¹ Kala yina sa patutni ulun ninung kami kawan walah kristus anri kawan ulun sa na parisaya iwara kawan rahasia Alatalla. ² Balalu, kawan ulun sa na parisaya anri kawan hal sa baharaga musti ngami bukti amun here tau na parisaya. ³ Kude, ma aku puang jari soal amun aku na hakimi dayanu atawa daya pangadilan murunsia. Likan, aku sendiri puang mahakimi tengaku. ⁴ daya, aku puang manyadari inun jua hang tengaku sendiri. Kude, puang dagana hal yiru aku na ampi witu, elah Tuhan sa nukas inun aku naan kahalaen atawa puang. ⁵ Dagana yiru, ada mahakimi sa huan wayahni, hanye yiru sahuan pihawian Tuhan. Hanye sa sagar nantarang kawan hal sa padina hawuang piieng nelang sagar nukas kawan bahum atei. Balalu, tatiap ulun sagar narime tawat hingka Alatalla. ⁶ Pulaksanai katuluh, aku haut ngaraja kawan hal yina hang diriku kala hiye pada hi Apolos neu ma kapantingan naun himpan naun isuntu kami, hanyu tau piajar himpan puang tapitah inun sa nasurat anri kala yiru mahi teka naun sa nawat tenga raerai balalu ngakupe sa lainni. ⁷ Daya, hiye sa mambeda-beda hanyu? Inun sa naan hang hanyu, sa puang natarimenu? Nelang, amun samula hanyu naan narime, daya inun hanyu isasakah tenga iyakah puang narime yiru? ⁸ Hanyu haut na ampi wising, hanyu haut tatau! Sahuan naan kami, hanyu haut jari raja! Aku tu'u baharap hanyu tatu'u haut jari raja himpan kami pada tau mamarintah sinrah hanyu. ⁹ Daya, manurut aku, Alatalla haut ngutus kami, kawan rasul, hang uneng sa pangalisan, ialah kawan ulun sa na putus hukuman matei; daya kami na ulah jari tuntunan ma dunia. hau yiru ma kawan malaikat atawa ma murunsia. ¹⁰ Kami budu daya Kristus, kude naun marahati hawuang Kristus. Kami maleme, kude naun gansang wigas. Naun na tawat kude kami na ampahe. ¹¹ hampe itati, kami kalauan nelang haus, bapama ekat hang tenga, nakasasah, nelang welum puang manatap. ¹² Kami manting uat taulang, bagawi anri tangan kami raerai. Hantek kami nasapa, kami iwaleh makai berkat. Hantek kami nasiksa, kami puang nawan. ¹³ hantek kami natangkurun, kami nyangai anri lengan samaeh. Likan, hampe itati, kami jari ialah rateh hang dunia yiti, alamurun hingka sa panga murun. ¹⁴ Aku nyurat kawan hal yina puang himpan ngamangan hanyu, kude pakai ngami nasehat ma hanyu kawan anak sa nasintaku. ¹⁵ Daya, biar hanyu naan sapuluh ribu guru hawuang Kristus, hanyu mahi kaiuh hene amah, dagana hawuang Yesus Kristus, aku yiti sa jari amahnu itetei Surat barasis. ¹⁶ Daya yiru, aku ilaku hanyu, himpan jari ulun sa isuntu aku. ¹⁷ Dagana yiru, aku haut ngutus pi hanyu Timotius, anakku sa nasintaku nelang sa satia hawuang Tuhan. Hanye sagar ngampi itung hanyu neu sara welum hawuang Kristus, ialah sa naajarku ma kawan ungkup hang awe-awe. ¹⁸ Papire hingka hanyu jari sakah, daya mina aku puang sagar hawi lagi nunung hanyu. ¹⁹ Kude, puang lawah lagi aku sagar hawi nunung hanyu, amun Tuhan bakabahumen, aku sagar karasa puang ekat pamaneran kawan ulun sakah yiru, kude amput kuasa here. ²⁰ Dagana, Karajaan Alatalla puang hawuang pamaneran, kude na gawi hawuang kuasa. ²¹ Inun sa nakahamenennu? Inunkah aku musti hawi pihanyu makai raat atawa makai sinta anri roh ahi lelo?