¹ Jou lahatala ulo na, Yesus Kristus Nisusuta na, Palulus ire Timotius Fale no ² Farumi smat Kolose ta derera Yesus, duk barakat Fare Ulou ta mafia mali Jou Lahatala Imali! ³ Waktu amame sembayang dor tarimakase nais Yesus Kristus Ni apai, ⁴ karana klonga Ulomeuta mafia lali Jou Yesus, Fare nimeu masiena mali smat lalo ⁵ Flonga abar mafia Ca Nu, Folela Fare Nimeu masia En, karana mawlango ahai ta basiap puis sorogai. ⁶ Abar mafia inpo tup ta mafia mali mewi, Farumi batang tae tlongai inpo tup ta mafia, Laisa meubena, ataga Bof karimah abar ta mafia, ta fduk barakat ta molongna ⁷ Animani deliba bena, Yesus Kristus Nisusu lai mali mewi, ngahnyo Patras, meFlonga abar mafia tae mali i. ⁸ Isutaga, "Fabinga Paulus Animam masie Regogoru ua. ⁹ Gabetina Wol tamalaen Wlongana, amak Folapa pei sembayange meu uma Dor lali Jou Lahatala I, inpomeu fikiran taBoflo Jouca Wloiamafia na ¹⁰ gabelaina, pei Famafia mali mali Jpuca Uhngona, Fasangnang Uloma peahaibe? Denabe duk ta mafia mali karajaan lolo? Fau bang Fikiran ta mafia lali Jou I ¹¹ Jou Ca nicicowal mali kawasa ta mafia na lolo npo meu, cicowal, Bof duk pikiran tan mlanga Fare tociai, mali sanmang ne lolo ¹² Pei syukur nais Jou lahatala i, Karana meu Tarima bagian warisan mali smat taktub tamafiana, Faru plangan na ¹³ Jou Yesus lalawe it mali kawasa iblis ca, Fare dirkait lali kawasa Yesus ta ni masie na ¹⁴ mali i, ite duk ampun mali riri sal-sal ne Dosana. ¹⁵ Yesus Jpou lahatala Ni Mefca denabe, temipana JouCa. Itauati mali Faremi tapei batang tae na ¹⁶ babak Farumi ahai tatem puis Sorogai, Fare alam tae lolo, Joulahatala tan npei ndemi. Ta tem fare ta tenpa, gagao ta mafia, kawasa pamanenta, Fare tat kakawasa na. Okosesi talalo itae pei melalui I Fare i na. ¹⁷ Alam papoto tae Inipacebe Imanato Fare okosesi tatpei tane, Fare I bena. ¹⁸ I Boboko i mali badan ca, ningalena Jemat ca. I benata mulaen, Fare in nmat temtuba mali ta. Mat-mat tane, Bo indadi ntuba mali Faremi I Tane. ¹⁹ Sabal pulahatala Ulolo mitubca tetian malis. ²⁰ Mali alam tae Fare puis Sorogai, Famaflosito, mpake nilaf-nilaf ts moraepa puis salibea nap. ²¹ Tatuba tane, meut toipa, gabe nimeu pikiran namayai tap pei lali Jou ca. ²² Tane Yesus Kristus Fama fio meuleto, npake nibada-nibada ca denabe m'mat, ndadi nie mairing tam totiai lali Jou lahatala i. ²³ Gabe, ulomeuma mtentenan, Fare Facicowal, Fice abar mafiaca, bo bisa nyowa ifa, ta Fabinga tp, mali Farumi alam papapo tae mi susulana Paulus. ²⁴ Yae kangela tane karna meu, tane yai senga io, Boi bang ahai tau kurang, mali jamat ca. ²⁵ Jou lahatala npo yai karajaan mali jemat, Boi yaifam nye Jou Ca ni mau-mauting na totiai. ²⁶ Jaman tatuba smatna langa paube. Jaman tae Jou Ca nisislelana longato ²⁷ Jou lahatala Uloma, Fabinga bena Abar mafia tae mali smat tenesa bena Bot to Yesus imali sili bena. ²⁸ Amak Fabinga Yesus mali smat na i, Togornebenat, kajar ne smat donabe ndadi smat mafia mali Yesus. ²⁹ Gabetina, yabena usaha Facicowalya sesuai nikuasana mali yai.