¹ Angkitn ada urakng nang badama Lazarus rongko'. asale umpat ka Betania kampokng Maria ba Marta adi' - baradi'e. ² Maria ngalap paha Jubata Yesus pake minyak mur lalu ia ngalap ba buuke, soale adi'e baradi'e Lazarus agi' sakit. ³ Lalu adi' baradi'e ngiripm pasatn ka Yesus, katae," Jubata, tee' urakngv nang kita' kasihi' rongko' ." ⁴ Waktu Yesus nangar Ia bakata," Sakite nyian ina' barakhir sampe matia', tapi sabanare nyian untuk kamliaan Jubata Panampa' biar AnakE bisa dimuliaatn malalui' Ia. ⁵ Yesus ngasihi' Marta, Maria ba Lazarus, ⁶ Waktu Ia nangar kade' Lazarus rongko', Yesus kahe dua ari agi' ka tampate koa. ⁷ Lalu aka' hal nyian Ia bakata ka murite," Ije'lah diri' asmpus agi' ka Yudea". ⁸ Para murite bakata ka Ia," Rabi, urakng Yahudi baru aja' nyoba nabaki' Kita', lalu kita' muaknga' agi ka naun. ⁹ Ja kata Yesus, " buke' me ada tarakng dua balas jam daapm saari? kade' urakng bajaatn waktu siakng ari ia ina' akan tarantuk, sabab ia nee' waktu ari siakng. ¹⁰ Tapi kade' ia bajaatn waktu maam ari ia tarantuk soale tarakng ina' ada ka ia. ¹¹ Yesus ngataatn hal - hal nyian, aka' Ia ngataatn hal nyian, Ia bakata ka kabatne, " Ayukng diri' Lazarus udah tatidur, tapi aku atakng biar bisa ngumpatatn nang tatidur. " ¹² sabab koa para murite bakata ka Ia," ubata kade' tatidur bararti udah tomo." ¹³ Sabanare Yesus ngomongan tentang kamatian Lazarus, tapi para murite bapikir sedang tidur di ngira istirahat. ¹⁴ Lalu Yesus ngataatn nang sabanare ka kabatne sacara tabuka," Lazarus udah mati." ¹⁵ Aku sanang, untuk kita' samua, kade' aku ina' barada ka naun biar kita' picaya'. Ije'lah diri' ampus ka ia." ¹⁶ Thomas nang disaru' uga Didimus, bakata ka ayukng - ayukng murite," Ije'lah diri' ampus biar diri' mati basama Yesus. ¹⁷ Waktu Yesus sampe, Ia namui' Lazarus udah ampat ari ka daapm tanah. ¹⁸ Sabanare Betany samak Yerusalem , kira - kira tiga kilometer kahe. ¹⁹ Manyak urakng Yahudi udah ataknng ka Marta ba Maria, untuk ngibur Ia, soale kamar kapalae nang dah mati koa. ²⁰ Lalu Marta. waktu ia nangar Yesus atakng agi, ia ngampusi' namui' Ia, tapi Maria masih duduk ka daapm rumah. ²¹ Lalu Marta bakata ka Yesus," Jubata kade' kita' ada kadian kamarkapalaku ina' akan mati. ²² Bahkan angkitn, akupun nahui' ahe nang kita' mintaa' dari Jubata Panampa' Ia pasti mare'i'. ²³ Yesus bakata ka ia," Kamarkapalanyu pasti umpat agi'. ²⁴ Martapun bakata ka Yesus," Aku nahui' kade' ia bangkita' ana waktu kabangkitan ari akhir. ²⁵ Yesus bakata ka ia," Akulah kebangkitan ba kaidupatn, barangsae nang picaya' ka Aku, biarpun ia udah mati, tapi ia akan idup". ²⁶ Lalu barangsaepun nang idup picaya' ka Aku ina' akan paranah mati. picaya'me kita' hal nyian?". ²⁷ Marta bakata ka Ia," Auk Jubataa aku picaya' kade' kita' adalah Yesus. Anak Jubata Panampa' Pamajadi, nang agi' atakng ka dunia." ²⁸ Waktu ia udah ngataatn hal nyian, ia ampus nyaru' kamarkapalae Maria. ia bakata ka maria," Guru ada kadian nyaru' Kita'". ²⁹ Waktu Maria nangar hal nyian, ia bijakak - bijak ampus ka Yesus. ³⁰ Yesus nape' masoki' kampokng tapi masih ka tampat Marta namui' Ia. ³¹ Lalu urakng - urakng Yahudi nang ba Maria nang ka daapm rumah nang agi' ngibur ia, waktu kabatne nee' bijak - bijak badiri lalu ampus, nunaan ia, kabatne ngira kade' Ia ampus ka patunuan mao' nagisa' ka naun. ³² Lalu Maria, waktu ia atakng ka tampat Yesus badiapm ia nee' Ia. Ba sujud ka pahaE lalu bakata ka Ia, jakatae," Jubata kade' kita' ada kadian kamarkapalaku ina' matiaa' ". ³³ Waktu Yesus nee' ia nangis, urakng - urakng nang atakng barage ia uga' nangis, Ia kadaapm rohE uga' sidi tagugah ba galisah. ³⁴ Ia batanya'," Dimae kita' nguringan ia?". Kabatne bakata ka Ia," Jubata atakngi' tee'lah," ³⁵ Yesus nangis. ³⁶ Lalu urakng - urakng Yahudi bakata," tee' sangahe manyake Ia ngasihi Lazarus!" ³⁷ Tapi ada nang lain dari kabatne bakata," Bisa ge' urakng nyian, nang muka' mata urakng buta', bisa uga' minjawat urakng nyian ina' mati?" ³⁸ Akhire Yesus agi' nang sidi tagugah kadaapm atiE babaro, ampus ka patunuan koa adalah sabuah goa, di nutupi' sabuah batu. ³⁹ Ja kata Yesus," Buokatnlah batu nyian," Maria, kamarkapala Lazarus, nang da mati koa, bakata ka Yesus," Jubata, saat nyian tubuhe udah buruk, soale ia mati udah ampat ari. ⁴⁰ Yesus bakata ka ia," Buke' me aku udah bakata ka kao," Kade' kao picaya',kao pasti nee' kamuliaan Jubata Panampa'. ⁴¹ Maka kabatne muokatn batu koa. Yesus ngangkat kokotE lalu bakata," Apa', Aku batarima' kasih ka kita',sabab kita' udah nangaratn Aku. ⁴² Aku nahui' kade' kita' udah nangaratn Aku. Tapi sabab urakng nang manyak nyian nang badiri ka sakalilinganKu jadi ngataatn nyian, biar kabatne picaya' kade' kita' nang ngutus Aku. ⁴³ Aka' Ia bakata ayakoa," Ia lalu ngampak nyarekng," Lazarus muoklah." ⁴⁴ Urakng nang mati koa lalu muok, kadua kokot ba pahae tabungkus kaikng kapan, muhae tabungkus ba kaikng. Yesus bakata ka kabatne," Bukai' pamungkuse lalu biaratn ia ampus." ⁴⁵ Lalu manyak urakng Yahudi nang atakng ka Maria, nee' ahe nang Yesus pambuat, lalu picaya'. ⁴⁶ Tapi sangahe urakng nang dari kabane ampus ka urakng Parisi nyampeatn hal - hal nang Yesus pambuat. ⁴⁷ Lalu para Imam kapala ba urakng Parisi bakomo' basama lalu bakata," Ahe nang arus diri' pambuat? urakng pambuat manyak tanda. ⁴⁸ Kade' diri' miaratn urakng nyian , samua pasti manyak nang picaya' ka Ia, urakng Romawi pasti atakng mao' ambil alih baik tampat diri' mao'pun bangsa diri'. ⁴⁹ Tapi, ada seko' dari kabatne, Kayafas, nang adalah imam besar tahutn koa, bakata ka kabatne," Kao ina' nahui' ahe - ahe. ⁵⁰ Kao ina' nee'' kade' nyianlah panyalidikan untuk kao kade' seko' urakng arus mati untuk umat daripada saluruh bangsa jaji binasa. ⁵¹ Sabanare ia bakata ayanyian buke atas dasar kamao'anne babaro, tapi malainkan sabagai imam besar tahutn koa, ia banubuat kade' Yesus kade' arus mati untuk bangsa, ⁵² lalu buke' untuk bangsa saja', tapi biar Yesus bisa uga' ngumpulatn samua jaji sote' anak - anak Jubata Panampa' nang tasabar ka samua tampat. ⁵³ Jaji arikoa ba sataruse kabatne ngarancanakan ayamae munuha' Yesus. ⁵⁴ Yesus ina' agi' bajaatn sacara bebas ka antara urakng - urakng Yahudi, tapi Ia barangkat dari naun ka daapm negeri samak padang gurun ka suatu kota nang sabut Efraim. Kanaun Ia diapm ba na' para muriTe. ⁵⁵ Angkitn paskah urakng - urakng Yahudi udah samak, manyak urakng ampus ka Yerusalem ka luar negri koa sanape paskah biar nyuciatn diri'e babaro. ⁵⁶ Kabatne agi' ngagoi' Yesus, baromong ba nang laine salagi' kabatne duduk - duduk ka rumah ibadah," Ahe pandapatnyu? kade' ia ina' atakng waktu parayaan koa?" ⁵⁷ Sabanare para imam kapala ba para Parisi udah mare' parentah kade' ada nang nauan Yesus diapm, ia arus malapor biar kabatne bisa nangkap Yesus.