¹ Kene kalak Galatia, simoto! ise ngo kibaen kene moto? oda lakni i idah kene Jesus Kristus isilangken i jolo ni jelma mbue? ² Lot sada kuso-kusongku bai ndene, geut ngo kono menjalo tendi dekket mengulaken bai ndene, geut ngo kono menjalo tendi dekket mengulaken Hukum Taurat ale ibegeken kono terenget pertendin? ³ Moto kian ngo kene? " ipungkahi ko merkiteken pertendin, alai isidungi kono merkiteken perdagingen. ⁴ Oda ngo merlapaten iakapken kono kinipersuk i? ⁵ Lot ngo ibereken tendi bamu, dekket membaen tanda kelengen bamu ala iulaken ko aturen dekket ibegeken kono merkite-kite tendi? ⁶ Dos bage si Abraham Ikoporseai ngo Debata, ingo ijujur membain ketigorenna. ⁷ Asa bettoh kene mo: kalak si porsea, ingo anak ni si Abraham. ⁸ Alai i bettoh surat i kin ngo, merkite keporseaon i ngo ipeluah Tuhan, kalak sipele begu, janah idokkenmi si Abraham ; merkite-kite kono dapetten pasu-pasu kerina Bangso. ⁹ Enpe, kalak si porsea ngo dapetten pasu-pasu sarupa mi si Abraham jelma si porsea i. ¹⁰ Ai kena torungo kalak si oda menguei patik, ai tersurat ngo i buku patik i dekket kenah iulaken. ¹¹ Asa tangkas mo bagendari; oda lot ise boi dapetten ketigoren i jolo ni Debata, bakinen ni patik i; alai gelluh ngo pertigor i i bagasen keporseaan! ¹² Alai oda ngo i keporseaan i nai patik i; ai si mengulakensa , ingo gelluh bakinen nai. ¹³ Itebus Kristus i ngo kita i bura i patik i nai, ala kena bura ngo Ia mengkep-kep kita, ai tersurat ngo: kenna bura ngo kalak sigantung i kayu! ¹⁴ Ai ibagasen Kristus Jesus, naing senggep mi kalak si pele begu. pasu-pasu sinijalo Abraham, asa merkiteken keporseaon ngo terjalo tendi sini bagah-bagahken nai. ¹⁵ Ale akka dengan, kulean ngo sigurunken ndene i bagasen gelluh si ganup ari; molo enggo isahken perjanjian i, oda lot ise boi lako mengose dekket menambahi mi perjanjian i. ¹⁶ Bagendari, terenget ni bagah-bagah sini dok ni Debata mi si Abraham dekket pepparenna. Oda ngo idok Debata " mi pineppar-pinepparna", ituduhken ngo mi si mbue pepparen dekket mi karina pepparanmu", kituduhken mi sakalak, imo Kristus. ¹⁷ Lapatenna, hukum patik si empat ratus tellu puluh tahun si enggo salpu, oda boi menondati perjanjin si enggo isahken Tuhan. Jadi perjanjin i oda boi i perso. ¹⁸ Molo panean ibakin mi hukum patik, ingo kibaen panean i oda ne ipemasuk mi perjanjin. Alai ipasu-pasu Tuhan ngo si Abraham merkiteken sada perjanjin. ¹⁹ Jadi, kasa lot hukum patik? hukum patik ibereken mi kalak simengelausi, pema roh pepparen, bage sini dok i perjanjin i. Patik i ibereken merkiteken suruh-suruhen. ²⁰ Alai suruh-suruhen i oda ngo laus mi sada kalak, ai sada ngo Debata. ²¹ Molo bagi, odango meralo patik ni perjanjin Tuhan? oda ngo meralo! alana hukum patik boi mengelean kegelluhen, jadi kesittongen i roh na i hukum patik i nai. ²² Alai, buku sibadia enggo mengkrungi karinana dekket jelma mi terruh dosa asa perjanjin i bagasen Kristus Jesus boi i bereken mi kalak si enggo porsea. ²³ Tikki oda deng lot tendi, itaban ngo kita merkiteken patik, itaban pema roh deng tendi si naing teridah. ²⁴ Ala ni i, patik ngo peroseken kita pema roh Kristus asa boi kita ipesittong dekket tendi. ²⁵ Bagendari tendi i enggo roh, oda ne ngo perlu banta hukum patik lako petureken kita. ²⁶ Ibagasen Jesus Kristus, kene kerina anak-anak Tuhan merkiteken pertendin. ²⁷ Kene kerina si enggo terdidi i bagasen Kristus si enggo menandai Kristus. ²⁸ Oda ne ngo lot kalak Jahudi manang kalak Junani, hamba dekket jelma sidapetten keluhen, daholi dekket daberru ala kene enggo ipersada ibagasen Jesus Kristus. ²⁹ Alai molo Kristus ngo sidasa ko, terdok ngo bana pineppar ni si Abraham dekket panean menekutken perjanjin.