¹ Jadi mengeranai mo Jesus mi kalak i, " Aku mendokken si tuhuna bamu. Lot ngo piga-piga kalak jelma si cender isen oda geut mate akum oda deng idah kerajaan Tuhan roh merdengan kuasa. ² Enggo kessa enam ari nola, iarehken Jesus nola mo si Petrus, Jakkobus, dekket si Johanes, iembah mo kalak i jae mi sada delleng sindatas. Gabe merobah mo rupa ni Jesus i jolo ni kalak i. ³ Pakken na pe cilo dekket mbuan kian, oda lot ise membaen i portibien gabr mbulan olis i. ⁴ Jadi roh roh mo mijolo mi kalak i, si Elia rebakken dekket si Musa, mengeranani dekket Jesus. ⁵ Gabe idok si Petrus mo mi Jesus, " Guru," toko kian ngo kuakap kami isen, tole mo tabahan tellu sapo isen, sada mo baMu, sada mi si Musa, sada nai mi si Elia. ⁶ Alana, si Petrus oda i bettoh mendok bakune ala karina kalak i mbiar. ⁷ Asa roh mo embun mengelenggemi kalak i, janah terbege mo sada sora roh i embun i nai, idok mo, " en mo anakKu sikukellengi. beggeken kene mo ia." ⁸ karangken nai mango, itengen kalak i bekkas i, oda ne lot ise rebbak kalak i, pellin Jesus nama. ⁹ Tikki susur kalak i i delleng i nai, iperintahkeb Jesus mo bi kalak i asa unang i paboa manang bai ise pe kade sini idah kalak i, kessa madeng anak ni jelma i keke sian tengah-tengah kalak si mate. ¹⁰ Ala ni i icekep kalak i ngo pengeranan i lako mi kalak i, dekket kuso-kuso kade ngo lapatenna, keke sian kematen i. ¹¹ I kusoi kalak i mo Jesus, kasa si bettoh patik mendok, si Elia perjolo roh? ¹² Gabe idokken Jesus mo mi kalak i, jolon ngo nemuken roh si Elia lako petokoken karina si lot. Katerra ngo terenget si tersurat kennah menahanken sindersa ngo anak ni jelma i dekkket terhina. ¹³ alai kudok mo bamu akum si Elia enggo ngo roh, ibain kalak imo kade si lemmo ate ni kalak i, bage si tersurat terenget ia. ¹⁴ Tikki, Jesus, Petrus, Jakobus, dekket Johanes mulak lako mendapetken dengannna si sisean i, dekket si bettoh patik mersoali dekket kalak i. ¹⁵ Enggo kessa, idah jelma si pulung i Jesus, tersengget mo kalak i janah melojangi menjumapai Jesus. ¹⁶ Jadi, Ikusoi Jesus mo kalak i, kade ngo perubaten ndenei dekket si bettoh surat i? ¹⁷ Sakalak sian jelma si pulung i mengalusi Ia, Guru, lot kuembah dukakku daholo baMu ala ia i masuki tendi membaen ia gabe bisu. ¹⁸ Enggo kessa masuk tendi i bana, igibal-gibalken ia mo dirina mi tanoh, janah merkup-kup babah na, epenna kumarutuk, goh mo dekket daging na. Kupengido ngo mi si sean mu lako pelausken tendi i, alai oda kalak i tellap. ¹⁹ Ialusi Jesus mo kalak i idokken mo, kene kalak si oda mer iman! sadike dekkah nai aku rebbak kene? sadike dekkah nai aku tahan rebbak kene? embah mo dukak mi baKu! ²⁰ Gabe iembah kalak i mo dukak i mi Jesus. Isi idah tendi i Jesus menter ikutur-kutur mo dukak i. Ndabuh mo dukak i mi tanoh dekket mergoling-goling babah na pe merkupkup, ²¹ Laus ikusoi Jesus mo Bapa ni dukak i, enggo sadike dekkah sakit i roh bana? ialusi mo, " mula ketek nai". ²² Enggo ngati iambongken tendi i ia mi api dekket mi lae lako mengagokensa. Alai nang pe bagi, molo boi ngo ibaen ko, maseh mo ate mu bai nami, urupi kami. ²³ Idok Jesus mo bana, molo dapet kono? karina ngo boi mi kalak si porsea. ²⁴ Tangis mo bapa ni dukak i, idok ia mo, " porsea ngo aku!" ²⁵ Isi idah Jesus mbue roh jelma pulung mi lambungna, isenggak ia mo tendi i idokkon mo bana, " kono tendi si bisu dekket tongkik, kudokkon bamu laus mo kono janah unag ne ko masuk bana". ²⁶ Enggo kessa mersuraki dekket iogor-ogorken dukak i daging na kellek kian, laus mo tendi i. Dukak ipe pas bagi simate gabe idokken jelma mbue i mo, " ia enggo mate"! ²⁷ Alai i cekep Jesus mo tangan ni dukak i lako mendungoi sa, gabe cender mo dukak i. ²⁸ Masuuk kessa Jesus mi bagasen sapo, ikusoi sisean nai mo Ia , " kasa kami oda boi pelausken"? ²⁹ Idok Jesus mi kalak i, " karina i oda teridah, kenah ngo i bagasen tangiang." ³⁰ Isi nai, laus mo Jesus dekket siseanna gabe i bellus kalak i mo luat Galilea. Janah unang memateken ise lot ki bettoh sa. ³¹ Ala naing iajari kerina sisean nai janah idok mo mi kalak i, Anak ni Debata naing ipesoh mi tangan jelmai, asa ibunuh. Enggo kessa ibunuh, tellu ari nai keke mo Ia. ³² Alai enggo pe bagi, oda ngo iattusi sisean i kata i, janah mbiar ngo kalak i kuso-kuso bana. ³³ Asa soh mo Jesus dekket siseanna mi Kapernaum. Enggo kessa soh Jesus mi " sapo" ikusoi mo siseannai, kade ngo siniranan ndene ndai itengah dalan? ³⁴ Alai gabe sip ngo kalak i, ala mersoali ngo kalak i i tengah dalan terenget ise ngo kalak i simbelgahna. ³⁵ Gabe kundul mo Jesus janah idiloi mo siseanna si sippuludua kalak i, jadi idokkon mo mi kalak i, manag ise geut jadi siperjolo, kennah geut ngo ia jadi siperpodi kian sian karina na, dekket lako mengkebasi mi karina ulan. ³⁶ Janah iarahken Jesus mo sakalak dukak-dukak, ipecender mo dukak i i tengah-tengah. Ikerpi mo dukak-dukak i, idok mi kalak i kerina, ³⁷ Manang ise geut menjalo manang mengarahken dukak-dukak en merkiteken gerarKu, menjalo aku ngo i. Dekket manag ise pe si menjalo Aku, si nijalona, menjalo sikusuruh aku i ngo ia isi. ³⁸ Idok si Johanes mo mi Jesus, Guru, lot kuidah kami jelma pelausken begu merkiteken gerarMu, gabe oda kudue kami, ala oda kalak i mengekutken kita". ³⁹ Alai idok Jesus mo, unang i halangi kene, alana oda lot jelma si mengulaken mende merkite-kite gerar-Ku, dapet nola ia mengerehei aku. ⁴⁰ Alana manang ise oda mengalo kita, karina i gabe denganta. ⁴¹ Alana Aku mendokken si tuhuna bamu, manag ise mengelean bamu samangkuk lae ala iekutken kene Kristus, oda ngo gabe mbalang upahna. ⁴² Manang ise sambing membain sada sian dukak-dukak si ketek en, si enggo porsea baku gabe merdosa, tokon mo tokon mo i baein sada batu penggilingen igantungken i kerahongna janah iambongken mi laut. ⁴³ Jnaha molo tangan mi membaen kono merdosa, gettapken mo tangan mi. Tokon mo ko masuk mi dalan kegelleuhen mertangan sada, asa unang duana tangan mi masuk mi naroko, mi bagasen api si oda geut mentep. ⁴⁴ Bekkas olong si oda geut mate dekket apina oda geut mentep. ⁴⁵ Molo nehemu membain kono merdosa, gettap mo nehemi. Tokon mo sada nehe mu lako masuk mi surgo, unang pala dua na nehe mi iambongken mi naroko. ⁴⁶ Bekas olong si oda geut mate, dekket apina oda geut mentep. ⁴⁷ Alai molo matamu ngo membaen kono merdosa, cokil mo matami. Tokon ngo sada matamu lako lako masuk kono mi Kerajaan Tuhan dari pada dua na matamu ibenterken mi naroko. ⁴⁸ Bekas olong si oda geut mate, dekket apina oda geut mentep. ⁴⁹ Alana karina jelma ngo naing isirai dekket tendi, ⁵⁰ Mende ngo sirai, alai molo oda masin sirai, katerra ibaen ko asa mersira nola? pakke mo sira i i bagasen dirimu dekket merdame mo ko mi denganmu.