¹ I mulai Jesus mo merana bai kalak i i bagasen perumpaman." Lot sakalak jelma petureken saturpuk kobun anggur. Ipeture mo pagar i sakaliling nai, i palias mo sada lubang lako bekkas anggur naing si perohen, janah i pelias sada bekkas lako peresoken bekkas anggur nai. Sidung i, i bereken ia mo tahuma nai mi akka pengula janah laus mo ia i kuta nina i. ² Nggo kessa dapet peranin, isuruh mo sakalak lako mendahi pengula tahuma i lako menjalo perbagianen hasil anggur nai. ³ Alai itangkup kalak i jelma sisni suruh nai, janah ibunuh, iusir, janah oda lot kade i lean. ⁴ Sidung kessa i isuruh nola mo sakalak nai mendahi kalak i janah tong ngo ibunuhi, dekket ibaen kalak ingo dalan lako pamelaken. ⁵ Isuruh nola mo sakalak nai, alai tong ngo ibunuh kalak i. Nggo ngo mbue kalak ibaen kalak i bagi, lot ngo ipukkuli, lot ma ibunuh. ⁶ Lot deng ngo sada nai dukak sidasa kobun i sinikelengina. Idokmo bi anak ni asa laus mendahi simengula kobun i, kennah maharga ngo anak ki bai kalak i. ⁷ Alai, karina simengulaken kobun i mendok mi akka dengan na, en ngo dukak sidasa tahuma i. Tabunuh mo ia, karina kobun nai ta buat mo banta. ⁸ Itangkup kalak i mo, jala ibunuh, janah iambongken i kobun i nai. ⁹ Kade ngo naing ibaen sidasa kobun anggur i? kennah roh ngo Ia lako mengagoken simengula kobun anggur i, dekket membereken kobun i mi kalak si naasing. ¹⁰ Oda ngo nung ijaka kono ayat bukku sibadia batu siniambongken tukangi, imango jadi batu persoki. ¹¹ En mo perniulan Tuhan, perniulan membaen lenneng matana. ¹² Asa, mersada taki mo kalak i lako menangkup sa, alai mbiar ngo kalak lako bana, laus mo kalak i menadingken Jesus. ¹³ Isuruh kalak imo roh mendahi Jesus kalak Farise dekket kalak Herodian lako menambili Jesus merkite pengrananna. ¹⁴ Roh mo kalak i mendok bai Jesus, Guru ibittoh kami ngo ko sittong, janah oda ngo terjalo Ko rana jelma naasing. Alana, oda ngo ko menengen siniula kalak, alai ijarken Kono ngo dalan Tuhan merkiteken kesintongen. Sintong ngo menggarar pajak mi Kaisar manang oda? ¹⁵ Kennah ngo menggarar manang na oda menggarar? Alai nggo kessa i bettoh Jesus akkal ni kalak i, idokken mo, kasa i oji ko Aku? Embah mo baku sada dinar asa ku tengngen. ¹⁶ Iembah kalak i mo, ilean mo bia Jesus. Idok jesus mo bai kalak i, gambaren dekket surat nise ngo en? Ialusi kalak imo : Gambaren dekket surat Kaisar. ¹⁷ Idokkon Jesus mo bai kalak i, bereken mo bai Kaisar kade siroh bi Kaisar nai dekket bereken mo bai Tuhan kade si roh bai Tuhan nai gabe lengngang ngo kalak i bai Jesus. ¹⁸ Kalak Saduse, simendokkon oda lot keke ikematen nai, roh mendahi Jesus dekket kuso-kuso bana, ¹⁹ Guru! Isuratke si Musa ngo banta, molo sakalak jelma mate anggina daholi, menadingken inang dukakna janah oda merdukak, kennah roh ngo kaka nai lako membuat daberru i jadi inang dukakna asa lot pemparen ni abang na si enggo mate i. ²⁰ Lot pitu kalak merkaka kuanggi. Mengoli mo sikakan i, alai itikki mate ia oda deng lot menadingken dukak, ²¹ Gabe roh mo anggina membuat kaka nai gabe daberru na, alai mate mo ia, oda deng lot dukak na bagi ma ngo soh mi anggina sipetelluken. ²² Alai karina si pitukalak i mate, oda lot merdukak janah mate ma mo daberru i. ²³ Itikki keke, karina jelma ikematen nai gabe daberru nise ngo ia! alana, karina kalak i sipitu nggo memperdaberuken ia. ²⁴ Ialusi Jesus mo kalak i: oda ngo i membaen ke laling, alana oda nggo iattusi ke bukku siBadia dekket kuasa Tuhan? ²⁵ Enggo kessa keke kalak i ikematen nai,oda ne lot ise mrunjuk dekket sijahe. ²⁶ Alai gabe sarupa ngo kalak i dekket suru-suruan i surgo terenget jelma si enggo mate sinipakeke, oda i jaka ko bukku Musa, terenget mi rambah-rambah, katerra, Tuhan mengeranai mi si Musa. Aku nggo Tuhan si Abraham dekket Tuhan si Isak, dekket Tuhan Jakop? ²⁷ IA oda ngo Tuhan si enggo mate alai, Tuhan si gelluh ngo enggo ngo ia laling! ²⁸ Roh mo sada kalak sibettoh patik lako membegeken kalak ilako mersoali, ia mengidah Jesus mendemengalusi kalak i, ikusoi ia mo Jesus, kasa karinana kata i apaina ngo siperluna? ²⁹ Jesus mengalusi, en ngo hukum siperluna: begeken, kene kalak Israel! sada ngo kessa Tuhan. ³⁰ Ue i mo Tuhan i sian nasa pikkiren mu, rokamu, dekket karina gegoh mu. ³¹ En mo peduaken, kellengngi mo karina dengan mu bagi ko mengkelengngi diri mu. Oda ne ngo lot hukum si lebbih belgah isi nai. ³² Idokkon sibettoh patik i mo bai Jesus , sittong ngo ko Guru. Sittong ngo ko mendok kata mi tuhu ngo Tuhan i sada, janah enda ne lot ise nasing na. ³³ Dekket, mengkelengngisa sian nasa roka dekket karina perbinittohen, karina gegoh, dekket mengkelengngi karina dengan, bagi mengkelengi diri sendiri, ingo simbelgahna sian karina pelean. ³⁴ Enggo kessa idah Jesus kalak i mengalusi sian nasa rokana idokkon mo bana, oda ngo kono ndaoh i Kerajan Tuhan nai. Sidung kessai oda ne ngo lot ise kalak ki alusi Jesus. ³⁵ Tikki mengajari Jesus ijolo i, idok Jesus mo, idike nai boi si bettoh patik i mendok dukak si Daud ngo Kristus i? ³⁶ Mengeranai ngo si Daud ibagasen tendi sibadia, Tuhan mengeranai dekket Tuhanku: kundul mo ko i kamuhen ken asa kubaen karina aloku i terruh nehemu. ³⁷ Igerahi si Duad mo Kristus i,"Tuhan" katera nola mo Kristus idokkon dukakna? senang ngo roka jelma mbue i membegekensa. ³⁸ Ibagasen sini ajarkenna, Jesus mendokkon, mersimanat mo kene mendahiken sibittoh patik, singgeut merdalan-dalan simemake jubah dekket kasah menjalo penghormaten ibekkas siribur. ³⁹ Dekket kundul ibekkas siterhormat i bekkas jelma simerpulung. ⁴⁰ Kalak simembuati karina arta dekket sapo simerbalu dekket mertamiang oda sian rokana. Kennah jalon kalak i ngo hukumen sindersana. ⁴¹ Asa kundul mo Jesus ijolo bekkas persembahan dekket memperokaken kalak i pemasukken kepeng i bekkas persembahan i, mbue ngo jelma beak membakin mbue kepeng. ⁴² Lot mo sada simabalu simembaen persembahenna mi bekkas persembahan i dua keping logam, merharga sada sen. ⁴³ Iarahken Jesus mo siseanna i, idok mo: Kudokkon mo bai ndene situhuna tokon ngo sini bereken si merbalu pogos i, buen ngo i mertimbangken sinibain karina kalak sibeak. ⁴⁴ Alana kalak si beak i, lebbih-lebbih kinibeak nai ngo ibereken, alai sibeak i mengelean merkiteken kinipogosna, ai pelin ingo kessa artana.