1
Enggo kesa i, aku mengidah Dukak Domba cendekh ibukit Sion, bakhu lot ngo khebaksa 144 khibu jehma, si lot kimiliki gelakh Bapa-Na i pedempaken kalak idi'
2
Aku memegge sokha i sokhga nai bage sokha lae toko dekhas na deket bage sokha lenggur toko ngangna, tapi sokha si ku begge idi bage sokha kalak kimainken kecapi kalak i.
3
Kalak idi kilaguken hada lagu bakhu i hadepen takhta bagima i jolo empat makhluk idi, bagima deket i jolo tua-tua*. Otang lot hada kalak pe boi kipelajakhi lagu idi selain si sekhatus empat khibu jehma si enggo i tebus i bumi nai.
4
Kalak idi imo jehma-jehma si otang kinajisken dikhi deket dabekhu-dabekhu kumekhna kalak idi pekhjaka.Kalak idi imo jehma-jehma si mengekuti Dukak Domba bakhang mike pe Ia laus. Kalak idi enggo i tebus i antakha jehma sebagai buah-buah pekhtama bagi Allah deket Dukak Domba.
5
Otang lot bual i bagas babah kalak idi;kalak idi otang mekhsalah.
Pesan taba Tellu Malaikat Nai
6
Aku mengidah malaikat sideban tekhbang i tengah-tengah langit, mekhembah Injil*kekal lako i bekhitaken mendahi kalak sitading i bumi bagima mendahi kakhina bangsa, suku, bahasa deket kaum
7
Janah ia mekhcekhok mekhdengan sokha ngang, "Mekhkebiakhenmo mendahi Allah janah bekhekknmo kemuliaan mendahi-Ia kumekhna waktu peghakimen-Na enggo ngo khoh, sembahmo Ia sikiciptaken langit, bumi, laut, deket kakhina mata lae."
8
Bakhu, malaikat sideban, si peduaken, menusul janah mekhcekhok, "Mekhumpak, enggo mekhumpak tanoh Babel si mbelgah idi kumekhna ia enggo memaing kakhina bangsa mengenum anggur nafsu seksualna si bejat idi."
9
Bakhu, malaikat sideban, si peteluken, menusul malaikat si dua ndai, janah mekhcekhok mekhdengan sokha ngang, "Bakhang ise sambing kisembah binatang idi deket patungna, janah menjalo hada tanda i pedempaken atau tanganna,
10
kalak idi naing mengenum anggur murka Allah, si ituangken bak kegegohen dom mi bagas cawan murka-Na, janah ia pasti isiksa bak api deket belerang i hadepen malaikat-malaikat kudus bagima deket i hadepen Dukak Domba.
12
Enda mo ketekunen jehma-jehma kudus si kipelihara pekhintah Allah deket iman kalak idi ibas Isa.
13
Bakhu, aku memegge sokha i sokhga nai mendokken, "Tuliskenmo enda: Mulai bagendakhi, ibekhkatimo jehma mate, si mate i bagas Tuhan."Roh*mekhcekhok,"Benakh,asa ndokhok kalak idi mekhadi kumekhna kini leja kalak idi kumekhna pekhbuaten-pekhbuaten kalak idi mengekuti kalak idi." Bumi Iperani
14
Bakhu, aku mengidah hada hembun bettakh janah dogok i babo hembun idi bage hada kalak Dukak Jehma*,memakke mahkota emas ibabo takal-Na deket sabit* si tajem i tangan-Na.
15
Bakhu, malaikat sideban keluakh i Bait Allah nai, janah mekhcekhok deket sokha si ngang taba Ia si dogok i babo hembun idi, "Libasken mo sabitMu janah peranimo kumekhna waktu lako merani enggo khoh waktuna janah peranin si ibumi enggo ngo tasak."
16
Kekhnai, Ia si dogok i babo hembun melibasken sabit-Na mi babo bumi, janah tekhperani mo bumi.
17
Enggo kesa siap i, malaikat sideban keluakh i Bait Allah i sokhga nai, janah iape lot ngo sabit tajemna.
18
Bakhu, malaikat sidebanken nai, simekhkuasa i babo api, keluakh i altar nai*. Ia mekhcekhok mendahi malaikat si menjemak sabit tajem idi, "Libaskenmo sabitmu si tajem idi janah pepulungmo gugusen buah anggur i batang anggur si i bumi nai.
Kekhna idi, ilibasken malaikat idi mo sabitna mi bumi janah i pepulungmo gugusen buah anggur i batang anggur si lot i bumi janah i ambongkenmo mi bagas batu kilangen mbelgah ngo Murka Allah.
20
Kiperroh buah anggur idi i baing mo i luakh kota, janah keluakh mo dakhoh i bagas alat pemeras anggur idi nai kikha-kikha datesna bage kekang kuda janah gedangna sekhibu enem khatus stadia.