¹ Ukum aku boi mekhcekhok bak bahasa-bahasa jehma deket pakha malaikat, tapi otang lot kasih, aku imo dos bage gong si mekhsokha deket camang si gemekhincing. ² Ukum aku mekhsidasa kakhunia mekhnubuat janah memetoh kakhina khasia deket kakhina pemetohen, janah ukum aku mekhsidasa kakhina iman lako kipindahken delleng-delleng, tapi otang lot kelleng, aku otang ngo boi mekhade poda. ³ Mella aku memekhekken kakhina hakhta ku lako memekkhe mangan taba kalak si miskin, deket kisekhahken daging ku lako i tutung, tapi otang lot kelleng,cituk poda lot gunana idi kakhina bangku. ⁴ Kelleng idi mo mekhsabakh, janah mekhcekhep ate, kelleng idi otang cembukhu, otang ki banggaken dikhina, janah otang sombong, ⁵ Otang ngo memaingken si otang pantas, otang menulusi kepentingn dikhina sendikhi, otang dokh mekhgekhah ate, otang ki menulusi kesalahen jehma sideban, ⁶ Otang mekhlolo ate ibabo si otang benakh, tapi mekhlolo ate khebak kebenakhen. ⁷ Kelleng isanggup menahan kakhina hal, kipekhcayai kakhina hal, kihakhapken kakhina hal, janah sabakh kitanggung kakhina hal. ⁸ Kelleng idi otang pekhnah habis. tapi,mella lot nubuaten-nubuaten, naing ibaing jadi otang lot; ukum lot bahasa-bahasa, naing ipekhadiken, janah mella lot pemetohen, naing i lenyapken. ⁹ kumekhna, kita memetoh sebagien sambing janah mekhnubuat sebagien sambing. ¹⁰ Tapi, enggo kesa khoh si sempukhna idi, si sebagien idi naing i binasaken. ¹¹ Sendekhang aku anak-anak deng, aku mekhcekhok bage anak-anak, aku mekhpikih bage anak-anak, janah mekhhetong-hetong bage anak-anak, enggo kesa aku mbelgah, aku menadingken hal-hal sibage anak-anak idi. ¹² Kumekhna bagendakhi kita meningin ibagas cekhmin secakha samakh-samakh, tapi laus na abe mekhadu abe. Bagendakhi, deba ngo kesa ku tandai, tapi laus na ku tandai ngo kakhina, bage aku si enggo i tandai sepenuhna na. ¹³ Jadi, bagendakhi si tellu hal enda sekenah ienget janah tong mekhian, imo iman, penghakhapen, deket kelleng; tapi si mbelgah na i antakha si tellu i imo kelleng.