(Pelayanon Paulus Untok Bengeso Bukon Yahudi) ¹ Untuk alason nielah, ake, Paulus, de penjara karena Yesus Kristus demi, kowe urang-urang kafir. ² Kowe peseti lah, mendongor tentang tugas penatalayanon anugerah Allah nyo de bori ko kepodoke untuk kowe, ³ bahwa ngan penyataon, resio iye de beritahuko, kepado ke upah nyo lah ku tulis secaro singkot sebolom nye. ⁴ Saat membeco nie, kowe depot memahami pengertion ke menganai resio Kristus, ⁵ nyo hopi deboritahuko kepodo urang-urang deri generasi, hambok nyo kinie denyatoko kepodo para rosul ngan para nabi-Nye nyo kodus uleh Roh Kudus. ⁶ Resio iye adolah bahwa melalui Injil urang-urang kafir menjedi sesamo ahli waris, sesamo angota deri sikok badan, ngan samo-samo mengambek bageon deri jenji delom Yesus Kristus. ⁷ Ake menjedi pelayan Injil sesuoi ngan karunia deri anugerah Allah, nyo deboriko kepodo ke menurut gaweon Kuason-Nyo. ⁸ Kepodoke, nyo sajo hino de antaro segelo urang kudus, anugerah nie deboriko untok memberitako kepodo urang-urang kafir kesegelo Kristus nyo hopi tesolomi. ⁹ ngan ngunda tarang kepodo setiap urang tentang resio nyo tekerawo selamo berabad-abad delom Allah, Nyo menciptako segelo sesuatu. ¹⁰ Ngan memunyelah melewati jemaat, bebagai hikmat Allah kinie debori tahuko kepodo para pemerintah ngan penguaso de tempat surgawi. ¹¹ Nie sesuoi ngan rencana kekal nyo denyatako delom Yesus Kristus, Tuhan kite, ¹² Nyo delom me, kite mendepot keberanion ngan jelon masuk kepodo Allah ngan yaken lenyo kesetiaon Kristus. ¹³ Ulehnyoiye, ake mintak kepodo me empok jengon putus asa ngelek penderitaon nyo ake alami demi kowe. penderitaon iye adolah kemuliaanme. ¹⁴ Untuk alasan nielah, Ake berlutut de hadapon Bepak. ¹⁵ Deri enyelah, setiap keluargo de surga ngan de bumi menerimo namo nye. ¹⁶ Ake berdoa empoknyo sesuoi ngan kesongohan kemuliaon-Nye, Nye berkenan mengaroniako kepodo me kekuaton de delom batin me, ngan kuaso melalui Roh-Nya. ¹⁷ Sehinggo Kristus berkenan tinggal de delom hatime melewati iman sehinggo kowe ngan bedasar delom Kaseh, ¹⁸ Ngan empoknyo kowe bersamo segelo urang kudus depot memahami betapo lebor, ngan panjong, ngan tinggi, ngan delom-Nye kaseh Kristus. ¹⁹ Ngan demikian, kowe depot mengenai kaseh Kristus nyo melampaui pengentahuon sehinggo kowe de ponohi ngan sebeloh kepenohan Allah. ²⁰ Bage Nye, nyo sanggop melakuko jouh lobih melimpah deri pado segelo nyo kito mintak atau pekerko, sesuoi ngan kuaso NYo begawe de delom kite. ²¹ Bage Nyelah kemuliaon delom jemaat ngan delom Yesus Kristus bage segaloh generasi sampoi selamo-lamo-Nye. amin.