Yesus Badoa untuk Murit - muritE ¹ Koalah pakataatn - pakataatn Yesus, lalu Ia ningkadah ka angit lalu bakata," Apa' waktue udah sampe, muliaatnlah AnakNyu biar AnakNyu uga' bisa muliaatn Kita'. ² Sabaya aya kita' udah mare Ia kuasa atas samua manusia, biar ka samua nang Kita' mare' ka Ia, Ia bisa mare' idup kakal. ³ Nyialah idup kakal koa, yakoa kade' kabatnenganal Kita' , seko'-seko'E Jubata nang banar, lalu nganal Yesus Karistus nang udah Kita' ngutus. ⁴ Aku udah muliaatn Kita' ka bumi sambil nyalasaiatn pakarajaatn nang Kita' mare' ka Aku untuk dikarajaatn. ⁵ Lalu angkitn, boh Pa', muliaatnlah Aku basama Kita' lalu kamuliaan nang Aku miliki' ba Kita' sanape' dunia ada. ⁶ Aku udah nyataatn damaNyu ka urakng - urakng nang Kita' mare' ka Aku dari dunia nyian. Kabatne koa milik Nyu lalu Kita' udah mare' kabatne ka Aku, lalu kabatne uga' udah taat ka FirmanNyu. ⁷ Angkitn, kabatne nahui' kade' nang Kita' mare' ka Aku, barasal umpat ka Kita'. ⁸ Sabab, Aku udah mare' ka kabatne Firman nang Kita' mare' ka Aku, lalu kabatne udah narima' iya sampe banar- banar nahui' kade' Aku barasal umpat ka Kita', lalu kabatne picaya' kade' Kita' nang ngutus Aku. ⁹ Aku badoa untuk kabatne, Aku ina' badoa untuk dunia, tapi untuk kabatne nang udah Kita' mare' ka Aku; sabab kabatne adalah milikNyu. ¹⁰ Samua nang Kumiliki' adalah milik Kita', Lalu samua nang Kita' miliki' adalah milikKu ; lalu Aku udah dimuliaatn ka daapm samua koa. ¹¹ Aku ina' agi' ka dunia nyian, tapi kabatne masih ada ka dunia nyian, lalu Aku atakng ka Kita'. Apa' nang Kudus, jagalah kabatne ka daapm dama Kita', dama nang udah Kita' mare' ka Aku, biar kabatne jaji sote' sabaya aya Kita'. ¹² Salama Aku ba kabatne, Aku udah nyaga kabatne daapm dama-Nyu nang udah Kita' mare' ka Aku. Aku udah nyaga kabatne, lalu ina' ada seko'pun dari kabatne nang ilang kacoali anak kabinasaan, biar Kitab Suci diganapi'. ¹³ Tapi angkitn Aku atakng ka Kita'; lalu samua nyian Aku ngataatn ka dunia nyian biar kabatne miliki' sukacitaKu nang diinsi'atn ka daapm diri' kabatne. ¹⁴ Aku udah mare'atn Firman-Nyu ka kabatne, lalu dunia tegetatn kabatne sabab kabatne ina' barasal umpat ka dunia, sama aya Aku ina' barasal umpat ka dunia. ¹⁵ Aku ina' minta' ka Kita' untuk naap kabatne dari dunia, tapi untuk ngalindungi kabatne dari nang jahat. ¹⁶ Kabatne ina' barasal umpat ka dunia, sama aya Aku ina' barasal umpat ka dunia. ¹⁷ Suciatnlah kabatne daapm kabanaran; Firman-Nyu adalah Kabanaran. ¹⁸ Aya Kita' nang ngutus Aku ka dunia, ayakoalah Aku ngutus kabatne ka dunia. ¹⁹ Demi kabatne, Aku nyuciatn diri'Ku biar kabatne uga' disuciatn daapm kabanaran. ²⁰ Aku ina' kahe badoa untuk kabatne, tapi uga' untuk urakng - urakng nang picaya' ka Aku malalui' pambaritaan kabatne. ²¹ Biar kabatne jaji sote', sabaya aya Kita', boh Apa'; biar kabatne uga' jaji sote' ka daapm diri' sahingga dunia picaya' kade' Kitalah nang udah ngutus Aku. ²² Kamuliaan nang Kita mare' ka Aku, udah Aku mareatn k kabatne biar jaji sote', sabaya aya Kita' ba Aku adalah sote'. ²³ Aku ka daapm kabatne lalu Kita' ada ka daapm-Ku, biar kabatne jaji sote' sautuhe, Biar ayakoa, dunia biar nahui' kade' Kita' nang ngutus Aku, soale Kita' kasih ka kabatne, sabaya aya Kita kasih ka Aku. ²⁴ Boh Pa', Aku ma' kabatne, nang udah Kita' mareatn ka Aku, uga' ada ba Aku dimaepun Aku barada, biar kabatne nee' kamuliaan-Ku, nang udah ita' mare' ka Aku, soale kita' kasih ka Aku sanape' dunia tumuh. ²⁵ Boh Apa' nag adil, biarpun dunia ina' kanal ka Kita', tapi Aku nganal Kita', lalu kabatne nahui' kade' Kita'lah nang ngutus Aku. ²⁶ Aku udah mare' nahui' dama Kita' ka kabatne lalu sataruse mare' nahui' biar kasih nang ba iya Kita' kasih ka Aku ada ka daapm kabatne, lalu Aku ada ka daapm kabatne".