¹ Daya yiru, hayu takam nanan ajaran awal neu Kristus balalu maju ma kedewasaan, puang lagi miulek-ulek ajaran dasar neu pertobatan hingka ulahan sa matei dan iman ma Alatalla; ² ajaran neu pembasuhan andri penumpangan tangan; ajaran neu amuan tika padang ulun matei pada hukuman kalalawah. ³ Irulah sa sagar na ulah daya takam, amun Alatalla mengijinkanni. ⁴ Daya, puang mungkin pertobatan mulek kawan ulun sa sahuanni haut kahaba pencerahan, haut kaingkam karunia surgawi, haut ngalap bagian baya Roh Kudus, ⁵ kainam pikaeh firman Alatalla, pada kaingkam kuasa hingka dunia sa ma hadapan. ⁶ Amun here nanan lalan Kristus, maka mustahil nampan nangkaeh kamulek pertobatan here daya here ganyah mambalasangar Anak Alatalla sa karueh kalini pada ngampiumangan-Hanye andri terbuka. ⁷ Sabab, tane sa menyerap hene ranu uran sa lawu hang amauni, nelang mutik hasil sa baguna ma here sa ngulahni, sagar narime berkat hingga Alatalla. ⁸ Kude, amun tane yiru ekat tumu runrui andri kawan jumpun, maka tane yiru puang uweng riran balalu riet andri kutuk, balalu pada akhirni natutung. ⁹ Kude, kawan pulaksanaiku sa akukasihi, biarpun kami kaeau kalayiru, kami yakin kawan hal sa labih maeh neu naun , hanyeyiru kawan hal sa bahubungan andri kasalamatan. ¹⁰ Sabab, Alatalla puang sapuang adil. Hanye puang angkaitung katuluh gawian andri kasihnu sa hanyu ulah hang wuang ngaran-Ni andri malayani kawan ulun kudus ialah sa masih naulah naun. ¹¹ Kami kasungu masing-masing naun nantarang ketekunan sa sameh nampan naan jaminan harapan sa sempurna hampe kalalawah, ¹² nampan naun ada jari mawule, kude uma teladan kawan ulun sa haut mawarisi kawan janji Alatalla mitah iman andri ketekunan. Janji Alatalla Puang Suah Baubah ¹³ Dami Alatalla bajanji mahi Abraham, Hanye bajanji hang amau tenga-Ni raerai daya puang uweng sa labih hante hingka tenga-Ni. ¹⁴ Alatalla kaeau, "Aku pasti sagar memberkati hanyu,'' pada ''Aku pasti sagar melipatgandakan katurunannu.'' ¹⁵ Balalu, udi ngandrei andri sabar, Abraham narime janji yiru. ¹⁶ Murunsia basumpah demi erangkaulun sa labih hante hingka tengani raerai, pada basumpah ngami ketegasan nampan mengakhiri katuluh perbantahan. ¹⁷ Jari, dami Alatalla hamen ngampidinung andri labih yakin ma ahli waris janji-Ni amun tujuan-Ni puang sagar baubah, Hanye menjamin andri ngulah sumpah ¹⁸ balalu andri rueh hal sa puang tau baubah yiru, sa mengenai hanye Alatalla puangsagar ipusu, takam sa hawi ngantara uneng basalinung sagar kaiuh dorongan sa hante nampan itegei kuat ma pengharapan sa na ami ma takam. ¹⁹ Pengharapan sa naan wat takam yina adalah jangkar ma jiwa takam, kuat pada pasti, sa tebus masuk hampe ma kamar tirai, ²⁰ ma uneng sa haut namasuki Yesus jari tukang uka lalan ma takam nampan jari Imam Hante ma kalalawahni, sesuai andri peraturan Melkisedek.