¹ Dari Simon Petrus,amba ba rasul Yesus kristus, ka mereka nang basama-sama ba kami namu iman karna kaadilatn Allah ba Juruselamat diri'k Yesus Kristus. ² Kasih karunia ba damai sejahtera ngalimpahi'k kao karna panganalatn akan Allah ba akan Yesus,Jubata diri'k. ³ Karna kuasa ilahi-He udah nganugerahatn ka diri'k sagala ahepun nang baguna untuk idup nang taat oleh panganalatn diri'k untuk Ia,nang dah nyaru'k diri'k dikuasa-E nang mulia ba ajaib. ⁴ Ba maraga koa Ia udah nganugrahatn ka diri'k janji- janji nang baraga ba nang paling aya'k, biar dihe kao muih naap bagiatn daapm kodrat ilahi,ba luput dari hawa nafsu duniawi nang binasaatn dunia. ⁵ Justru karna koa kao harus basungguh-sungguh barusaha untuk nambahatn ka imannyu kabajikan,ba kabajikan pangatahuan, ⁶ Ba untuk pangatahuan panguasaatn diri'k,ka panguasaatn diri'k ketekunan,ba ka katekunan kesalehatn ⁷ ba kakasalehatn kasih akan kamaru'k-kamaru'k, ba ka kasih akan kamaru'k- kamaru'k kasih akan samua urakng. ⁸ Karna kade'k samuae koa ada kakao dengan balimpah-limpah,kao pasti iya pinjawat jaji giat ba bahasil daapm panganalatn nyu akan Yesus Kristus,Jubata diri'k. ⁹ Tapi barangsae ina'k miliki'k samuae koa, ia jaji buta'k ba picik, karna ia kopaatn, kade'k dosa-dosae nang dee dah dingapus. ¹⁰ Karna koa, kamaru'k-kamaru'k, barusahalah sungguh-sungguh, biar panggilan ba pilihatn nyu mangkin teguh. sabab saumpama kao ngalakukania, kao ina'k akan pernah tarantuk. ¹¹ Dengan ayanyian ka kao akan dikaruniaatn hak penuh untuk taama'k kakarjaan kekal, yakoa Kerajaan Jubata ba Juruselamat diri'k, Yesus Kristus. ¹² Karna koa aku senantiasa bamaksut ngingati'k kao akan samuae koa, sakaipun kao udah nauan ba dah kuat daapm kabanaratn nang udah kao narima'k. ¹³ Aku anggap sabagai kawajibpatn ku untuk tatap ngingati'k kao akan samuae koa salama aku nape'k ngalapasatn kemah tubuh ku nyian. ¹⁴ Sabab aku nauan, kade'k aku akan segera ngalapasatn kemah tubuhku nyian, sabagaimae nang udah dimare'knauan kaaku di Yesus Kristus, Jubata diri'k. ¹⁵ Tapi aku akan barusaha, supaya uga'k saudah aku dari ana kao salalu ingat kasamuae koa. ¹⁶ Karna diri'k ina'k ngikuiti'k curita-curita isapan jempol manusia, waktu kami mare'knauan kakao kuasa ba kaatangan Jubata diri'k, Yesus Kristus sabagai raja, tapi kami adalah saksi mata dari kebesaran-Ne. ¹⁷ Kami nyaksiatn,ayamae Ia narima'k kahormatatn ba kamuliaatn dari Allah bapa, waktu atakng ka Ia suara dari Yang Mahamulia, nang ngataatn:"Nyianlah Anak nang Kungasihi'k,ka- Ia lah Aku berkenan." ¹⁸ Suara koa kami nangar atakng dari Sorga, waktu kami basama-sama ba Ia ka atas bukit nang Kudus. ¹⁹ Dengan ayanyian kami mangkun dinguatatn di firman nang udah dinyampeatn di na'k nabi. Alangkah baike kade'k kao maratiatnia sama aya maratiatn lampu nang bacahaya ka tampat nang galap sampe fajar menyingsing ba bintakng timur tarabit basinar ka daapm atinyu. ²⁰ Nang tarutama harus kao nahui'k, koa kade'k nubuat-nubuat daapm Kitab Suci ina'k muih ditafsiratn menurut kamao'kan babaro, ²¹ Karna ina'k pernah nubuat atakng dikehendak manusia, tapi di dorongan Roh Kudus urakng-urakng bakata atas dama Allah.