¹ Maka aku misek, "En Hatalla jadi manolak ungkup Ayu?" Dia samasinde! Awi, aku kabuat uluh Israel kea, katurunan Abraham, bara suku Benyamin. ² Hatalla dia manolak ungkup Ayu, je jadi imilih Awi bara sulak. En ketun dia katawan narai je Kitab Suci mander tentang Elia, katika ie mangadu hal Israel akan Hatalla? ³ "Tuhan, ewen jadi mampatei kare nabi Ayum, ewen jadi manduruh kare mezbah Ayum, tuntang baya aku kabuat je masih belum, tuntang ewen handak mampatei aku." ⁴ Tapi, en auh tumbah Hatalla je inenga aka? "Aku masih manalua 7000 uluh akang-Ku, je dia puji sujud manyembah dengan Baal." ⁵ Kalute kea katika tuh, tege tisa je imilih tagal anugerah. ⁶ Tapi, amun awi anugerah, maka dia hindai awi gawin ewen, awi amun kilau te anugerah dia hindai manjadi anugerah. ⁷ Balalu kilen ampi tuh? Bangsa Israel gagal mandinu narai je inggau ewen, tapi ewen je terpilih justru mandinu, sementara je beken jadi mampatekang atei, ⁸ kilau tege tarasurat:"Hatalla manenga ewen roh pengantuk, matan je dia tau nampayah, tuntang pinding je dia tau mahining, sampai andau tuh." Ulangan 29:4; Yesaya 29:10 ⁹ Tuntang Daud mansanan: "Nauh ih meja perjamuan ewen manjadi jarat tuntang parangkap, manjadi batu sandungan, tuntang pambaleh akan ewen. ¹⁰ Keleh tampayah matan ewen manjadi kaput mangat ewen dia tau nampayah, tuntang kahang ewen imungkuk tarus manarus." Mazmur 69:23-24 ¹¹ Jadi, aku misek, en ewen tersandung mangat ewen manjatuh? Dia samasinde! Tapi, awi pelanggaran ewen, keselamatan jadi dumah akan kare bangsa beken Yahudi, mangat manampa ewen bahiri. ¹² Awi, amun pelanggaran ewen manjadi kekayaan akan dunia, tuntang kegagalan ewen manjadi kekayaan akan kare bangsa beken Yahudi,maka labih hindai kesempurnaan ewen! ¹³ Metuh tuh aku hakutak dengan ketun, oi kare bangsa beken Yahudi, justru aku tuh rasul akan kare bangsa beken Yahudi, aku memuliakan pelayananku, ¹⁴ mangat aku tau manampa pahari bangsa ayungku bahiri, tuntang manyalamat sapire uluh bara ewen. ¹⁵ Awi, amun penolakan ewen berarti pendamaian akan dunia, en rima penerimaan ewen selain bara belum bara marak uluh je matei? ¹⁶ Amun roti je sulak tuh kudus, uras adonan jete kudus. Tuntang amun uhat jete kudus, maka kare pating eda te kudus kea. ¹⁷ Tapi, amun sapire eda jadi imelek, tuntang ketun, je secara alami iete suluh liar je incangkok intu marak ewen tuntang mandinu bagian huang uhat tuntang gita batang zaitun te, ¹⁸ ela ih manjadi gantung atei taharep kare eda te. Tapi, amun ketun gantung atei, mingat ih bahwa beken ketun je menopang uhat te, tapi uhat te je menopang ketun. ¹⁹ Mungkin ketun akan hamauh,"Kare eda te imelek mangat aku tau incangkok." ²⁰ Jete puna tutu! Ewen imelek awi kadiapercayaan ewen, tapi ketun mendeng bujur awi iman. Ela ih gantung atei, tapi mangkeme mikeh haream. ²¹ awi amun Hatalla dia mangkeme sayang kare eda je asli te, Ie kea dia akan mangkeme sayang dengan ketun. ²² Awi te, keleh manantuani kahalap tuntang kakaras Hatalla; kakaras akan ewen je jadi manjatu, tapi kahalap Ayu akan ketun amun ketun tatap melai huang kahalap Ayu. Amun dia, ketun kea akan inetek. ²³ Tuntang ewen kea, amun ewen dia tarus manarus huang kadiapercayaan, ewen akan incangkok awi Hatalla berkuasa akan mancangkok ewen haluli. ²⁴ Awi, amun ketun jadi inetek bara narai je secara alami iete batang zaitun bara parak kayu tuntang incangkok akan batang zaitun je iimbul, je berlawanan dengan sipat ketun, en dia labih hindai ewen je iete eda asli akan incangkok intu batang zaitun ewen kabuat? ²⁵ Awi, pahari handiai, aku dia handak ketun dia mangatawan rahasia tuh mangat ketun ela manganggap arep bijaksana, bahwa sikap batekang atei jadi menimpa sebagian Bangsa Israel sampai penggenapan kare bangsa je beken dumah. ²⁶ Kalute, maka kakare uluh Israel akan inyalamat. Kilau tege tarasurat, "Penebus akan dumah bara Sion, tuntang Ie akan manganan kepasikan bara Yakub. ²⁷ Tuntang jituh perjanjian-Ku dengan ewen, katika Aku mampun kare dosa ewen." Yesaya 59:20-21;27:9 ²⁸ Tentang Injil, ewen jete musuh tagal ketun, tapi awi paintih, ewen jete kare uluh je inyinta tagal tatu hiang ewen. ²⁹ Awi anugerah tuntang pantehau Hatalla dia tau imbatal. ³⁰ Awi, sama kilau ketun je bihin dia taat dengan Hatalla, tapi je metuh tuh jadi manarima belas kasihan awi kadiapercayaan ewen; ³¹ kalute kea dengan ewen metuh tuh dia taat mangat awi belas kasihan Hatalla je jadi imparahan dengan ketun ewen kea akan mandinu belas kasihan. ³² Awi, Hatalla jadi maina ewen uras huang kadiataatan mangat Ie tau mamparahan belas kasihan Ayu dengan uras uluh. (Pujian akan Hatalla) ³³ Oh, tutu tamam katatau tuntang kebijaksanaan tuntang pangatawan Hatalla! Betapa dia manantuani keputusan Ayu tuntang dia terduga kare jalan Ayu! ³⁴ "Awi, eweh je mangatawan pikiran Tuhan? Atawa, eweh je tau manenga Ie nasehat Aka?" Yesaya 40:13 ³⁵ "Atawa, eweh je puji manenga sesuatu Aka sahindai, tuntang musti imbalah awi Ie?" Ayub 41:11 ³⁶ Awi taluh handiai bara Ie, tuntang awi Ie, tuntang akan Ie. Akan Ie kemuliaan sampai katatahi! Amin