman tuk isok sidok endo tingik ati atau be'arap ke kayo utan endo pesti, tapi arus bisi'k naruh arapan ngau Tuhan,te nyedio segalo utan te melimpah ngau kito isok nyaman. ¹⁸ Suruh sidok ngelaku te bae'k, jadi kayo dalam pempulah te bae'k, jadi ura te mau'k merik serto kok beduman. ¹⁹ Udah piyok, sidok kok ngumpul reto ngau dirik sidok kedirik ngau dasar te bae'k ngau maso te kok datai isok sidok tauk bepegai ngau idup te benar. ²⁰ Timotius,jago apo te udah di pecayok ngau nuan.Nusah nyemak pengampur tamai pengemulok serto nyimpa re utan te di sebut "pengetauk" ²¹ ute bangat ngakuk neh, iman berapo ura udah nyelimpa. anugerah nyerto nuan.