¹ Hingka hi Yudas, walah Yesus Kristus* andri pulaksanai Yakobus, ma here sa napidi nelang nakalelu Alatalla, nelang sa napalihara neu Yesus Kristus. ² Were lelu ahi, kasanangan, anri pikaeh penu hang amau naun. Alatalla sagar nukum here sa Ngulah Kahalaen ³ Pulaksanai katuluh sa nasinta, taati akulagi bausaha manulis manaun neu kasalamatan matakam katuluh, aku kainam parlu manulis manaun nelang lakumanaun himpan naun bausaha tuu-tuu neu iman sanatampe hindra makalalawah neu ma kawan ulun kudus*. ⁴ Daya, kawan ulun basiri ikalihik puang uweng sakatunup, Hanye yiru here sahingka sadi haut na siri neu nahukum, kawan ulun puang baiman sa puang narime pangamian Alatalla takam neu nampuas kabahumen nelang puang narime sa tungkan Penguasa nelang Tuhan takam, Yesus Kristus. ⁵ Aku hamen ngampiitungnaun biar naun haut karasa katuluhni, amun Tuhan haut nyalamat umat-Ni andri ngaluar here hingka tane Mesir , kude hanrian Hanye mambinasa here sa puang parisaya. ⁶ Anri, kawan malekat sa puang taat ma kawan batasan kakuasaan here, salenga nanan unengan piunengan here, haut huruk Ni andri rantai abadi hawuang piiyeng sa panga maiyeng neu penghakiman hantek andrau hante yati. ⁷ Kalairu pada Sodom* anri Gomora*sindrah kawan tumpuk sa riet, sa nampuas tenga here hang wuang dosa idapa nelang nyasah kabahumen sa puang patut, haut manangung hukuman apui kalalawah pakai suntu. ⁸ Kalayeru jua kawan ulun yiri, baharap kawan upi here, nanrusak tenga, puang narime kakuasaan, nelang mahina katuluh sa maeh. ⁹ Mikhael ai, sa pangulu malaekat, hantek hanye basual anri Setan*, kajadian bangkai Moses*, puang heei ngantuh kawan paner sa ngapihala hanye, kude hanye kaeyau, Elahleh Tuhan nyangit hanyu!" ¹⁰ Kude, kawan penyesat iti ngampihala kawan kajadian sapuang here karasa, sa ekat here karasa mitah parasaan, ialah situa sapuang baakal. Daya kawan kajadian yiti here sagar nahansur. ¹¹ silaka here! Here haut uma malupui lalan sa nahebu Kain, nelang nyasah anri serakah kahalaen sa na ulah Bileam, nelang hansur daya nawan kala hi Korah. Here yiri iyalah bere murun hang wuang pesta kumannaun, sa nguta nakuta sinrahnaun puanguweng inam takut,perlu ekat ma tenga raerai.Here iyalah rakun sa puang ngenei uran, sanasiwui riwut maaru maati. Here iyalah kawan kakau sapuang bawua hantek musimni, matei hanrueh, nelang nabunat hampe galis wakatni. ¹³ here iyalah galumang laut sa tamam, sa ngaluar wure pikurun here raerai. Here iyalah kawan wawahiyang sa gagaur, sa mahanye piiyeng sa paling maiyeng sa haut nasadia neu makalalawahni. ¹⁴ Pada neu kawan ulun yitileh Henokh, katurunan sakapitu hingka Adam, bernubuat,"Dinungleh, Alatalla hawi sindrah ribuan ulun kudus- Ni, ¹⁵ Neu nampalus hukuman ma katuluh ulun; nukum katuluh ulun fasik daya katuluh ulah gawi fasik sa here ngarajani andri sara fasik, andri daya katuluh papaneran kasar sa haut na paner daya kawan ulun badusa sa fasik nadap Alatalla." ¹⁶ Here hanye yiru kawan ulun sa katuju iwada, ngantara kahalaen, andri makai aheng murun here raerai; here tamam paner nelang bahimat ngatau ulun lain neu kaayuh kauntungan. Paringatan anri Nasehat ¹⁷ Kawan pulaksanai sa nasintaku, naun puangiyuhang ngitung inun sa haut nawara kawan rasul* Tuhan takam, Yesus Kristus. ¹⁸ Here haut kaeyau manaun, sagar naan kawan pamuntaka sa ekat makai aheng here sa fasik." ¹⁹ Here hanye yiru kawan ulun sa ngulah pirawekan, uma aheng duniawi, nelang puang nakuasa Roh*. ²⁰ Kude, naun,kawan pulasanai sa nasintaku, paliharaleh tenganaun raerai hang amau imannaun sa paling suci nelang lakudualeh hangwuang Roh Kudus*. ²¹ Paliharaleh tenganaun hang wuang lelu sinta Alatalla nelang nganrei rahmat Tuhan takam, Yesus Kristus, sa ngayak neu welum kekal. ²⁴ Ma Hanye, sa bakuasa nyaganaun puang lawu nelang ngeneinaun pauweng kakurangan hang hadapan takhta kemuliaan-Ni andri arai atei sa hante. ²⁵ Ma Alatalla satungkan, Panyalamat takam, mitah Kristus Yesus, Tuhan takam, pikaeh, pihante, kakuaten, nelang kuasa puang batikas: sadi, taati, hampe kalalawah. Amin*.