¹ Itati neu ngumpul duit ma kawan ulun kudus, gawileh sasuai anri patitah sa amiku ma kawan ungkup hang Galatia. ² Hang anrau palanungkai tatiap mingu, asing-asing naun namparing duit balalu nyimuh manyu kaiyuhen himpan ada tawuk aku hawi wau naun mangumpulni. ³ Hantek aku hawi, aku sagar ngutus here, hiye pun pidian naun, palus anri kawan surat pakai ngenei pangamian naun ma Yerusalem. ⁴ Nelang, amun patutni aku pada tulak, here sagar tulak sinrah aku. Rensana Pakiaan Petrus ⁵ Kude, aku sagar hawi nunung naun udi aku mitah Makedonia daya aku ngaheng mitah Makedonia. ⁶ Anri, hang kunuanku sagar muneng baya naun atawa nangalis hampe tapitah musim marisak himpan naun kaiuh ngarawah aku hawuang pakiaanku, maawe eleh aku tulak. ⁷ daya, aku puang hamen panalu naun amun ekat erang pitus. Aku hamen muneng papire lawah baya naun, anun Tuhan nunyu. ⁸ Kude, aku sagar muneng hang Efesus hampe anrau Pentakosta, ⁹ Dagana uwaanawang sa hante pakai ngulah gawi sa bariran haut pauka ma aku biar naan rama sa puang katuju. ¹⁰ Itati, amun hi Timotius hawi, tarime hanye anri maeh himpan hanye puang tanyuh hantek hang penah naun daya hanye pada ngulah pagawian Tuhan, sameh ialah aku pada. ¹¹ Jari, ada hampe naan ulun sa ngampahe hanye. Karawah hanye hawuang nampalus pakiaanni himpan hanye tau mulek ma aku. Aku nunup pihawianni sinrah baya kawan pulaksanai hang yati. ¹² Itati neu pulaksanai takam hi Apolos, aku nunyu tuu himpan hanye hawi nunung naun sinrah kawan pulaksanai salaini, kude hanye puang hakun budas hawi itati. Hanye sagar hawi amun naan kasampatan. Tabe Panutup ¹³ mamaehlah, nelang mansing hawuang kaparisayaen. Batindak ialah kawan upu nalang hawuang kakuaten. ¹⁴ Elahleh uras sa nagawi naun, naulah hawuang sinta. ¹⁵ Aku nunyu tuu, kawan Pulaksanai, ( naun karasa amun uras isi lewu hi Stefanus hanyeyiru kawan wua palanungkai hang Akhaya, nelang here haut nyarah tenga here pakai malayan ungkup), ¹⁶ himpan naun pada tunuk ma kawan ulun ialah yiti anri ma tatiap ulun sa bagawi sasameh nelang tulus malayani. ¹⁷ Aku araimihewu neu pihawian Stefanus, Fortunatus, anri Akhaikus dagana here haut nutup inun sa kurang hingka naun. ¹⁸ Sabab, here ngampi sehat rohku pada roh naun. Daya sabab yiru, kawan ulun ialah yiru musti naharagai. ¹⁹ Kawan Ungkup hang Asia nahampe tabe ma naun. Hi Akwila anri hi Priskila tabe sa hangat hawuang Tuhan pi naun, sasameh anri kawan ungkup hang lewu here. ²⁰ Uras pulaksanai hang yati ngirim tabe ma naun. tahampeleh lengan tabe isa anri sa lain palus siukan kudus. ²¹ Aku, hi Paulus, nyurat tabe yiti anri tanganku raerai. ²² Amun naan ulun sa puang sinta ma Tuhan, takutuk hanye. Oh Tuhan, ware Hanyu hawi! ²³ Berkat Tuhan Yesus nyinrah naun. ²⁴ Sintaku nyinrah naun uras hawuang Yesus Kristus, Amin.