Hal Ngehakim ¹ " Nang kitak ngakim, isak kitak kitak ndai dakim. ² Empadai ngau pengakiman te kitak ngau ngakim, kitak bakal dakim, ngau ukuran te depengau kitak ngukur bakal dukur ke ngau kitak. ³ Nama kitak medak selamar demata sama dirik, sedang ke baluk demata kitak ndai kitak ketau? ⁴ Tipa kitak tau banai ngau sidak: "Ilak ku ngeluar ke selamar de mata, padahal bisik balok demata kitak. ⁵ U urang munafik, keluar ke lau balok demata kitak, maka kitak medak jelas untuk ngeluar ke selamar re mata sidak." ⁶ " Nang kitak merik ke barang te kudus ngau ukui, ngau nang kita nyempalung ke mutiara ngau babi, isak ndai detijak ya, lalu ya balik ngeransik kitak." ⁷ " Mintak me, maka kitak bakal deberik; gegak, maka kitak bakal bulih; ketuk, maka lawang bakal debukak ke kitak. ⁸ Empadai setiap urang te mintak, nerimak, ngau urang te ngegak, nemu, ngau urang te ngetuk, lawang debukak ke ya. ⁹ Bisik ndai surang dentara kitak te merik batu ngau anak ya antik anak ya mintak ruti? ¹⁰ Atau merik ular antik anak ya mintak ikan? ¹¹ Jadi antik kitaak te jaik numut merik te baik ngau anak-anak kitak, apalagik Apai kitak te de surga! Ya bakal merik ke te baik ngau sidak te mintak ngau Ya. Jalai te benar ¹² Semua te kedekak kitak isak urang pulah ngau kitak, pulah piak ugak ngau sidak. Yak mek seluruh isik ukum Taurat ngau kitab bala nabi. ¹³ Tamak me ngelalu lawang te sekut yak, empadai luar nar lawang ngau besai nar jalai te nuju ke benasa, ngau mayuh urang te tamak ngelalu yak; ¹⁴ Empadai sekut lawang ngau mit jalai te nuju ke ngau idup, sikit urang te bulih yak." ¹⁵ Waspada ke bala nabi-nabi pelsu te datai ngau kitak ngau nyelebak upa domba, tapi sebenar sidak yak serigala te garang. ¹⁶ Ari buah kitak bakal ngelala sidak. Tau me urang mutik buah anggur ari rampuk durik ngau buah ara ari rumput durik? ¹⁷ Upa yak mek setiap pun te baik ngasil ke buah te baik, pun te ndai baik ngasil ke buah te ndai baik. ¹⁸ Ndai patut pun te baik ngasil ke buah te ndai baik, ataupun buah te ndai baik ngasil ke buah te baik. ¹⁹ Dan setiap pun te ndai ngasil ke buah te baik, pesti detebang ngau debuai kalam api. ²⁰ Jadi ari buah yak mek kitak ngelala sidak. ²¹ Bukai setiap urang te beseru ngau Aku: Tuhan, Tuhan! te tamak kalam kerajaaan surga, tapi ia te mulah kedekak Apai-Ku te de surga. ²² Pada ari pengabis mayuh urang te beseru ngau Aku: Tuhan, Tuhan! bukai me kami benubuat demi nama Nuan? Ngau mulah ngau ngusir sitan demi nama Nuan, ngau mulah mayuh mujisat demi nama Nuan ugak ²³ Rama yak mek aku bakal beterus terang ngau sidak: Aku ndai suah ngelala kitak! Tungkal ke re mua-Ku, kitak semua te mulah pengenyaik!" ²⁴ Setiap urang te ninga te jekuh aku tuk ngau ngerja nya, ya sama ngaau uraang te bijaksana, te niri ke langkau datau batu. ²⁵ Udek turun lah ujan ngau datai aik dalam, udek ribut nyepu langkau yak, tapi rumah yak ndai rubuh empadai dediri ke datau batu. ²⁶ Tapi setiap urang te ninga te jekuh Aku, tapi ndai dekerja ya, ya sama ngau urang budu te niri ke langkau atau kresik. ²⁷ Udek turun ujan ngau aik dalam, ribut nyepu langka yak, kejade rubuh me rumah yak, sserta ngau rusak parah." ²⁸ Seudah Yesus baduk banai, tebelenga bala urang mayuh ninga pengajar-Ya, ²⁹ Empadai Ya ngajar sidak sebagai urang te bekuasa, ndai upa ahli-ahli Taurat sidak.