¹ Anak-anak taatilah urangtuhame delom Tuhan ulehnyo nei adolah hal nyo benor, ² Hormatilah bapak ngan idokme, "nie adolah perintah pertamo nyo desertai ngan jenji. ³ "engakonnyo hidopme beik ngan kowe engakknyo beomor panjong de bumi". ⁴ Bepak-bepak, jangonlah memicu anak-anakme untok menjedi marah, hambok godong kolah nye delom disiplin ngan nasehat Tuhan. ⁵ Budak-budak, taatilah tuanme nyo ado de dunia nie ngan hormat ngan gentar, ngan ketulosan hati upah untuk Kristus. ⁶ Jengon upah urang-urang nyo mengerjoko pengaweon hanyo untok de kelek urang-urang menyenangko mendesio, cuma sebagoi hamba-hamba Kristus nyo melakuko kehendak Allah dri hati, ⁷ Melayani ngan sepono hati upah untok Tuhan ngan bukon untok mendesio. ⁸ Sabab, kowe tahu entah nye budak ataupon urang merdeka, muye ia melakoko hal nyo beik, TUhan nak membori upah kepadonye. ⁹ Tuan-tuan, lakukolah jugo kepado hamba-hamba me. berhentilah mengancam ulenyo ketahuilah beik tuanme atau tan nye samo-samo ado de surga, ngan nye hopi pileh kaseh. ¹⁰ Ahirnye, jadilah kuat dalom TUhan ngan delom kuat kuaso-NYe. ¹¹ Pakoilah segeloh perlengkapon senjata Allah empoknyo kowe depot togok melawon tipu dayo oblis. ¹² Sabab perjuangan kite bukon melawon degeng ngan dero, cuma melawan pemerentah-pemerentah, penguaso-penguaso, kekuaton-kekuaton denia kekolomon nie, ngan melawon kekuaton roh deri si jahat nyo ado de langet. ¹³ Ulehnyo iye, pakoylah segaloh prlengkapan senjata Allah empoknyo kowe depot tetap bertahan saat ari nyo jahat iye jongok, ngan setelah segalo nye soda kowe tetap togok. ¹⁴ Jadi togoklah tegoh, ngan mengencagko bobot pingang kebonoran de seputor pinggangme ngan pakoylah beju zirah keadelon. ¹⁵ Ngan pasonglah elap kakime ngan kesiapon iNjil damai sejahtera. ¹⁶ Delom segalo hal, ambeklah perisai iman untok kowe depot memadomko segalo pono api deri si jahat. ¹⁷ Ambeklah ketopong keselamatan serta pedang Roh, Yaitu Firman Allah, ¹⁸ sambel berdoa setiap waktu delom Roh ngan segalo doa ngan permohonan delom doa me iye, berjego-jegolah ngan segelo ketekonon sambel meneko segelo permohonan bage segelo urang kodos. ¹⁹ Berdoalah jugo untok ake empok nyo ketika ake membuka molutku, perkataon dekaroniako ngan ke sehinggo ake ngan berani memberitako resio Injil. ²⁰ Ulenyo INjil iyelah, ake menjedi utusan nyo terbelenggu. doa kolah agar ake depot memberitakonye ngan berani sebagai mone seharosnye ake bekehato. ²¹ Tihikus, delor seiman ke nyo terkaseh ngan pelayan nyo setia dlom Tuhan, nak memberitahuko segelo sesuatu nganme empoknyo kowe jugo tahu upah mone keadaonke ngan ape nyo aku perbuat. ²² Ake memang mengetos nye ngan me untok tujuan NYe, empokonyo supayo kowe tahu kabar kami ngan supayo nye depot menghibur ²³ Damai sejatra bage dolor-dolor seiman, ngan kase ngan iman deri Allah bapak ngan Tuhan Yesus Kristus. ²⁴ Anugerah menyertai segalo urang nyo mengasehi Tuhan kite, Kristus Yesus, ngan kaseh nyo hopi nak binasa.