¹ Wok libo Nabi-nabi Palsu saeek seh tampil wah tuda nya onak Ponompa,Domikian geh tuda mo akan odoh Guru-guru palsu.Ballo ro masok pongajorr-pongajor sosat nyak ngkomis maeh.Bahkan dientt ro nyangkoll ponguasa dik jeh Nobus Diennt gok jorant wok nyent sogira monik pongkomis atas ballo Diennt,e. ² Obengk nya ro ngajeh cara midop Ballo dik tokuasa hawa Nafsu,gook karena Diennt jorant kobonar nya tonsungunnt, ³ Ngant nih sorakah,Guru-guru palsu ro usaha mogao untongk asik mo dingan corita-corita isapan buah tongan maeh,e,tetapi nyak pongodi dient,e, nyent ukump dik jeh tosodia gok pongkomis,e kae akan totunda. ⁴ Sebab mak wok nyent Ponompa kae nyayanggk oyongkk malaekat-malaekat dik bobuat Dosa totapi samel nompoh ballo,e koni saih Noraka ngant mosik haeekk,e nyirah,e koni saih gua-gua dik piti bologamp nyak ngona dient,e sampai onu mosik bosileh. ⁵ Gook haek,e Ponompa kae nyayanggk dunia purba,totapi cuma nyolamant Nuh,Ponyona kobonaran nyent,ngant iju konaant nya laink,libo domp,e ngkonik piingk Daik wah donia nya-nya dik rongkao: ⁶ Gook apalagik Ponompa mbinasa kota Sodom ngant Gomora nginyak opi,ngant samel musnahkan,gok njodi potano nyak nya-nya dik rongkao wah masa -masa paji,e. ⁷ Domp,e nyolamant Lot,nya dik bonar,dik tros monoros jora nih cara midop ntoyant-ntoyant dik kae ngonal ukummp gok dik cuma ngajoh saih owanggk domp maeh. ⁸ Sebab nya bonar to montok wah tuda roncano nya,ngant tiap onu leek ngant ngopingk pongodi-pongodi nya dik kobieek tieh.sohingga jiwanya dik bonar nyent tosiksa- . ⁹ Sikk nyata,Bahwa Ponompa haek tao nyolamant nya-nya soleh sik pongoda samel taok ngona nya-nya kobiek,nya tosiksa pado onu pocaroo. ¹⁰ Torutama Ballo,e dik nginyak owangk domp maeh,nih owangk ncomar domp,e ngant samel ngina koroni Ponompa.Dient,e, bogitu botek ngant rongkao,sohingga kae botabek ngkongint komuliaan Domp,e. ¹¹ Padahal Malaekat-malaekat sonirikk,dik lobeh kuat sokalipun ngant lobeh bokuasa sik padonya,kae nginyak boba-boba ngkongint,makk malaekat-malaekat nuntut ukuman nyak nya wah jowi Ponompa ¹² Tapi nya haeek samoh wok daangk dik kae boakal,samoh ngant bonatangk dik hanya nih ngkodohnya,dakopp gok nyak kabek maeh.Dient,e nyungunt oneh torunt dik dient katao ngkant,e.sohingga nih pongodi dient,e dik kobiekk sonirikk akan binasa oneh ubah bonatangk bolet. ¹³ Ngant akan nginamp nasib biek sobagae upah kobieekk ballo,e.Bofoya-foya pada nyowa onu,ballo,e nginamp konaimant,Ballo nyent ampohh gok comek,dik obok nyakk owangk domp maeh,Libo dient dudok duok,nyinop bosamoh-samoh gok mo. ¹⁴ Motih ballo,e bunuk nih owangk zinah,gok dient,e kae suah nomot.oti dient mongki Dosa.Oti dient jeh tolatih nih korangkok,Ballo,enyent nya-nya dik tokutuk! ¹⁵ Nih korina dient jeh ntiggal jorant dik bonar, maka ballo,e tososat,lalu nyinot jorant Bileam,Onak Beor,dik konak,e nrima upah nginyak Pongodi-pongodi dik kobiek.. ¹⁶ Tapi Bileam nopat poringatan koras nyak nih kobiekk domp,e, nih keledai beban dik bisuk ngomong nginyak suara monsia ngant ceegah,kobabel Nabi tih,e ¹⁷ Palsu tiih,e sorupa wok motih piinggk dik koringk,wok asop dik jeh nih buaakk nyipoh:Bagi dient,e jeh tosodia allor wah saih piti dik palingk bieek. ¹⁸ Ballo,e nyona boba-boba dik rongkao ngant kidoh riti samel nginyak owangk Nafsu cabul nyak narek nya-nya dik bauh lopos asikk dient dik midop wah sosat. ¹⁹ Dient,e njanyi Merdeka koni nya dik laingk,padahal ballo sonirik kuli-kuli kobiek nya.karena oseh tongaloh nya,domp haekk kuli nya tiieh. ²⁰ Sobab mak ballo,e nih ponginal dient,e wook Ponompa gook juru solamant doop,Yesus Kristusmjeh tolopas domp,e siik kocomek-kocomek Dunia.tetapi tolibat gek wah saih,akhir,e koadaan dient,e lobeh biek sik pado dik somula. ²¹ Nih nyent bagi dient,e lobeh baek makk dient,e kae suah nginal jorant dik bonar daripado ngonal,e,Mosik haekk tobalek sikk porintah tuci dik nih nyona koni balloe, ²² Bagi dient cucok oneh dik sanonya poribahasa dik bonar to:Kuyuk Monik nyilat ook domp,e" Gok Janekk dik manek monik gek koni porongkante.