¹ Watu aku datai ke kita'k, balo menyanak, aku ndo datai ngau kemampu beumong atau hikmat ngau madah rasio Allah ke kita'k. ² Sebab, aku nentu ngau ndo ngetau'k apo di antar'o kita'k selain tenta Kristus Yesus, To'k em Neh te disalib. ³ Aku besamo kita'k dalam ke telemah, dalam te ditakut, tamai sangat genta'r. ⁴ Pemadah aku atau te dibr'ito aku ndo dalam kato hikmat te dipecayo'k, tapi ngau tan'o Roh tamai kuaso, ⁵ bia'r iman kita'k ndo bedasa'r ke hikmat mensio, tapi yo'k te kuaso Allah. ⁶ Kami madah hikmat diantar'o sido'k te pan tuo, te ko'k dibinaso, ⁷ tapi kami madah hikmat Allah dalam resio, hikmat te ditapu'k, te ditetap Allah seapan pemulo jaman ngau kemuliaan kito ⁸ Ndo isi'k balo penguaso jaman tu'k te ngelaloneh. Sebab, anti'k sido'k dah ngelaloneh, sido'k psati ndo ko'k nyalib ke Tuhan te mulia. ⁹ Tapi samo ngau te ditulis," apo ndo suah dipantau mato, tamai peni'n ndo suah meni'n, dah yo'k ndo suah kelua'r dalam ati mensio, semuo tuk udah disiap Allah ngau sido'k te kaseh ke Neh," ¹⁰ Tapi, balo pekar'o tuk udah dinyato ke Allah ngau kito ngelalu Roh ker'no Roh te nyelide'k ke semuo pekar'o, bahkan sampai kedalam Allah. ¹¹ Sebab, siapo em diantar'o mensio te ngetau'k balo pekar'o mensio selain roh mensio te bisi'k di dalam neh? Piyo'k go'k ndo isi'k seur'a pun te ketau'k balo pekar'o Allah selain Roh Allah. ¹² Pitu'k, kita'k dah nerimo'k, bukan roh dar'i dunio, tapi roh te dar'i Allah bia'r kita'k ketau'k balo pekar'o te dianugerah Allah nguso kita'k. ¹³ Balo pekar'o te kami umong go'k tu'k, bukan balo pemadah te diajar ule'h hikmat mensio, tapi yo'k te diajar uli'h Roh ngau ngemani'n balo pekar'o rohani ngau ke te rohani. ¹⁴ Tapi, mensio te ndo rohani ndo ko'k ner'imok balo pekar'o te asal dar'i Allah ker'no balo pekar'o tu'k diangap budu ngau sido'k. Neh ndo tau'k nger'ti ker'no balo pekar'o tuk cumo tau'k dinilai dar'i rohani. ¹⁵ Mensio te rohani nilai ke semuo pekar'o, tapi neh kediri'k ndo ditilai ole'h siapo pun. ¹⁶ Sebab," siapokah te ngetau'k pemiki'r Tuhan sampai tau'k neg'ur-Neh?" Tapi, kami te mpu'k pemiki'r Kristus.