¹ Munye ake depot boek delom beheso-beheso mendesio ngan para melekat, cuma hopi mempunyoi kaseh, ake adolah gong nyo boek ngan canang nyo gemeronceng. ² Munye ake mempunyoi karunia benubuat ngan mengetahui segelo resio ngan segelo pengetahuon, ngan munye ake menuhani segelo iman untok memendahko gunong-gunong, cuma hopi mempunyoi kaseh, ake bukonlah apo-apo. ³ Munye ake memboriko makon kepodo urang mesken, ngan menyerahko badanke untok detunuh, cuma hopi mempunyoi kaseh, kekecikon pon hopi ado gunanyo bageke. ⁴ Kaseh iye besabar bemurah hati, kaseh iye hopi cemburu, hopi memegahko diri, ngan hopi sombong, ⁵ hopi melakuko nyo hopi pantas, hopi ndelok kepentengon diri dewek, hopi mudah bemarah, hopi memperhitongko kesalohon urang loen. ⁶ hopi besukacita pocok kehopibonoron, meloenko besukacita besamo kebonoron. ⁷ Kaseh iye tahan menanggong segelo sesuatu, mempecayoi segelo sesuatu, mengharopko segelo sesustu, ngan sabar mnanggong segelo sesuatu. ⁸ Kaseh hopi perenah beakher. Hambok, munye ado nubuat-nubuaton, cuma detiadoko; munye ado beheso-beheso, nak dehentiko; ngan munye ado pengetahuon, nak delenyapko. ⁹ Sabab, kite mengetahui sebageon bae ngan kite benubuat sebageon bae. ¹⁰ Hambok, ketika nyo sempurna sampoi, nyo sebageon iye nak delenyapko. ¹¹ Ketika ake budak-budak, ake boek upa budak-budak, ake bepeker upa budak-budak, ngan mehitong-hitong upa budak budak-budak. Ketika ake menjedi dewasa, ake meninggalko hal-hal nyo budak-budak iye. ¹² Ulenyo kinie kite nglkdelom kaco secaro samar-samar, cuma kemudion moka ngan moka. Kinie, kinie ake anyo mengenal sebageon, cuma kemudion ake nak mengenal seponoh nye, upa ake jugo lah dekenal seponohnye. ¹³ Jedi, kinie ketiga hal nie nyo tetap tinggal, yaitu iman, pengharopon, ngan kaseh; cuma nyo godong deri ketiganye adolah kaseh.