Pasal 2
( Sensos Ngan Kelaheron Yesus Kristus)
1
Pado waktu iye, Kaisar Agustus mengeluorko perentah empok nyo de adoko sensos bage segelo penduduk de segelo denia.
2
Niyelah sensos penduduk nyo pertamo kali deadoko ketekela Kirenius menjedi gubernur de Siria.
3
Mangko nye, segelo urang belek ke kota asalnye maseng- maseng ontuk mendaftar ko diri.
4
Yusuf jugo meninggal ko Nazaret, kota Galilea, ngan menuju Yudea, ke kota Daud nyo de sobot Betlehem, uleh nyo enye beasal jak gares keturunon Daud,
5
Empok nyo enye de daftar ko besamo ngan Maria, tunangon nye, nyo sedang bunteng.
6
Tekela Yusuf ngan Maria tinggal de Betlehem, tibo lah waktunye bage Maria ontuk melaherko.
7
Maria pon melaher ko Anak jenton nyo pertamo. Enye membongkos nye ngan koen lampen ngan membareng ko-Nye de delom palungon, uleh nyo piado kamar bage nye ontuk temalom
8
De daerah nyo sama, ado beberapo gembalo nyo tinggal de padang ontuk menjego kawonon domba nye pado waktu malom.
9
Tibo- tibo, meleikat Tuhan bersinar de sekelileng nye sehinggo nye sajo ketakuton.
10
Akon tetapi, meleikat iye bekehato ngan rombongon iye, " Jengon takot sabab dongor lah, Ake memberitako kabar beik tentang sukacito sajo godong nyo de peruntuk ko bage segelo bengeso.
11
Sari niye, lah laher bage me Juruselamat, Iyelah Kristus Tuhan, de kota Daud.
12
Niye lah tando bage me: kowe akon menomuko budak abang nyo de bongkos ngan koen lampen ngan tebareng delom palongon."
13
Tibo- tibo, nampok lah besamo-samo meleikat iye sekumpolon godong tentera seregawi nyo memuji Allah ngan bekehato,
14
" Kemuliaon bage Allah de tempat nyo mahatinggi ngan damai sejahtera de bumi, de entaro urang- urang nyo bekenan kepado-Nye."
15
Tekalo rombongon meleikat meninggal ko rombongon gembalo iye ngan belek ke serega, rombogon gembalo iye bekehato seurang ngan nyo loen, " Maro kite ke Betlehem ontuk ngelek hal-hal nyo sodah tejedi niye, nyo lah Tuhan boritahuko kepado kite."
16
Lalu, rombongon iye cepat- cepat bejelon ngan menomuko Maria ngan Yusuf, sereta budak abang nyo tebereng de palongon.
17
Tekalo rombongon gembalo ngelek Enye, beroyot iye menceritako perkehatoonyo lah de kehato ko kepado beroyot iye tentang budak iye.
18
Ngan, segelo urang nyo mendongor hal iye heran atos hal- hal nyo de kahatoko rombongon gembalo kepado nye.
19
Hambok, Maria menyimpan hal iye ngan merenungko nye delom hatinye.
20
Lalu, rombongon gembalo belek kepado domba- domba nye sambel memuliako ngan memuji Allah atos segelo nyo lah enyo kelek ngan dongor upa nyo dekehato ko kepado nye.
21
Ngan, Setelah gonop delapan ari ontuk menyunatko budak abang iye, namo-Nye de sobut Yesus, upa namo nyo de boriko uleh meleikat sebolum Enye de kandung de delom kandungon.
22
Tekela ari- ari penyucion sesuoi hukum Musa, lah sodah, Maria ngan Yusuf membewo Yesus ke Yerusalem untuk menyerahko- enye kepado Tuhan,
23
Upa nyo tetoles delom hukum Tuhan, " Setiop anak jenton pertamo haros de kodos ko bage Tuhan
24
Ngan untuk memboriko persembahon sesuoi dengan ape nyo lah de kehato ko delom hukum Tuhan, iye lah sepasong burung dero apo dua ikuk borung merpati muda".
25
Ado seurang bernamo Simeon nyo tinggal de Yerusalem. Enye adolah urang nyo bonor ngan saleh, nyo menanti-nanti ko penghiboron Allah atas Israel, ngan Roh Kodos menyeretainye.
26
Roh Kodos menenelako nye behwa enye hopi akan teelek sebolum ngelek Kristus nyo de urapi Tuhan.
27
Lalu, Simeon jongok ke Bait Allah atas tuntunon Roh Kodos, tekela Yusuf ngan Maria ngundah budak abong Yesus ke Bait Allah untuk melaksana ko kepado-Nye ape nyo lah de tentuko uleh Hukum Taurat.
28
Selanjut nye, Simeon mendokong budak abong iye ngan memuji Allah, ujo nye,
29
" Kinie, ya Tuhan, kironye Kowe mengizin ko pelayan me niye teelek delom damai, sesuoi dengan firman-Me;
30
sabab mato ke lah ngelek keselamaton-Me,
31
Nyo lah Kowe sedia ko de hadopon segelo bengso;
32
Iyelah cahayo nyo nak menarangi bengso- bengso nyo hopi mengenal Tuhan, ngan nyo menjedi bage umat- me, Israel."
33
Yusuf ngan induk budak iye menjedi heran atas ape nyo de kehehato ko Simeon tenteng Enye.
34
Kemudion, Simeon memberkati Enye ngan bekehato kepado Maria, Induk Yesus, " Dongor, budak niye lah de tetap ko untuk menitek ko ngan membangket ko lobot urang de Israel, sereta menjedi tando nyo de tentang lobot urang.
35
( Ngan, sebilah pedang nak menikom jiwome) empok nyo isi hati lobot urang nak de nyato ko."
36
De sane lah jugo ado seurang nabiah, bernamo Hana, anak Fanuel jak suku Asyer. Enye sodah sajo tuha. Enye anyo hidop dengan laki nye selamo tujuh tahon setelah pernikahon nye,
37
ngan kemudion menjedi jendo sampoi 84 tahon. Enye hopi perenah campok ko Bait Allah, cuma kompolon siang ngan malom dengan bepuaso ngan berdoa.
38
Pado waktu iye, jongok lah Hana ngan enye mengucap syukur kepado Allah sereta mencerita ko tentang Yesus kepado segelo urang nyo menanti- nanti ko penobuson Yerusalem.
39
setelah Yusuf ngan Maria melakuko segelo sesuatu sesuoi hukom Tuhan, enye belek ke Galilea, ke kota asal enye, iyelah Nazaret.
40
Budak iye pun betomboh semaken godong, ponoh dengan hikmat, ngan Allah memberkati-Nye.
41
Setiop tahon, urang rayo Yesus bepejelonon ke Yerusalem pado Ari Rayo Paskah.
42
Tekela Yesus beromor dua belas tahon, enye bejelon kiyone sesuoi kebiasoon ari rayo iye.
43
Sesodah perayaon iye beaher, enye belek. Hambok, Yesus se tetap tinggal deYerusalem tanpo sepengetahuon urang tuha-Nye.
44
Kareno urang tuha Yesus mengiro behwa Enye berado de entaro rombongon, enye pu melanjut ko pejelonon sampoi sehari ponoh. Lalu, enye mulai mendelok i nye de entaro koum keluargo ngan urang- urang nyo enye kenal.
45
Tekela enye hopi menomu ko Yesus, enye belek ke Yerusalem untuk ndelok i-Nye.
46
Sesodah tiga ari, enye menomuko Yesus de Bait Allah sedang dodok de entaro guru-guru agamo, sambel mendongor ko ngan mengaju ko pertanyoon kepadonye.
47
Segelo urang nyo mendongor-Nye terheran- heran akon pengetahuon ngan jawabon-jawabon-Nye.
48
Tekela urang tuha -Enye ngelek nye jugo heran. Lalu, induk- nye betanyo." Kulup, mengka Kowe melakuko niye terhadop kamie? Bepak-Me ngan ake sajo temesan ndelok i-Me."
49
Jewob Yesus kepado enye, " Mengka mike delok i Ake? hopi tahu ko kowe behwa Ake paseti berado de rumah Bepa- Ke?"
50
hambok, enye hopi tereti ape nyo de kehato ko_Nye kepadonye.
51
Lalu, Yesus belek serompok enye ke Nazaret ngan menoroti enye. Hambok, induk-Nye menyimpan perkehatohon iye delom hatinye.
52
Yesus pun bertomboh semaken godong ngan semaken bijaksano. eneye jugo semaken de agomi Allah ngan mendesio.