¹ Pas zaman koa kaisar Agustus ngaluaratn parentah ia nyuruh daftaratn samua urakng ka saluruh dunia. ² Nyian lah pendaftaratn nang pamulaan waktu kiremus jaji wali negeri ka sirea. ³ Maka ampus lah samua urakng daftartn diri e ka kota e. ⁴ Yakoa uga Yusuf ampus umpat ka kota nazaret ka galilea ka yudea ka kota daud nang badama Betlehem,karana ia barasal umpat ka katurunan daud. ⁵ Supaya di daftaratn barage ba maria tunangane nang gi babuntikng. ⁶ Pas kabatne gi di koa atakng lah waktune maria mao baranak ka ⁷ . Ia pun maranakatn anak laki,anake nang sulung. lalu ia mungkus pake kaikng lalu ia magurikng ka daapm palungan,soale inak ada agi tampat nang kosong di koa. ⁸ ka daerah koa ada gembala-gembala nang diapm ka padang untuk nyaga piharaatn ne kadek maam. ⁹ Tiba-tiba ada malaekat Tuhan badiri kasamak kabatne lalu kamuliaan Tuhan basinar di koa kabatne pun ka gaikanan sidi ¹⁰ Lalu malaekat koa pun bakata ka kabatne,ame gaik karana sabatole aku mare nauan ka kitak nganai kasukaan ayak untu'k saluruh bangsa. ¹¹ Ari nyian dah lahir juru selamat untu'k kitak ia koa kristus,Tuhan ka kota Daud. ¹² Nyian lah tandae untu'k nyu, kao akan namui anak bayi nang di mungkus pake kaikng tarus di magurikng ka daapm palungan." ¹³ Tiba-tiba kateeatn barage ba malaekat koa basangahe ayak bala tantara saruga nang muji Allah,katae: ¹⁴ Kemuliaan untuk Allah ka tampat nang maha tinggi sarata damai sajahtera ka dunia ka antara manusia nan bakenan ka Ia. ¹⁵ Akak malaekat-malaekat koa ninggaatn kabatne muakng agi ka saruga,gembala-gembala koa pun bakata ka sabayaatn ne "ijek dirik ampus ka betlehem neek ahe nang tajadi di naun,aya nang dah Tuhan marek nauan ka dirik." ¹⁶ Lalu kabatne bijak-bijak ampus namui maria dan yusuf ba kamuda bayi koa nang gi di magurikng ka daapm palungan koa. ¹⁷ Pas kabatne neek Ia,kabatne pun nyaritaatn ahe nang dah di ngataatn nganai anak koa. ¹⁸ Samua urakng nang nangar pun heran nganai ahe nang dah di ngataatn gembala-gembala koa ka kabatne. ¹⁹ Tapi maria narohi samua parihal koa ka daapm atie tarus ba ngarenungan. ²⁰ Akak koa puakng lah gembala-gembala koa sambi muji ba memuliaatn Allah karana samua nang kabatne nangar ba di neek samuae sarupa ba ahe nang dah di ngataatn ka kabatne. ²² Pas ganap waktu petahiran, nurut hukum taurat Musa,lalu kabatne ngicakng Ia ka yerusalem untuk di sarahatn ka Jubata. ²³ Sarupa ada nang di nulis ka daapm ukum Jubata "samua anak nang laki sulung arus di kudusatn ka Allah." ²⁴ Untuk nyambahatn korban manurut ahe nang di firman kan ka daapm ukum Jubata,yakoa sapasang burukng pakukur ato dua ekok anak burukng dara. ²⁵ Ada ka yerusalem urakng badama Simeon. ia urakng banar dan saleh nang ngataatn pangiburatn untu'k Israel roh kudus ada ka atase. ²⁶ Ka ia koa dah di nyataatn di roh kudus kadek ia inak akan mati sanape ia neek Mesias ,yakoa ia nang di urapi Jubata. ²⁷ Ia atakng ka bait Allah karana roh kudus .pas Yesus anak koa di urakng tuhae ngicakng taama untuk ngalakuatn ahe dah nang di nantuatn ukum taurat ka ia. ²⁸ Ia nyambut ba di ngampekng anak koa sambi muji Allah, jakata e, ²⁹ Angkitn Tuhan biaratn lah hamba nyu nyian barangkat daapm damai sejahtera sesuai ba firman nyu. ³⁰ Sabab mata ku dah neek kasalamatatn nang umpat ka kao. ³¹ Nang udah kao nyadiaatn ka adapatn sagala nagari. ³² Tarakng lah nang jaji panyataan untuk nagari-nagari lain tarus jaji kemuliaan lah untuk umat -nyu Israel." ³³ Apa' ba uwe'E pun heran sidi sagala nang di ngataatn nganai Ia. ³⁴ Lalu Simeon pun barakati kabatn'e tarus bakata ka Maria, uwe anak koa; " sabatole Anak nyian dah di nantuatn ngajantuatn ba ngabangkitatn manyak urakng ka Israel tarus untuk jaji tanda nimuatn pambantahatn. ³⁵ Dan suatu pedang nang akan nambus jiwanyu babaro, biar jaji nyata pikiran urakng manyak koa. ³⁶ Dikoa pun ada Hana, ia nabi bini, anak Fanuel umpat ka suku Asyer, umure pun dah tuha akak panganten salama tujuh tahutn ia diapm ba aki'e. ³⁷ Angkitn ia janda umure dah lapan puluh tahutn. Ia inak paranah ningaatn bait Allah, siakng maam ia kahe sambayang, sambi bapuasa dan badoa. ³⁸ Dan waktu koa uga ia atakng ngucapatn sukur ka Allah sambi bakata parihal anak koa ka samua urakng nang ngantiatn kabebasatn untuk Yerusalem. ³⁹ Dah akak ngalakuatn samua manurut ukum jubata, puakng lah kabatn'ne ka kota nazaret nang ka Galilea tampat ia diapm. ⁴⁰ Anak koa pun batambah ayak dan kuat, panuh hikmat dan kasih karunia Allah ada ka Ia. ⁴¹ Tiap tahutn pas ari raya paskah urakng tuha Yesus ampus ka Yerusalem. ⁴² Waktu Yesus baumur dua balas tahutn kabatn'ne ampus ka Yerusalem sarupa nang biasa di lakuatn ka ari raya koa. ⁴³ akak ari parayaan koa, pas kabatn'ne bajaatn puakng, Yesus kana tingaatn ka Yerusalem urakng tuha'e pun inak nahui. ⁴⁴ Urakng tuha'e nyangka Ia ada ka antara kabatn'ne koa, pajaanan kabatn'ne koa saariannan jauhe, lalu ngagoi Ia ka antara kaluarga ba kanalan'ne. ⁴⁵ Karana Yesus inak tamu, kabatn'ne pun muakng agi ka Yerusalem ngagoik Ia. ⁴⁶ udah tiga ari kabatn'ne baru namu Ia ka daapm bait Allah; Ia duduk ka tangah- tangah alim ulama, sambi nangaratn dan batanya ka kabatn'ne. ⁴⁷ Samua kabatn'ne nang nangar Ia pun heran neek Ia pintar sidi dan samua patanyaan nang Ia jawab. ⁴⁸ Pas urakng tuha'e neek Ia , takajutlah kabatn'ne, tarus uwe'e pun bakata " Nak, ngahe kao babuat aya koa ka kami? apak Nyu ba aku kawater ngagoik Kao. ⁴⁹ Jawab Pe ka kabatn'ne; ngahe kao ngagoik Aku? inak me kao nahuik, kadek Aku harus diapm ka rumah Apak Ku. ⁵⁰ Tapi kabatn'ne ianak ngarati ahe nang Ia ngataatn koa. ⁵¹ Lalu Ia pun puakng ka Nazaret barage ba kabatn'ne, Ia tatap idup ba kabatn'ne dan uwe'e narohi samua parihal koa ka daapm ati'e. ⁵² Dan Yesus batambah ayak, hikmate uga makin tarus di kasihi Allah dan Manusia.