¹ Balalu, Yesus kaeau ma ulun rama andri kawan murid-Ni, ² "Kawan ahli Taurat andri kawan ulun Farisi maharung hang kurusi Muses. ³ Daya yiru, katuluh hal,sa hene haut here kaeau ma hanyu, alut leh. Kude, ada ngulah inun sa naulah here daya here ngajar, kude puang nampalus ajaran ni. ⁴ Here nuruk kawan beban sa maweat nganak hang papale ulun lain. Kude, here raerai puang hakun mindahni andri kingking here. ⁵ Here ngulah katuluh kawan gawian here napan na dinung ulun. Here ngampihante kawan baju sambayang nelang ngampi amau kawan rumai iring jubah here. ⁶ Here katuju unengan sa paling maeh hang uneng pesta, unengan maharung paling muka hang uneng sembahyang, ⁷ Here sanang na hormat daya ulun hang unengan umum, na antuh Rabi 'Guru daya kawan ulun. Kude, hanyu ada na antuh rabi daya ekat isa Gurunu, dan naun katuluh ipulaksanai. ⁹ Ada ngantuh hiepun jari amahnu hang dunia yina daya isa ai Amahnu, hanyeyiru Hanye sa hang surga. ¹⁰ Ada pada hanyu na antuh pemimpin daya isa ai Pemimpinnu, hanyeyiru Kristus. ¹¹ Kude, sa palaing hante hingka penah naun, haruslah hanye jari pelayan . ¹² Hie sa ngampamau dirini sagar na sanranah nelang hie sa marannahkan dirini sagar naampiamau. ¹³ Salaka naun, kawan ahli Taurat andri kawan ulun Farisi, kawan ulun tukang ba pura-pura! Naun nutup wawanawang Karajaan Surga ma kawan ulun daya naun raerai puang masuk balalu pada mahalang here sa kai masak lepuh masuk. ¹⁴ Silaka naun, o kawan ahli Taurat andri kawan ulun Farisi, kawan ulun pura-pura maeh! Naun nipu ngakal kawan wawei walu balalu nutup kawan ulah gawi hala andri ngulah lakudua sa amau. Daya yiru, naun akan narime hukuman sa weat. ¹⁵ Silaka naun, kawan ahli Taurat andri kawan ulun Farisi, kawan ulun tukang pura-pura maeh! Naun lawit tulak nyabarang laut nelang nanang litar tane ekat pakai ulun masuk agamanu. Kude, dami hanye haut uma naun, naun ngulah hanye anak naraka, rueh kali lipat jahat tika naun raerai. ¹⁶ Salaka naun, kawan pamimpin sa pehe, 'Hie sa basumpah andri ngantuh Lewu Alatalla, yiru puang uweng artini. Kude, hie sa basumpah ngantuh amas Lewu Alatalla, hanye ireket daya sumpahni ru.' ¹⁷ Naun, kawan ulun budu pada sa pehe! Saawe sa paling hante, amas atau Lewu Alatalla sa ngulah amas ru barasis? ¹⁸ Kude, 'Hie sa basumpah ngantuh altar, sumpah yiru puang uweng artini. Kude, hie sa basumpah andri ngantuh parapah hang amau mezbah yiru, hanye taikat andri sumpahni yiru.' ¹⁹ O naun kawan ulun pehe! Saawe sa paling hante,parapah atawa mezbah sa ngulah parapah yiru barasis? ²⁰ Daya yiru, hie sa basumpah andri ngantuh mezbah, berarti basumpah andri ngantuh mezbah andri katuluh sa naan hang amauni. ²¹ Kamulek, hie sa basumpah andri ngantuh Lewu Alatalla, berarti hie sa basumpah andri ngantuh Lewu Alatalla, nelang ngantuh Alatalla muneng hang wuangni. ²² Amun, hie sa basumpah andri ngantuh surga, basumpah andri ngantuh pidudusan Alatalla, nelang ngantuh Hanye sa maharung hang amauni. ²³ Silaka naun, kawan ahli Taurat andri kawan ulun Farisi, kawan ulun papura maeh! Naun ngami persepuluhannaun hingka salisih, rarampah adas manis andri jintan, kude puang memperhatikan hal sa lebih weat hingka Hukum Taurat, hanyeyiru keadilan, lelu ahi, andri iman. Hal yina sa harusni naulah daya naun andri puang nangkurang sa lainni. ²⁴ Naun kawan pemimpin pehe, nyaring mamu teka uuten naun kede nelen erangkaukui unta. ²⁵ Silaka naun, kawan ahli Taurat andri kawan ulun Farisi, kawan ulun papura maeh! Daya, naun ngabarasis kawan luar galas andri piring naun, kude hang wuang ni penu andri iuh naun marampas andri kasarakahan. ²⁶ Naun, kawan ulun Farisi sa pehe! Barasis dahulu hang wuang sangkir andri piring, maka hang luarni pada jari barasis. ²⁷ Silaka naun, kawan ahli Taurat andri kawan ulun Farisi, kawan ulun papura maeh! Daya, naun sameh ialah kuburan sa na cat mahilak, hang bagian luar ni na dinung maeh, kude hang bagian wuang ni penu andri kawan taulang ulun matei andri katuluh kenajisan. ²⁸ Kairu pada andri naun, pada hang bagian luar naun na dinung bujur daya murunsia. Kude, hang bagian wuang naun penu andri papura maeh andri kajahatan. ²⁹ Silaka naun, kawan ahli Taurat andri kawan ulun Farisi, kawan ulun papura maeh! Daya, naun ngulah pasaran sa maeh ma kawan nabi nelang nangkaeh kawan tugu kawan ulun sa welum ni maeh, ³⁰ balalu kaeau, 'Amun kami welum hang jaman datu nini kami sadi, kami puang sagar uma here munu kawan nabi.' ³¹ Andri kalayiru, naun mangaku bahwa naun katurunan here sa munu kawan nabi. ³² Amun kalayiru tampalus nelang sanyari kawan dosa sa haut na mulai daya datu nini naun. ³³ Naun, ulun jahat, keturunan ulun jahat, puang sagar naun kaiuh nyalamat tenga naun tika hukuman naraka? ³⁴ Daya yiru, dinung naun, Aku ngaheng ngirim kawan nabi, kawan ulun pintar marahati, pada kawan ahli Taurat ma naun. Papire kaulun hingka here akan na wunu balalu na balasangar daya naun, papire kaulun sagar na kahanangen daya naun hang wuang kawan lewu sambahyang, balalu na sasah hingka isa tumpuk matumpuk sa lain, ³⁵ nampan katuluh ira kawan ulun sa puang hala sa haut tundrak ma tane sagar na tangung daya naun, mulai hingka ira Habel, ulun sa puang ba hala yiru, hampe ma ira Zakharia, anak Berekhya, isa na wunu daya naun hang helang Lewu Tuhan andri Mezbah. ³⁶ Parisayaleh, aku kaeau ma naun bahwa katuluh hal yina akan hawi ma kawan ulun jaman yiti. ³⁷ '' Oh Yerusalem, Yerusalem, kawan nabi nawunu nu balalu na pedak andri watu kawan ulun sa na kirim ma naun. Gaha tu'u Aku hamen ngumpul kawan anak nu katuluh, ialah manu paunan ngumpul kawan anakni hang kapit elat ni, kede naun puang hakun. ³⁸ Dinung, lewu nu sa na tanan ma hanyu jari suni. ³⁹ Hanyu karasa, Aku kaeau ma hanyu bahwa mulai taati, hanyu puang akan kadinung Aku lagi hampe hanyu kaeau, 'Naberkatilah Hanye sa hawi hawuang ngaran Tuhan.'''