¹ Aku udah ngataatn hal - hal ka kao biar kao ina' jaji tarantuk. ² Kabatne akan ngaluaratn kao dari Sinagoge,; sasungguhe, waktu udah atakng waktu saepun nang munuha' kao akan bapikir kade' ia agi' majaanan pakarajaatn baik untuk Jubata Panampa'. ³ Kabatne mao' majaanan hal - hal nyian sabab ina' nganal Apa' mao'pun Aku. ⁴ Aku udah ngataatn hal - hal nyian ka kao biar kamie waktue atakng, kao bisa ngingat kade' Aku ngataatn ka kao tentang kabatne, Aku ina' ngataatn hal nyian ka kao dari awal soale Aku ada basama kita'. ⁵ Tapi angkitn Aku ampus ka Ia nang ngutus Aku; namun ina' seko'pun dari kita' nang batanya'," Kamae Kita' ampus?". ⁶ Sabab Aku udah ngataatn hal nyian ka kao, soale atinyu sidi' sadih. ⁷ Tapi Aku bakata ka kao soal kabanaratn: adalah labih baik baginyu Aku ampus, Aku ngutus Ia ka kao. ⁸ Waktu Ia atakng, pangibur akan mayakinkan dunia manganai' dosa, manganai' kabanaran, ba manganai' pangakiman-- ⁹ manganai' dosa, sabab kabatne ina' picaya' ka Aku, ¹⁰ manganai' kabanaran, sabab Aku agi' ampus ka Apa', lalu kita' ina' nee' Aku agi', ¹¹ manganai' pangakiman, sabab panguasa dunia nyian udah dingakimi'. ¹² Aku manyak miliki' hal nang untuk dikataatn ka kita', tapi kao nape' bisa ngaratia' angkitn. ¹³ Tapi waktu Ia, Roh kabanaran atakng, Ia nang ngejengan kita' ka daapm samua kabanaran, sabab Ia ina' akan bakata dari diri'E sandiri'; tapi hal ahepun nang di dangar, Ia akan sampeatn hal - hal nyian; lalu Ia akan ngumuman ka kita' hal - hal nang anae. ¹⁴ Ia akan muliaatn Aku, sabab Ia mao' naap hal - hal nang jadalah milikKu lalu akan deklarasiatn hal - hal koa ka kita'. ¹⁵ Samua nang Apa' miliki' adalah miliki'Ku; sabab koa, Aku ngataatn kade' Roh mao' naap hal - hal dari milikKu lalu mao deklarasiatn hal - hal koa ka kita'. ¹⁶ Sadikit waktu agi', kita' akan nee' Aku ; aka' sadikit waktu agi' kita' nee' Aku. ¹⁷ " Lalu ada murite nang lain bakatai' sabayaatnne," Ahe me nyian nang Ia kataatn ka diri'," sadikit waktu agi' kita' nee' Aku; sabab Aku ampus ka Apa'? lalu aka' waktu nang sadikit agi' kita' nee' Aku,' lalu, sabab Aku ampus ka Apa'?" ¹⁸ Sabab koa kabatne bakata," Ahe nyian nang Ia kataatn," Sadikit waktu ? kami ina' nahui' ahe hal nang aia kataatn." ¹⁹ Yesus nee' kade' kabatne mao' batanyaa' ka Ia, jakata Yesus," Ahe ge' kita' nanyai' diri' kita' babaro tentang hal nyian , nang Aku kataatn, Sadkit waktu agi' kita' ina' neea' Aku agi'; aka' sadikit waktu agi', kita nee' Aku? ²⁰ Sasungguhe, Aku bakta ka kita', kita' pasti nangis ba basedih, tapi dnia akan ka repoatn; kita' akan sedih lalu, tapi kasadihatn kita' akan barubah jaji sukacita. ²¹ Nang bini basedih waktu ia kasakitatn baranaka', tapi aka' ia baranak, ia ina' ingat agi rasa sakit waktu baranak, soale rasa repoe nee' kamuda'e udah atakng ka dunia. ²² Ayakoalah kao saat nyian ngalami' pandaritaan uga', tapi aku mao' namui' kao agi' lalu atinyu akan basukacita, lalu ina' ada seko'pun nang mao' naapa' sukacitanyu koa darinyu. ²³ Waktu arikoa, kao ina' akan nanyaan ahepun ka Aku, Sasungguhe, Aku bakata ka kao, ahepun nang kao minta' ka Apa'Ku daapm damaKu, Ia pasti mareatn ka kao. ²⁴ Sampe angkitn, kao nape' paranah minta' ahepun daapm damaKu, Minta'lah, lalu kao pasti narima' biar sukacitanyu bainsi' " Kamanangan atas Dunia ²⁵ "Aku udah ngataatn hal - hal nyian pake parumpamaan, waktue akan atakng waktu Aku ina' agi' bakata ka kao ba parumpamaan, tapi ba kata ka kao sacara batarus tarang tentang Apa'. ²⁶ Waktu arikoa, kao akan minta' daapm damaKu, lalu Aku ngataatn ka kao kade' Aku doakan Ia, ka Apa' untuknyu. ²⁷ Sabab, Apa' sandiri' ngasihi' kao soale kao udah ngasihi' Aku lalu picaya' kade' Aku atakng dari Apa'. ²⁸ Aku barasal dari Apa' lalu udah atakng ka dunia; angkitn, aku ningaatn dunia lalu puakng ka Apa' ". ²⁹ Murit -murite bakata," Nah, angkitn Kita' bakata tarus tarang lalu ina' pake parumpamaan agi'. ³⁰ Angkitn, kami nahui' kade' Kita' nahui' sagala sasuatu lalu ina' paralu urakng batanya kade' Kita' atakng umpat ka Apa'. ³¹ Yesus nyawab," kabatne," Picaya' ge' kao angkitn? ³² Tee'lah waktue mao' atakng, bahkan udah atakng ka kao untuk dicarai baraiatn, masing - masing puakng ka tampat asale babaro lalu mao' ningaatn Aku babaro. Aku ina' akan bababro soale Apa' ada basamaKu. ³³ Samua nyian Aku ngataatn ka kao biar ka daapmKu, Kao miliki' damai sajahtara. Ka dunia, kao akan ngalami panganiayaan, tapi kuatatn atinyu! Aku udah ngalahat dunia!"