¹ Inda he au rasul ? Inda he au halak na bebas ? Inda he au nadung mangaligi Yesus Tuhan tai ? Inda hamu ima hasil ni karejongku dibagasan Tuhan ? ² Sahali pe di halak naasing au inda rasul, tai di hamu au ima rasul, harana ngolumunu dibagasan ima kunci sian harasulonku. ³ On ma pambelaanku tu halahi na mangkaritik au. ⁴ Inda he halahi puna hak mangan dohot minum ? ⁵ Inda he hami puna hak marebau sadahalak dadaboru ni Kristen di bagasan pardalanan nami, songon nami baen ni rasul-rasul na asing dohot napaso-napaso ni Tuhan dohot si Kefas. ⁶ Ato hum au dohot si Barnabas sajope inda puna hak di palua sian karejo ni tangan. ⁷ Ise ma na unjung dohot dibagasan parporangan nadi biayai na sandiri ? Isema na manyuan kobun anggor naso mangaukon parbatuna susu ni biri-biri i ? ⁸ Aha na hundohon on, inda hum pikiran ni Jolma sajo, inda he tonai pe mandokon songoni? ⁹ Harana dibagasan ni hukum Musa, adong tertulis : ulang maho mangantahi panangan ni lombu na sedang manjarupal ! Lombu do lakna nadi parroahon ni Tuhan? ¹⁰ Ato hita do na didokon? Olo baen dihita ma anso di tulis. Ima pambajak musti mambajak anso mandapot, dohot panjampal musti manjumpal anso mandapat bagian na. ¹¹ Jadi molo hami madung manyambut tampang ni haporsayaan tu homu, marlobi-lobi di lakna, anggo hami manjadi hesil ni partibion sian homu? ¹² Angga halak na asing mampuna halak giot mangharobkon parkaro on sian homu, inda he hami namarhak lobi godang ? Tai hami inda mampargunahon hak nami i, sebalik na hami mananggung sude sanga na aha pe, anso ulang hami mambaen hambatan tu halahi mambaritahon Injil Kristus. ¹³ Inda he diboto hamu anggo halahi namakarejo di langgitan, mandapat bagian ni halahi sian langgatan. ¹⁴ Songoni muse ma Tuhan madung manotopkon, anso halahi na mambaritahon Injil, musti mangalu sian pambaritaon ni Injil i. ¹⁵ Tai au inda unjung man pargumahon sada pe sian hak nami i, gu inda manulis sude naon, anso au di baen juo songon on harana ay lobu ra mate asal ulang ! Botul, hagogoan ku inda bisa di suadahon ise pe juo ! ¹⁶ Harana anggo au mambaritahon Injil, au inda adong puna alasan anso mambangahon diri, harana liam anso kaharusan di au. Hancur ma au, anggo au inda mambaritahon Injil. ¹⁷ Anggo lumpamana au mangkarejohon manurut hagiotku sandiri, memang au marhak manarimo upa, tai harana au mangharejohon inda manurut hagiot ku sandiri, pambaritaan i ima tugas pangyelenggara nadi bobankon tu au. ¹⁸ Anggo songoni ahama upang Ku ? Upang ku ima : au tola mambaritahon barita nauli inda marupa. Dohot au inda mampargumahon hak ku songon pambarita nauli. ¹⁹ Harupe au bebas tu sude halak au manjadihon diringku babu ni sude halak. Anso au tola mamondongkon sabahat bahatna. ²⁰ Songoni ma tu halak Yahudi, au manjadi songon halak Yahudi anso au mamonangkon halak-halak Yahudi. Di halak na mangolu di toru ni tondi, au manjadi songon halak na mingolu di toru ni tondi, sahali pe au sandiri inda mangolu di toru ni tondi, anso au bisa iwamonangkon halahi mamangolu di toru ni tondi. ²¹ Tu halak-halak na inda mangolu di toru ni tonai, au manjadi songon endak na inda mangolu di toru ni tonai, sakali pe au inda mangolu di luar ni hukum Tuhan. ²² Tu halak-halak na lomah, au manjadi songon halak na lomah, anso au manyalamatkon halahi na lomah, tu sude halak, au madung manjadi sagala-galana, anso au sebisa-bisana mamonangkon sanga piga-piga halak di antara ni halahi. ²³ Sudena on hu karejohon hara ni Injil, anso au mandapot bagian di bagasan ni on. ²⁴ Inda he diboto hamu, bahaso dibagasan gunggang tawtaudingan sude pesertana dohot marlojong, tai anso hum sada halak sajo do na mandepat hadiah ? Harani i marlojong ma homu songoni anso homu mandapat sa. ²⁵ Satiop halak na dohot mambuat bagian dibagasan partandingan, manguasai dirina dibagasan sude matarjadi halahi mambaen nasongoni anso mandapat songon piala na fana, tai hita anso mandapat tarsongon piala na abadi. ²⁶ Harani i au inda marlojong naso adong tujuan dohot au inda partenju na sembarangan sajo mamukul. ²⁷ Tai au mangalatih badanku dohot manguasai sudena, anso dung mambaritahon Injil tu halak na asingi, ulang au sandiri di tulak.