¹ Bagendakhi tentang pekhpulungen kepeng taba jehma-jehma kudus, bainkenmo susue bak petunjuk-petunjuk si ku bekhekken taba jemaat Galatia. ² I wakhi pekhtama setiap minggu, kena masing-masing salah hada ki pejae silot janah simpanken mo sesuai bak si i bahanken kona asa ulang enggo kesa aku khkoh bakhu mo i baingkenko pekhpulungen. ³ Enggo kesa aku khoh, aku naing kisukhuh kalak idi, bakhang ise si isetujui kona, isekhtai bak sukhat-sukhat lako ki embah pemekheken mu mi Yerusalem. ⁴ Janah, ukum sepatutna aku pe laus, kalak idi naing laus khebakku. Khencana Pekhdalanen Paulus ⁵ Tapi, aku naing khoh mendahi kona enggo kesa aku melewati makedonia kumekhna aku bekhmaksud lako ki lewati makedonia. ⁶ Bakhu, mungkin aku naing tading khebakmu atau mengkekhiken waktu sedekah musim mbekhgoh asa kona boi kibantu aku ibagas pekhdalanenku ⁷ Kekhna, aku otang sekel mengidah bagendakhi hanya sepintas lalu. Aku mekhhakhap piga-piga wakhi tading khebak kona, ukum Tuhan mengijinken. ⁸ Tapi, aku naing tading i Efesus sampai wakhi pentakosta, ⁹ Kumekhna, pentu si mbelang i lako ki kekhejoken pekekhejon si penting ngo enggo ego tekhbuka taba aku bellipe lot ngo dom si mekhlawanen ¹⁰ Bagendakhi, ukum khoh Timotius, pekhdateken mo ia asa ulang mbiakh ia enggo kesa khebak kona kumekhna ia memaingken pekekhejon Tuhan, dos bage aku. ¹¹ Jadi, ulang lot jehma ki tengen ia khendah, ukhupi mo ia ibagas pekhdalanen na mekhdengan damai asa ia boi khoh mendahi aku. Aku mema ia deket senin-senina si lot isenda. ¹² Bagendakhi, tentang senina kita Apolos, mekhtuhu-tuhu ngo aku kipesulak ia lako kidahi kona khebak senina-senina sideban, tapi soh bagendakhi otang geut ia khoh. Ia naing khoh ukum lot kesempaten. Salam Penutup ¹³ Mekhjaga-jagamo, teguh moko cendekh ibas iman. Mekhtindak mo bage dahuli janah jadi mo kuat. ¹⁴ Belli mo kakhina si i kekhejoken kona idi, ibahanken kumekhna kelleng. ¹⁵ Aku kipaksa kona, senina-senina, (ibetoh kona ngo kkumekhna kakhina isi hapo si Stefanus imo buah-buah si pekhtama i Akhaya, janah kalak idi enggo ki abdiken dikhi kalak idi lako pelayanen jehma-jehma kudus), ¹⁶ Asa kona pe tunduk mendahi jehma-jehma si bagen enda bagima mendahi kakhina jehma si kekhejo khebakken bak si mekhleja-leja. ¹⁷ Aku mekhlolo ate kumekhna pekikhoh Stefanus,Fortanus, deket Akhaikus kumekhna kalak idi enggo melengkapi kade si kukhang ibagas dikhi mu nai. ¹⁸ Kumekhna, kalak idi kipesenang Ruhku deket Ruhmu. Kumekhna idi, hakhgai mo jehma-jehma sibagidi i. ¹⁹ Jemaat-jemaat i Asia kipesoh salam mendahi kona.Akwila deket Priskila kipesoh salam hangat Tuhan mendhi kona, khebakken deket jemaat silot isapo kalak idi. ²⁰ Kakhina senina si isen menggikhim salam taba kona. Dokken mo salam mi hada kalak deket sidebankenna mekhdengan cium kudus. ²¹ Aku Paulus, menulis salam enda bak tangan ku sendikhi. ²² Ukum lot kalak otang mengkekellengi Tuhan, tekhkutuk mo ia. Oh Tuhan, khoh moko! ²³ Anugkhah Tuhan Almasih ki sekhtai kona. ²⁴ Kellengku ki dengani kona kakhina ibagas Isa Almasih. Amin.