¹ Daya, aku hamen naun karasa, pulaksanai katuluh, amun datu nini takam, urasni naan hang kapit awan nelang urasni mitah laut. ² Uras herena na apanrus hawuang hi Moses, hawuang awan anri hawuang laut. ³ Here uras nguta makuta rohani sa sameh, ⁴ nelang urasni nguut ranu rohani sa sameh. daya, here nguut teka Watu rohani sa uma sirah here, anri Watu yiru hanye yiru Kristus. ⁵ Biar kalayiru, hene teka here sa puang nakatuju Alatalla. Dagana yiru, here na tamatei hang padang jumpun. ⁶ Itati, uras hal yiti naulah jari suntu ma takam himpan takam puang jari ulun sa ba aheng ngulah jahat ialah sa na kahamenen here. ⁷ Ada jari panyamah barhala ialah papire kaulun teka here, naan nasurat,"Bangsa yiru muku maharung kuman nguut, balalu mindri palus tuli." ⁸ Ada takam ngulah pagawian sa murun ialah sa nagawi daya papire kaulun teka here hampe 23 ribu kaulun matei hang erang anrau. ⁹ Takam pada puang iuh nyuba Tuhan, ialah papire kaulun teka here sa nyuba Tuhan balau matei wauh patuk anipe bawisa. ¹⁰ Ada pada hanyu ilaku nelang mamaksa ialah here pada ilaku nelang mamaksa palus na wunu daya malaikat pampatei. ¹¹ Katuluh hal yiru na sanjari ma here himpan jari suntu nelang nasurat pakai paringaten ma takam, sa ma hie wayah pijumpuhan haut hawi. ¹² Dagana yiru, elah ulun sa mina tengani segah minri mamaeh himpan puang lawu! ¹³ Mahi purija sa suah wuah ingkamnu kasuali purija sa biasa ma murunsia. Nelang, Alatalla satia, Hanye puang sagar maladar hanyu na purija labis teka kasangupaennu. Kude, sinrah anri purija yiru, Hanye pada sagar nyadia lalan kaluar himpan hanyu kaiuh batahan. ¹⁴ Dagana yiru, pulaksanaiku katuluh sa nasintaku, sanawit tenganu neu nyamah barhala. ¹⁵ Aku kaeau ialah yina pi kawan ulun sa bijaksana, pikirleh inun sa naeauku. ¹⁶ Angsah ranu angur sa nasyukuri takam yiru bukti tenga daging takam jari isa hawuang ira Kristus? Anri, roti sa nabagi yiru bukti tenga daging takam jari isa hawuang tenga Kristus? ¹⁷ Dagana naan isa roti, balalu takam sa hene yina jari isa tenga; daya takam uras jari bagian teka isa roti yiru. ¹⁸ Suba dinung kawan ulun Israel, angsah here sa nguta kutaen sa nasarah ma parapah pada jari isa hawuang unengan yiru? ¹⁹ Balalu, inun sa naahengku? Inun kutaen sa na sarah ma barhala yiru naan riranni? Atawa, inun barhala yiru bariran? ²⁰ Puang. Aku kaeau ma hanyu amun uras hal sa na gawi daya kawan bangsa lain, here nyarah parapah ma kawan ruh ala murun, puang ma Alatalla. Nelang, aku pauang hakun hanyu jari isa anri kawan ruh ala murun. ²¹ Hanyu puang iuh nguut mangkuk anggur Tuhan anri pada nguut mangkuk kawan ruh ala murun. Hanyu puang tau uma ikuta hang meja Tuhan anri ikuta pada hang meja kawan ruh ala murun. ²² Atawa, inunkah takam hamen ngulah Tuhan bahiri? inunkah takam labis tamam teka Tuhan? Welum pakai Ngampi Milia Alatalla. . 23"Inun eleh iuh na gawi," kude puang urasni bariran. "Inun eleh iuh na gawi," kude puang urasni mambangun. ²⁴ Ada hampe naan isa jua sa ngantara pikaeh pakai dirini raerai, kude antara pikaeh pakai ulun lain pada. ²⁵ Kutaleh inun sa naan naari hang pasar daging puang usah naun mariksani, himpan ngampi sanang atei. Daya, tane baya isini urasni yiru milik Tuhan. ²⁷ Amun erang kaulun sa huan parisaya nerawan hanyu nelang hanyu basadia hawi, kutaleh inun sa nasurungan hang hadapannu puang usah mariksani, himpan ngampi sanang atei. ²⁸ Kude, amun naan ulaun sa kaeau ma hanyu, "Makuta yina udi na sarah ma parapah," ada naun nguta, himpan maharaga ulun sa iwara ma hanyu yiru nelang pada himpan marauh hang ateinu. ²⁹ Bahumku, puang himpan ngampisanang ateinu raerai, kude ngampisanang atei ulun lain pada. Wuah inun kabebasanku na batasi anri nyaga garak atei ulun lain? ³⁰ Amun aku ngalap bagianku anri ngantuh syukur, wuah inun aku na ampi hala daya kutaen sa haut na syukurku? ³¹ Jari, hau yiru hanyu kuman atawa nguut, atawa inun eleh sa na gawinu, gawileh urasni yiru makai kamuliaan Alatalla. Ada ngulah ulun badosa, hau yiru ulun Yahudi, ulun Yunani, atawa ungkup Alatalla. ³³ Ialah aku pada hawuang uras hal ngampisanang atei ulun, puang ngantara kauntungen ma tengaku raerai, kude kauntungen ma ulun rama himpan here kaiuh kasalamaten.