(Membori Ngan Sukarela) ¹ Bageke, adolah belobehon untok menoles kepodome tentang pelayanon kepodo urang-urang Kudus nie. ² Sabab, ake mengetahui kerelaonme, nyo aku bangga banggako menganai kowe kepodo urang-urang Makedonia, yaitu bahwa Akhaya lah siap sejak tahon lewat ngan semangotmelah nyo lah menggarako sebageon godong deri rombongon. ³ Cuma hambok, ake mengutos dolor-dulor nie empoknyo kebanggaon kami tentang kowe hopi dejediko sio-sio dalam hal nie.Ngan upanio, kowe siap sedio upa nyo lah kuboeko. ⁴ Sabab, munye beberape urang Makedonia njongo besamo-samo nganke ngan rombongon endepoti kowe bolom siap, kami ( hopi perelu kami memboeko kowe ) nal depermaluko ulenyo keyakenon nie. ⁵ ulenyo iye, ake bepeker perelu untok mendesak dolor-dolor nie lari lobeh dehulu kepodome ngan mempersiapko pemborion nyo siap untok menjedi pemborion sukarela, ngan bukon ulenyo tepakso. ⁶ Ake nggerako hal nie: siape nyo menabor kekecikon nak menuoi kekecikon jugo, ngan urang nyo menabor lobot nak menuoi lobot jugo. ⁷ Setiap urang haros membori upa nyolah yo putosko delom hatinye, bukon ngan dukacita apo de bewo paksoon ulenyo Allah mengasehi urang nyo membori ngan sukacita. ⁸ Ngan, Allah sangop meluapko segelo anugrah kepodo kowe empoknyo kowe selalu memeleki segelo kecukopon delom segelo hal ngan bekelimpahon delom setiap penggaweon beik. ⁹ upanyo tetoles: " ye lah membage-mbageko, ye lah membori kepodo urang mesken, kebonoron-Nye cuma untok selamonye." ¹⁰ Kinie, Enye nyo menyediako beneh bage penabor ngan roti sebagai makonon, nak menyediako ngan melipotgandako benehme untok detabur ngan nak memperlobot hasel-hasel kebonoronme. ¹¹ Kowe nak deperkayo delom segelo hal atas segelo hal atas segelo kemurahon hatime, nyo melewati kami membangketko ucapon syukor kepodo Allah. ¹² Sabab, bentuon pelayanaon nie bukon anyo mencukopko keperluon-keperluon urang-urang kudus, cuma jugo melimpahko ucapon syukor kepodo Allah melalui lobot urang. ¹³ melewati bukti pelayanon nie, rombongon nak memuliako Allah ulenyo ketaatonme kepodo pengakuonme akan Injil Kristus, ngan untok segelo kemurahon hatime delom berbagai kepodo rombongon ngan segelo urang. ¹⁴ Ngan, delom doa-doa rombongon untokme, rombongon merindukome ulenyo kaseh karunia Allah nyo melimpah atasme. ¹⁵ Syukor kepodo Allah atas pemborion-Nye nyo hopi teboeko!