¹ Jesus masuk mi sada bekkas Sinagoge, i si lot sakalak tanganna mate serrap. ² Kalak i memperokaken Jesus naing mengidah, naing i pemalum Ia ngo jelma tikki ari sabat asa boi Ia iterjo kalak Ia. ³ Jesus mendokken mi jelma sitangan na simate serrap ndai " cendermo ko i tengah i ". ⁴ Baru i dokken Jesus mo mi kalak i " oda ngo boi maing sitoko bak sinjahat ari sabat? kipeluah kessah manang kibunuh?" alai oda i aloi kalak i. ⁵ Itengen mo kalak i karina merdengan muruk. Marsak kian iakap ala ginjang roka ni kalak i, baru Jesus mengerana mi jelma sitanganna mate serrap i," doroken mo tangan mu, bak kalak ipe idoroken ia ma tangan na menter njuah mo tangan na i. ⁶ Alani i kalak Parise ndor laus, bak naing mersada taki bak kalak Herodian simengalo, bakune cara kibunuh Ia. ⁷ Alai, i pedaoh Jesus mo dirina bak akka siseanNa mi Dano, janah mbue kalak ikuta Galilea nai mengekutkenSa bagima i Judea nai. ⁸ I Jerusalem nai I Dumea, i kepar lae Jordan bak ikuta Tirus, i Sidon, mbue kalak itikki i membegeken karina si niulaken Jesus roh mo baNa. ⁹ Ala jelma mbue i, idokke Jesus mo mi siseanNa, asa i sediaken sada parau baNa asa unang i paksa-paksa Ia. ¹⁰ Ala enggo mbue kalak ipemalum Jesus, alai karina Jelma si lot sakitna merenjat-enjat asa boi ijamah Jesus. ¹¹ I tikki i tendi-tendi si mada toko mengidah Jesus, kalak i mersembah sujud i joloNa bak mersurak, ko ngo anak ni Debata. ¹² Alai i gerra kian ngo kalak i asa unang i bagahken ise Ia. ^{16 13} Baru, Jesus menangkeng mi uruk mengarahken mbue kalak sinikellengiNa asa naing rebbak Ia, bak kalak i pe roh baNa. ¹⁴ Ia memilih sepuluh dua kalak i asa boi rebbak-Sa bak Ia boi menuruh kalak i asa merjamita. ¹⁵ Bak i bereken kuaso naing pelausken sibolis. 16Jesus memilih sipuluh dua kalak i,Simon (i berre Jesus gerrar Petrus). ¹⁷ Jakkobus, anak Zebedeus bak Johannes sibeltek Jakkobus (Jesus kibere be kalak i gerrarna Boanerges, lapatenna " anak Guruh"). ¹⁸ Andreas, Filipus, Bartolomeus, Matius, Thomas, Jakkobus anak Alfeus,Tadeus, Simon kalak zelot, ¹⁹ bak Judas Iskariot simenjeheken Ia. ²⁰ Jesus masuk mi sada sapo, isi rengem jelma pulung, isi Jesus bak siseanNa sampai oda boi mangan roti. ²¹ Tikki ibege pamiliNa namasai roh mo kalak i naing merembah Jesus mulak ala idokken kalak i Ia odane waras. ²² Bak, sibetoh patik na susur i Jerusalem nai mendokken " Ia i selluki Beelzebul! " bak "Ia kipelaus sibolis merkiteken kuaso pemimpin sibolis?" ²³ I tenggoi Jesus mo kalak i asa roh bana mengerana bak kibain perumpamaan, katerra sibolis pelausken sibolis." ²⁴ Molo sada kerajaan terbagi-bagi mengalo dirina sendiri, kerajaan i oda boi tahan ndekah. ²⁵ bak, sada sapo terbagi-bagi mengalo dirina sendiri sapoi oda tahan ndekkah. ²⁶ Molo sibolis keke mengalo dirina sendiri bak terbagi-bagi ia oda mertahan, alai merujungmo ngelluhna. ²⁷ Sada poda boi masuk mi sapo jelma sigegoh apalagi kirampok artana, jolo ieketi mo sigegoh i, barumo sapoi boi i rampok." ²⁸ Situhuna ngo kubagahken bamu, karina salah anak jelma boi ngo i sesa, bak karina rehe-rehe sinidokken kalak. ²⁹ " Alai, ise si mengerehe Tendi sibadia oda nung i ampuni, alai mersalah ala dosa kekal". ³⁰ Alai, sibettoh Patik mendok, " Ia i selluki tendi simada toko." v ³¹ Baru, inang bak dedahen Jesus roh, cender i luar sapo i suruh kalak i mo sada kalak jelma lako mendiloi Jesus. ³² Mbue kalak i pulung mengkelilingi Jesus dekket kalak i mendokken baNa, " Tengen mo inang bak kaka anggimu i luar menulusi Ko". ³³ I dok Jesus mo be kalak i, " ise ngo inang dekket kaka anggiku"? ³⁴ Sidung i, itengen mo kalak si kundul simengkulilingi Ia mendok, " Tengen mo, en mo inangKu dekket dedahenKu! ³⁵ Manang ise simengulaken sinikelemoken ate Tuhan, imo kaka anggiKu daholi bak kaka anggiKu daberru dekket inangKu."