¹ En kah ikau dia mangatawan, oi pahari-paharing kuh (Gawi aku bapander dengan ewen je mangatawan Hukum Taurat), bahwa Hukum Taurat hunjun arep ije uluh selama uluh tuh belum? ² Awi te lah, uluh bawi je kawin tapeteng secara hukum dengan bana selama uluh te belum; tapi amun bana matei dia akan imbebas bara hukum pangawin. ³ Jadi, amun bawi te manjadi sawa hatue hatue je beken metuh bana te belum, ie akan inyewut penzinah, tapi amun bana te matei ie bebas bara hukum sahingga ie dia inyewut pezinah amun kawin dengan hatue-hatue je beken. ⁴ Awi te, pahari-pahari kuh, ikau kia matei akan Hukum Taurat bara biti Kristus mangat ikau manjadi tempu je beken, iete ie je jadi imbangkit bara pampatei sahingga itah tau mahil bua akan Hatala. ⁵ Awi, metuh itah masih belum huang isi hawa nafsa dosa je dirangsang awi Hukum Tauratbagawi huang biti bereng itah akan mahasil bua akan maut. ⁶ Akan tetapi, wayah tuh itah jadi imbebas bara Hukum Taurat, jadi matei taharep je helu membelenggu itah sahingga itah metuh tuh melayani huang keadaan taheta manumun Roh, beken manumun hukum je helu je tasurat. (Dosa dan Hukum Taurat) ⁷ Amun kilau te, narai kah je akan itah mander ah? En kah hukum taurat te dosa? sama sinde dia! sebalik ah, aku dia akan mangasene dosa kecuali bara Hukum Taurat, awi aku dia akan mengerti arti bara kahandak ayun uluh beken amun Hukum Taurat dia mamander, "Ela mangahandak". ⁸ Akan tetapi, dosa manduan kesempatan bara parentah te akan mahasil kakaren macam kahandak huang arep kuh; awi tanpa Hukum Taurat dosa akan matei. ⁹ Bihin aku belum tanpa Hukum Taurat, tapi metuh Hukum Taurat te tege, dosa manjadi belum dan aku matei; ¹⁰ Dan parentah tuh je saharus ah mimbit akan belum, justru mamimpin kuh akan maut. ¹¹ Awi, dosa manduan kesempatan bara hukum te akan manipu dan mampatei aku, ¹² Jadi hukum Taurat te iete kudus , dan hukum te kudus, bujur dan bahalap. ¹³ Amun kilaute, narai kah je bahalap te mandumah pampatei akangkuh? sama sinde dia! dosa te je mahasil maut melai huang kuh bara narai je bahalap mangat gitan bahwa dosa iete dosa, dan bara hukum te dosa jajuan gitan keberdosaan ah. (Pertentangan Melai Huang Arep Itah) ¹⁴ Awi itah katawnan bahwa Hukum Taurat bersifat Rohani, tapi aku bersifat jasmani, tajual melai penda dosa. ¹⁵ Awi, aku dia mangerti narai je ku nampa awi aku dia manampa hal je kahandak kuh, melainkan aku manampa hal je bajilek kuh. ¹⁶ Akan tetapi, amun aku manampa sesuatu hal je dia handak kuh nampa, aku menyetujui bahwa Hukum Taurat te bahalap. ¹⁷ Jadi wayah tuh, beken hindai aku je manampa ah, tetapi dosa je belum melai huang kuh. ¹⁸ Awi aku katawa bahwa dia atun hal je bahalap je belum huang kuh, iete melai huang isi kuh, awi kahandak te tege melai huang arep kuh, tetapi akan manampa je bahalap te dia. ¹⁹ Awi, aku dia manampa perbuatan bahalapje kuh handak, tetapi aku manampa hal je jahat je dia kuh kahandak! ²⁰ Jadi, amun aku manampa hal je dia kuh kahandak, te dia hindai aku je manampa, tetapi dosa je belum huang aku. ²¹ Jadi aku manyundau hukum tuh, iyete; Metuh aku handak manmpa hal je bahalap, kejahatan kia tege hayak aku. ²² Awi, aku rajin akan hukum Hatala melai huang biti ku, ²³ tetapi aku manmpayah hukum beken huang biti bereng kuh je berjuang malawan hukum akal budi kuh dan manawan aku akan huang hukum dosa je tege huang biti bereng kuh. ²⁴ Aku kalunen celaka! eweh kah je akan manyalamat aku bara biti maut tuh? ²⁵ Syukur dengan Hatala melalui Tuhan itah, Kristus Yesus! ²⁶ Jadi, dengan akal budi kuh, aku melayani hukum Hatala, tetapi dengan biti jasmani kuh aku melayani hukum dosa.